ថ្ងៃអាទិត្យ​នេះ ប្រជាពលរដ្ឋ​នៅតំបន់​បិទ​ខ្ទប់ដោយ​ជំងឺ​កូ​វីដ​-១៩ ​ជាង​៨០០០​គ្រួសារ​ទៀត ទទួលបាន​ស្បៀងអាហារ ពី​អាជ្ញាធរ​រាជធានី​ភ្នំពេញ​
Connect with us
Helistar Cambodia - Helicopter Charter Services

កូវីដ-១៩

ថ្ងៃអាទិត្យ​នេះ ប្រជាពលរដ្ឋ​នៅតំបន់​បិទ​ខ្ទប់ដោយ​ជំងឺ​កូ​វីដ​-១៩ ​ជាង​៨០០០​គ្រួសារ​ទៀត ទទួលបាន​ស្បៀងអាហារ ពី​អាជ្ញាធរ​រាជធានី​ភ្នំពេញ​

បានផុស

នៅ

អាជ្ញាធរ​រាជធានី​ភ្នំពេញ ​នៅ​ថ្ងៃអាទិត្យ​ ទី​១៦ ខែ​ឧសភា​នេះ បាន​បន្ត​ចែកជូន​ស្បៀងអាហារ ជូន​ប្រ​ជា​ពលរដ្ឋ​នៅ​តំបន់​បិទ​ខ្ទប់ចំនួន​៨១០០​គ្រួសារ​បន្ថែមទៀត ហើយបើ​គិត​មកដល់ពេលនេះ ប្រជា​ពល​រដ្ឋ​រស់នៅក្នុង​តំបន់​បិទ​ខ្ទប់ ដោយ​ជំងឺ​កូ​វីដ​-១៩ ចំនួន​ជាង​៤១​ម៉ឺន​គ្រួសារ​ហើយ ដែល​ទទួលបាន​ស្បៀងអាហារ​ដ៏​ថ្លៃថ្លា​របស់​សម្ដេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជា​ណាចក្រ​កម្ពុជា និង​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីរដ្ឋបាល​រាជធានី​ភ្នំពេញបានឲ្យដឹងថា សម្រាប់​ថ្ងៃអាទិត្យ​ទី​១៦​ ខែឧសភា​នេះ អាជ្ញាធរ​រាជធានី​ភ្នំពេញ បាន​បន្ត​ចែកជូន​ស្បៀងអាហារ ជូន​ប្រជាពលរដ្ឋ​នៅ​តំបន់​បិទ​ខ្ទប់ចំនួន​៨១០០​គ្រួសារ​បន្ថែម​ទៀត ហើយ​ក្នុង​ចំនួន​នេះ បាន​ចែក​ជូនទៅប្រជាពលរដ្ឋ រស់នៅ​ខណ្ឌមានជ័យ​ចំនួន​២០០០​គ្រួសារ ខណ្ឌ​សែនសុខ ៣០០​គ្រួសារ ខណ្ឌ​ព្រែក​ព្នៅ៥០០​គ្រួសារ ខណ្ឌ​ឬ​ស្សី​កែវ​ចំនួន​១៥០០​គ្រួសារ ខណ្ឌ​ជ្រោយចង្វា ៧០០​គ្រួសារ ខណ្ឌដូនពេញ​ចំនួន​២០០​គ្រួសារ ខណ្ឌ​៧​មករា ៣០០​គ្រួសារ ខណ្ឌ​ចំការ​មន ៨០០​គ្រួសារ ខណ្ឌ​ច្បារអំពៅ​ចំនួន​៨០០​គ្រួសារ ខណ្ឌ​កំបូល​ចំនួន​១០០០​គ្រួសារ និង​ក្រុមការ​ងារ​ចំនួន​៤០០​គ្រួសារ ។​

មន្ត្រី​ដដែល​បន្តថា អាជ្ញាធរ​រាជធានី​ភ្នំពេញ ក្រោម​ការណែនាំ ​និង​បញ្ជា​ពី​លោក ឃួ​ង ស្រេង ​អភិ​បាល​នៃ​គណៈ​អភិបាល​រាជធានី​ភ្នំពេញ សហការ​ជាមួយ​កងទ័ពជើងគោក បាន​ដឹកជញ្ជូនស្បៀង​អាហារ ដែលជា​អំណោយ​ដ៏​ថ្លៃថ្លា​របស់​សម្ដេច​អគ្គមហាសេនាបតី​តេ​ជោ ហ៊ុន សែន និង​សម្ដេច​កិត្តិ​ព្រឹទ្ធ​បណ្ឌិត ប៊ុន រ៉ានី ហ៊ុនសែន ប្រធាន​កាកបាទក្រហមកម្ពុជា យកទៅ​ចែកជូន​ប្រជាពលរដ្ឋ​ក្នុង​តំបន់​បិទ​ខ្ទប់​នៅ​រាជធានី​ភ្នំពេញ ចាប់ពី​ថ្ងៃទី​១៩ ខែមេសា ដល់​ថ្ងៃ​១៦​ខែ ខែឧសភា​នេះ​ បាន​ចំនួន​៤១០៨៥២​គ្រួសារហើយ ។​

គួរ​បញ្ជាក់ថា អនុវត្តតាម​បទបញ្ជា​របស់លោកឧ​ត្ត​ម​សេនីយ៍​ឯក ហ៊ុន ម៉ា​ណែ​ត អគ្គមេបញ្ជាការ​ង នៃ​កងយោធពល​ខេមរភូមិន្ទ និង​ជា​មេបញ្ជាការ​កងទ័ពជើងគោក ពាក់ព័ន្ធ​នឹង​សកម្មភាព​មនុស្ស​ធ​ម៌​ខាងលើនេះ បាន​ប្រើប្រាស់​កងកម្លាំង​ទ័ពជើងគោកចំនួន​២០៦​នាក់ និង​រថយន្ត​៦២​គ្រឿង ដោយ​សហការ​ជាមួយ​រដ្ឋបាល​រាជធានី​ភ្នំពេញ ក្នុងការ​ដឹកជញ្ជូន​ស្បៀងអាហារ​ទៅ​ចែកជូន​ប្រជាពលរដ្ឋ​ដែលមាន​ជីវភាព​ខ្វះខាត​នៅក្នុង​ខណ្ឌ​ទាំង​១៤ ក្នុង​រាជធានី ដែលមាន​ដូចជា អង្ករ​, មី​, ទឹកត្រី​, ទឹកស៊ី​អ៊ីវ​, និង​ត្រីខ​ជាដើម ដើម្បី​រំលែក​ទុក្ខលំបាក​ប្រជាពលរដ្ឋ នៅ​តំបន់​បិទ​ខ្ទប់​៕​

អត្ថបទ ៖ ស្រីរ័ត្ន​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៥ នាទី មុន

ក្រុមគ្រូពេទ្យមន្ទីរពេទ្យបង្អែកខេត្តកំពង់ឆ្នាំង វះកាត់រលាកខ្នែងពោះវៀនអ្នកជំងឺកូវីដ ដោយជោគជ័យ

ព័ត៌មានជាតិ៣៦ នាទី មុន

ពិនិត្យ​សំណាក​ឃើញ​ថា​អវិជ្ជមាន​ ទើប​បញ្ជូន​ជន​សង្ស័យ ២ នាក់​ទៅ​តុលាការ ពាក់ព័ន្ធ​ករណី​គ្រឿងញៀន

ព័ត៌មានជាតិ៥៣ នាទី មុន

និស្សិតខ្មែរ ៧ រូប ប្រកាសបញ្ចប់ការសិក្សាជោគជ័យលើជំនាញ មីសុីល និងកាំភ្លេីងធំ ពីប្រទេសរុស្ស៊ី

ព័ត៌មានជាតិ១ ម៉ោង មុន

គណៈបញ្ជាការ​ឯកភាព​ខណ្ឌឫស្សីកែវ ចុះ​រុះរើ​បែរ​ត្រី​និង​ផ្ទះ​ទឹក​តាម​សង្កាត់​ទាំង​៥ ​បាន​ប្រហែល​៨០​ភាគរយ​ហើយ

កូវីដ-១៩១ ម៉ោង មុន

ដេកឈឺរុាំរ៉ៃនៅផ្ទះដល់ពេលស្លាប់ មានវិជ្ជមានកូវីដ ឆ្លងដល់ប្រពន្ធនិងកូន៤នាក់

Sokha Hotels

ព័ត៌មានពេញនិយម

Helistar Cambodia - Helicopter Charter Services