កូវីដ-១៩
ក្រុងកំពង់ឆ្នាំងរកឃើញមន្ត្រីម្នាក់វិជ្ជមានកូវីដ‑១៩ ឆ្លងពីអ្នកសារព័ត៌មាន និងមានអ្នកពាក់ព័ន្ធជាច្រើន
រដ្ឋបាលក្រុងកំពង់ឆ្នាំងខេត្តកំពង់ឆ្នាំងបានប្រកាសរកឃើញមន្ត្រីមន្ទីររៀបចំដែនដីនគរូបនីយកម្មសំណង់ និងសុរិយោដីខេត្តម្នាក់ ឈ្មោះ លន់ ទ្រី ឆ្លងជំងឺកូវីដ‑១៩ ពីលោក យឹម សុខារិន ជាអ្នកសារព័ត៌មានដែលបានចម្លងបន្តដល់ប្រពន្ធកូន និងមន្ត្រីនគរបាលម្នាក់។
យោងតាមសេចក្តីប្រកាសព័ត៌មានរបស់រដ្ឋបាលក្រុងកំពង់ឆ្នាំង ចុះថ្ងៃទី១៤ ខែឧសភានេះបានឱ្យដឹងថា លោក យឹមសុខារិន អាយុ៦៤ឆ្នាំ រស់នៅភូមិកណ្ដាល សង្កាត់ផ្សារឆ្នាំង ក្រុងកំពង់ឆ្នាំង ខេត្តកំពង់ឆ្នាំង ជាអ្នកសារព័ត៌មានបានទៅអាហារដ្ឋានបុរីបឹងកំប្លោក ហើយឈ្មោះ លន់ ទ្រី ជាមន្ត្រីមន្ទីររៀបចំដែនដីនគរូបនីយកម្មសំណង់ និងសុរិយាដីខេត្តបានចេញចូលនៅអាហារដ្ឋាននេះផងដែរ។
បន្ទាប់មកឈ្មោះ លន់ ទ្រី ដែលមានផ្ទះនៅភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំងបានចូលរួមអនុវត្តសាលក្រមរបស់អយ្យការសាលាដំបូងខេត្តកំពង់ឆ្នាំង ស្ថិតនៅក្នុងភូមិទី៧ សង្កាត់ខ្សាម ក្រុងកំពង់ឆ្នាំងកាលពីថ្ងៃទី១១ ខែឧសភា ឆ្នាំ២០២១។ លុះដល់ថ្ងៃទី១៣ ខែឧសភា ឈ្មោះ លន់ ទ្រី បានធ្វើតេស្តវិជ្ជមានកូវីដ‑១៩។
បើតាមរដ្ឋបាលក្រុងកំពង់ឆ្នាំងក្នុងរយៈពេលអនុវត្តការងារនេះក៏មានអ្នកពាក់ព័ន្ធជាច្រើនដែលប៉ះពាល់ដោយផ្ទាល់ និងប្រយោលជាមួយឈ្មោះ លន់ ទ្រី នេះ។
រដ្ឋបាលក្រុងអំពាវនាវដល់បងប្អូនដែលមានការពាក់ព័ន្ធផ្ទាល់ ឬប្រយោលទាំងអស់មេត្តាប្រញាប់រួសរាន់មកជួបក្រុមគ្រូពេទ្យដើម្បីយកសំណាកត្រូវធ្វើតេស្តជាបន្ទាន់នៅមន្ទីរពេទ្យខេត្តកំពង់ឆ្នាំង។
បើតាមរដ្ឋបាលខេត្តកំពង់ឆ្នាំង ឈ្មោះ យឹម សុខារិន ជាអ្នកសារព័ត៌មាននេះបានចម្លងបន្តទៅឈ្មោះ សាន ផល្លា ភេទស្រី អាយុ៣៥ឆ្នាំ មុខរបរជាងកាត់ដេរសំលៀកបំពាក់ ត្រូវជាប្រពន្ធ ឈ្មោះ វ៉ុន នីតា ភេទស្រី អាយុ១២ឆ្នាំ ត្រូវជាកូន និងឈ្មោះ វ៉ន់ សុខកុសល ភេទប្រុស អាយុ១១ឆ្នាំ ត្រូវជាកូនកូន។
ជាងនេះទៀតឈ្មោះ មុយ អ៊ឹម ភេទប្រុស អាយុ៥១ឆ្នាំ ជាមន្ត្រីនគរបាលអធិការដ្ឋានក្រុងកំពង់ឆ្នាំងដែលបានឆ្លងពីលោក យ៉ឹម សុខារិន ហើយឈ្មោះ មុយ អ៊ឹម បានបន្តចម្លងទៅឈ្មោះ ហុង ម៉េង ភេទប្រុស អាយុ៦៦ឆ្នាំ នៅសង្កាត់កំពង់ឆ្នាំងបន្តទៀត។
គួរបញ្ជាក់ថាឈ្មោះ យឹម សុខារិន នេះបានប៉ះពាល់ជាមួយជាងសំណង់មកពីរាជធានីភ្នំពេញមកធ្វើបង្គន់ឱ្យគាត់ ហើយនៅថ្ងៃទី១១ ខែឧសភា គាត់បានទៅមន្ទីរពេទ្យពិនិត្យព្យាបាល និងមានប្រវត្តិប៉ះពាល់ជាមួយមនុស្សជាច្រើននៅអាហារដ្ឋានបុរីបឹងកំប្លោង និងមិត្តភក្កិជាអ្នកសារព័ត៌មានមួយចំនួនផងដែរ៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ