កូវីដ-១៩
អាណិកជនខ្មែរអូស្រ្តាលីម្នាក់ មកដេកស្លាប់នៅផ្ទះសំណាក់ ពេទ្យតេស្តមានវិជ្ជមានកូវីដ១៩
ខេត្តបន្ទាយមានជ័យ៖ បុរសអាណិកជនខ្មែរមកពីអូស្រ្តាលីម្នាក់បានស្លាប់ ពេលមកគេងស្នាក់នៅផ្ទះសំណាក់ អុឹមប៊ី ស្ថិតក្នុងភូមិ ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។ ក្រោយកើតហេតុ ក្រុមគ្រូពេទ្យបានធ្វើតេស្ត រកឃើញមានវិជ្ជមានកូវីដ១៩។
បុគ្គលិកផ្ទះសំណាក់ប្រទះឃើញសពស្លាប់ នៅវេលាម៉ោង១២យប់រំលងអាធ្រាត្រ ថ្ងៃទី១៤ឈានចូលថ្ងៃទី១៥ ខែឧសភាឆ្នាំ២០២១។
បើតាមការអះអាងរបស់ក្រុមគ្រួសារបានប្រាប់អ្នកយកព័ត៍មានឲ្យដឹងថា សពមានឈ្មោះ លឿន ចំទីន ប្រុស អាយ៣៣ឆ្នាំ ជាអាណិកជនខ្មែរមកពីអូស្តាលីចូលមកស្រុកខ្មែរ នៅថ្ងៃទី២០ ខែ មេសា ឆ្នាំ ២០២១ មកដេកផ្ទះសំណាក់អុឹមប៊ី ថ្ងៃទី១០ ខែ ឧសភា ឆ្នាំ ២០២១។ បុរសនេះធ្លាប់ធ្វើចត្តាឡីស័កនៅក្រុងភ្នំពេញចំនួន១៤ថ្ងៃរួចមកហើយ ទើបក្រុមគ្រូពេទ្យជំនាញឲ្យធ្វើដំណើរមកខេត្តបន្ទាយមានជ័យ។
លោកហុឹល រ៉ាយ៉ា អភិបាលក្រុងសិរីសោភ័ណ បានប្រាប់អ្នកយកព័ត៍មានឲ្យដឹងថា ផ្ទះសំណាក់ អុឹមប៊ីដែលមានមនុស្សស្លាប់ដោយជំងឺកូវីដ១៩នេះ មានមនុស្សដេកក្នុងផ្ទះសំណាក់ជាប់ពាក់ព័ន្ធមានចំនួន២១នាក់ស្រី៦នាក់ ជនជាតិខ្មែរចំនួន៩នាក់ ក្នុងនោះមានស្រី២នាក់ ជនជាតិថៃមានចំនួន១០នាក់ ស្រី៣នាក់និងជនជាតិចិនមានចំនួន១នាក់។ បុគ្គលិកផ្ទះសំណាក់ មានចំនួន៥នាក់ស្រី១នាក់។
លោកហុឹល រ៉ាយ៉ា បានបញ្ជាក់ឲ្យដឹងបន្តទៀតថា អ្នកជាប់ពាក់ព័ន្ធទាំងនោះ និងផ្ទះសំណាក់ ត្រូវបានអភិបាលខេត្តបន្ទាយមានជ័យ បញ្ជាឲ្យបិទ និងធ្វើចត្តាឡីស័កឲ្យបានគ្រប់ចំនួន១៤ថ្ងៃទើបឲ្យបើកដំណើរការឡើងវិញ៕
អត្ថបទ៖ វ៉ាន់ ណាង
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ