តើយុវជនអាចឆក់ចាប់ឱកាសល្អអ្វីខ្លះក្នុងវិបត្តិកូវីដ-១៩?
Connect with us
Helistar Cambodia - Helicopter Charter Services

កូវីដ-១៩

តើយុវជនអាចឆក់ចាប់ឱកាសល្អអ្វីខ្លះក្នុងវិបត្តិកូវីដ-១៩?

បានផុស

នៅ

ជំងឺកូវីដ-១៩ គឺជាវិបត្តិដ៏ធំមួយដែលប្រទេសកម្ពុជា ក៏ដូចជាពិភពលោកកំពុងជួបប្រទះ។ ជំងឺនេះក៏ជាផ្នែកមួយដែលប៉ះពាល់ដល់សកម្មភាពយុវជន និងធ្វើឱ្យមានបញ្ហាផ្លូវចិត្ត (Depression) ប្រសិនបើពួកគេមិនដឹងថាខ្លួនត្រូវធ្វើអ្វីខ្លះកំឡុងពេលនៃវិបត្តិនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបទពិសោធន៍ការចូលរួមកម្មវិធីអន្តរជាតិជាមួយបណ្តាយុវជននៅលើពីភពលោក ហើយក៏ធ្លាប់ជាវាគ្មិននៅក្នុងកម្មវិធីអន្តជាតិមួយចំនួន លោក ណុះ ណាវី ជានិស្សិតឆ្នាំទី៤ ជំនាញគ្រប់គ្រងទេសចរណ៍នៃសាកលវិទ្យាល័យភូមិន្ទភ្នំពេញ និងជាអតីតយុវជនទូតសុឆន្ទៈនៅក្នុងកម្មវិធីកិច្ចប្រជុំគំរូនៃអង្គការសហប្រជាជាតិ បានសង្កេតឃើញថា យុវជនអាចប្រើពេលវេលា ក៏ដូចជាធ្វើសកម្មភាពនានាផ្ដល់អត្ថប្រយោជន៍ដល់ខ្លួនកំឡុងពេលកូវីដ-១៩ ដូចជា៖

១. ពង្រឹងការប្រើប្រាស់ប្រព័ន្ធឌីជីថល៖ បច្ចេកវិទ្យាគឺពិតជាសំខាន់ ដូច្នេះកំឡុងពេលនៃការរីករាលដាលជំងឺកូវីដ-១៩នេះ វាជាឱកាសល្អបំផុតដល់យុវជនត្រូវយល់ដឹងពីការប្រើប្រាស់ប្រព័ន្ធបច្ចេកវិទ្យា ឬប្រព័ន្ធឌីជីថលសម្រាប់ដើរឱ្យទាន់បដិវត្តឧស្សាហកម្ម៤.០ និងម្យ៉ាងទៀតដោយសារវិបត្តិកូវីដ-១៩នេះ គឺតម្រូវឱ្យមនុស្សទាំងអស់ត្រូវចេះប្រើប្រព័ន្ធឌីជីថលសម្រាប់ការទាក់ទងគ្នា ការសិក្សា ឬនៅក្នុងការងារ។

២. រៀបចំព្រឹត្តិការណ៍តាមអនឡាញ៖ ដោយសារបញ្ហាកូវីដ-១៩ មិនអាចឱ្យមនុស្សជួបគ្នាដោយផ្ទាល់ដើម្បីរៀបចំកម្មវិធី ជាពិសេចំពោះយុវជន ទោះបីពួកគេមានគម្រោង ឬក៏សកម្មភាពអ្វីក៏មិនអាចរៀបចំដោយផ្ទាល់បាន។ ដូច្នេះហេតុផលតែមួយគឺពួកគេត្រូវបង្វែរកម្មវិធីទាំងអស់នោះមករៀបចំតាមប្រព័ន្ធអនឡាញ។ ការរៀបចំព្រឹត្តិការណ៍តាមប្រព័ន្ធអនឡាញគឺពិតជាសំខាន់សម្រាប់យុវជននៅក្នុងការចែកបទពិសោធន៍រវាងគ្នានឹងគ្នាទៅវិញទៅមកនៅក្នុងស្ថានភាពវិបត្តិកូវីដ-១៩នេះ។

៣. ធ្វើការងារស្ម័គ្រចិត្តតាមអនឡាញ៖ នៅក្នុងបរិបទកូវីដ-១៩នេះ មានការងារស្ម័គ្រចិត្តមួយចំនួនក៏ធ្វើឡើងតាមរយៈអនឡាញដែរ ហើយរាល់ការការប្រជុំដើម្បីពិភាក្សាគ្នាម្តងៗពួកគេធ្វើតាមប្រព័ន្ធអនឡាញ។ នេះបង្ហាញអំពីបរិបទថ្មីមួយសម្រាប់យុវជនដែលចូលចិត្តធ្វើការងារស្ម័គ្រចិត្ត ទោះបីស្ថិតនៅក្នុងការរាតត្បាតជំងឺកូវីដ-១៩ក៏ដោយ។

៤. យកពេលអានសៀវភៅ៖ការអានសៀវភៅគឺអានបានគ្រប់ពេលវេលា និងគ្រប់ទិកន្លែង។ ដូច្នេះកំឡុងពេលកូវីដ-១៩នេះ វាគឺជាពេលវេលាល្អមួយសម្រាប់យុវជននៅក្នុងការចំណាយពេលទៅលើការអានសៀវភៅ ព្រោះថាការស្នាក់នៅផ្ទះយូរពេកអាចធ្វើឱ្យអារម្មណ៍ស្មុគស្មាញ ហេតុនេះយុវជនគួរតែយកពេលនៅផ្ទះមួយចំនួនមកផ្តោតលើការអានសៀវភៅ សម្រាប់បង្កើនចំណេះដឹងបន្ថែមទៀត។

៥. ការធ្វើលំហាត់ប្រាណនៅផ្ទះ៖ការធ្វើលំហាត់ប្រាណគឺពិតជាសំខាន់សម្រាប់រាងកាយ និងខួរក្បាល ទោះបីការធ្វើលំហាត់ប្រាណនោះនៅទីណាក៏ដោយ។ ដោយសារកូវីដ-១៩ យើងអត់អាចចេញពីផ្ទះបាន ដូច្នេះការជ្រើសរើសពេលវេលាសមស្របណាមួយសម្រាប់ធ្វើលំហាត់ប្រាណនៅផ្ទះ គឺជាការល្អប្រសើរសម្រាប់ធ្វើឱ្យរាងកាយរឹងមាំ និងសុខភាពខួរក្បាលល្អមានប្រាជ្ញាឈ្លាសវៃ។

៦. ចំណាយពេលវេលាឱ្យបានច្រើនជាមួយក្រុមគ្រួសារ៖កំឡុងកូវីដ-១៩ ជាពិសេសស្ថិតនៅក្នុងពេលដែលបិទខ្ទប់ វាគឺជាពេលល្អបំផុតសម្រាប់ការមានឱកាសបានស្នាក់នៅផ្ទះយូរជាមួយក្រុមគ្រួសារ។ ដូច្នេះក្នុងនាមជាយុវជនដែលជាកូន គួរតែយកពេលវេលានេះបង្កើនភាពស្និទ្ធស្នាលជាមួយឪពុកម្តាយ ក៏ដូចជាត្រូវមានសកម្មភាពជាមួយពួកគាត់ឱ្យបានច្រើនដើម្បីឱ្យពួកគាត់សប្បាយចិត្ត និងពោរពេញទៅដោយសេចក្តីសុខ៕

អត្ថបទ៖ ច័ន្ទ វីរៈ

លោក ណុះ ណាវី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ចរាចរណ៍១ នាទី មុន

ម៉ូតូ​ចាប់​ហ្វ្រ័ង​អក​ស្សឺ​ជង្ហុក ​ត្រូវ​រថយន្តបុក​ពីក្រោយ​របួស​បាក់​ជើង​ម្ខាង

ព័ត៌មានជាតិ១ ម៉ោង មុន

កម្មវិធី Pleng និង​ក្រុមហ៊ុន កូ​កា កូ​ឡា សហការគ្នា​ក្នុង​យុទ្ធ​ការ “​បញ្ចេញ​ភាពរស់រវើក​របស់​អ្នក​” ជាមួយនឹង​បទ​ចម្រៀង​ផ្ដាច់មុខ និង​រង្វាន់​ជាច្រើន​ផ្សេងទៀត​

ព័ត៌មានជាតិ២ ម៉ោង មុន

បុរស​ម្នាក់​ខូចចិត្ត​លោតទឹក​សម្លាប់​ខ្លួន នៅ​ចំណុច​ស្ពាន​ស្រែ​ពក​លំផាត់ ដោយសារ​គូរ​ស្នេហ៍​ភ្ជាប់ពាក្យ​ចោល

ព័ត៌មានជាតិ២ ម៉ោង មុន

ភ្លេច​បិទ ធុង​ហ្គាស​ផ្ទុះ​ឆាបឆេះ ផ្ទះ​មេ​ចុងភៅ​អស់​១​ខ្នង​ទាំងស្រុង​ផ្អើល​សមត្ថកិច្ច​អន្តរាគមន៍

ព័ត៌មានជាតិ២ ម៉ោង មុន

មន្ទីរ​ធម្មការ​និង​សាសនា​រាជធានី ប្រកាស​ពី​ការផ្អាក​ការជួបជុំ និង​ការ​ប្រមូលផ្ដុំ​ថ្វាយបង្គំ ជា​បណ្តោះអាសន្ន ចាប់ពី​ថ្ងៃនេះ​តទៅ ដើម្បី​ទប់ស្កាត់​ជំងឺ​កូ​វីដ​-១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services