កូវីដ-១៩

ស្ថានទូតអំពាវនាវឲ្យពលរដ្ឋខ្មែរ ដែលរស់នៅប្រទេសថៃ ចូលរួមអនុវត្តតាមវិធានការរបស់អាជ្ញាធរ ខណៈជំងឺនេះរីករាលដាលកាន់តែខ្លាំង

បានផុស

៣ years មុន

នៅ

ថ្ងៃចន្ទ ១៧ ឧសភា ២០២១

ដោយ

ស្ថានទូត នៃព្រះរាជាណាចក្រកម្ពុជា ប្រចាំនៅប្រទេសថៃ នៅថ្ងៃទី១៧ ខែឧសភា នេះ បានបញ្ជាក់ថា បច្ចុប្បន្ននៅប្រទេសថៃ មានតំបន់មួយចំនួន ត្រូវបានរឹតត្បិត ដើម្បីទប់ស្កាត់ការរីករាលដាល នៃជំងឺកូវីដ-១៩ រលកថ្មី នៅក្នុងប្រទេសថៃ ហើយស្ថានទូតបានអំពាវនាវឲ្យបងប្អូនប្រជាពលរដ្ឋកម្ពុជា ដែលកំពុងស្នាក់នៅក្នុងប្រទេសថៃ មេត្តាចូលរួមអនុវត្តតាមវិធានការណែនាំ និងបទប្បញ្ញត្តិ ដែលអាជ្ញាធរថៃ បានដាក់ចេញឲ្យបានខ្ជាប់ខ្ជួន ដើម្បីបង្ការខ្លួនកុំឲ្យឆ្លងជំងឺក៏កាចសាហាវនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា នៅថ្ងៃច័ន្ទ ទី១៧ ឧសភា នេះ ប្រទេសថៃបានប្រទេសថៃ បានប្រកាសរកឃើញករណីឆ្លងកូវីដ-១៩ ថ្មីចំនួន៩.៦៣៥ ករណី ក្នុងនោះ មានការឆ្លងក្នុងចំណោមអ្នកទោសក្នុងពន្ធនាគារចំនួន៦.៨៥៣ ករណី ហើយសរុបបញ្ចូលគ្នា ធ្វើឲ្យការឆ្លងនៅប្រទេសថៃមានចំនួន១១១.០៨២ករណី និងមានករណីស្លាប់ថ្មីចំនួន២៥នាក់ ហើយអ្នកស្លាប់សរុបចំនួន៦១៤នាក់។

សូមបញ្ជាក់ថា នៅស្ថានភាព នៃការរីករាលជំងឺកូវីដ-១៩ នៅប្រទេសថៃនេះ ស្ថានទូតតែងតែនាំយកអំណោយជាគ្រឿងឧបភោគបរិភោគមួយចំនួន ចែកជូនដល់បងប្អូនប្រជាពលរដ្ឋខ្មែរ ដែលកំពុងជួបការលំបាកផងដែរ ហើយបានអំពាវនាវឲ្យបងប្អូនប្រជាពលរដ្ឋខ្មែរទាំងអស់ អនុវត្តឲ្យបានខ្ជាប់ខ្ជួននូវវិធានការការពារការរាតត្បាតជំងឺកូវីដ-១៩ របស់អាជ្ញាធរសុខាភិបាលរបស់ព្រះរាជាណាចក្រថៃ៕

ដោយ ៖ កោះកែវ