កូវីដ-១៩
មកស្គាល់ទីតាំងទាំង ២០ កន្លែង ពលរដ្ឋនៅខណ្ឌបឹងកេងកង និងសែនសុខ ត្រូវមកចាក់វ៉ាក់សាំងនៅថ្ងៃនេះ
ភ្នំពេញ៖សាលារាជធានីភ្នំពេញបានប្រកាសឲ្យពលរដ្ឋរស់នៅក្នុងខណ្ឌបឹងកេងកងនិងខណ្ឌសែនសុខ ទៅទទួលចាក់វ៉ាក់សាំងការពារជំងឺកូវីដ‑១៩ ចាប់ពីថ្ងៃទី១៨រហូតដល់ថ្ងៃទី៣១ឧសភាឆ្នាំ២០២១ សម្រាប់ដូសទី១និងពីថ្ងៃទី០១ខែមិថុនារហូតដល់ថ្ងៃទី១៥ខែមិថុនា សម្រាប់ដូសទី២។
បើតាមសាលារាជធានីភ្នំពេញ ពលរដ្ឋរស់នៅក្នុងខណ្ឌបឹងកេងកង ត្រូវមកចាក់វ៉ាក់សាំងនៅទីតាំងចំនួន៨កន្លែងរួមមាន៖
ទី ១.នៅសាលាបឋមសិក្សាចៅពញ្ញាហុក
ទី២. វិទ្យាល័យបឹងកេងកង
ទី.៣វិទ្យាល័យព្រះយុគន្ធរ
ទី៤.សាលាបឋមសិក្សាជ័យជំនះ
ទី៥.សាលាបឋមសិក្សាទួលស្លែងទី
៦. វិទ្យាល័យទួលស្វាយព្រៃ
ទី៧.សាលាបឋមសិក្សាវត្តមហាមន្ត្រី
ទី៨.សាលាបឋមសិក្សាភូមិ៧។
ចំណែកពលរដ្ឋនៅខណ្ឌសែនសុខ ទីតាំងចាក់វ៉ាក់សាំងមានចំនួន១២កន្លែង៖
ទី១.នៅសាលាបឋមសិក្សាសន្តិភាព
ទី២.នៅភោជនីយដ្ឋានដឺឃ្វីន
ទី៣.នៅសាលាបឋមសិក្សាក្រាំងធ្នង់
ទី៤.នៅសាលាបឋមសិក្សាប៊ុនរ៉ានីហ៊ុនសែនសាមគ្គី
ទី៥.នៅមណ្ឌលសុខភាពភ្នំពេញថ្មី
ទី ៦.នៅសាលាបឋមិក្សាសែនសុខ
ទី៧.នៅសាលាបឋមសិក្សាមិត្តភាពកម្ពុជាចិនឃ្មួញ
ទី៨.នៅមជ្ឈមណ្ឌលសុខភាពឃ្មួញ
ទី៩.នៅមន្ទីរពេទ្យបង្អែកមិត្តភាពកម្ពុជាចិនសែនសុខ
ទី១០.សាលាបឋមសិក្សាអ្នកឧកញ៉ាមហាភក្តីហ៊ុននាងយ៉ាម៉ាប៊ីកូ
ទី១១.សាលាបឋមសិក្សាភ្នំពេញថ្មី
ទី១២.សាលាបឋមសិក្សាវិចិត្រសិល្បៈ។
សាលារាជធានីភ្នំពេញ ក្រើនរំលឹកនិងអំពាវនាវសារជាថ្មីម្ដងទៀតចំពោះប្រជាពលរដ្ឋ ដែលត្រូវទទួលយកវ៉ាក់សាំងការពារជំងឺកូវីដ‑១៩ ត្រូវរក្សាឲ្យបានជាដាច់ខាតនូវគម្លាតសុវត្ថិភាពសង្គម ពាក់ម៉ាស តម្រងជួរចៀសវាងការឈរប្រជ្រៀតគ្នាណែនណាន់តាន់តាប់ ដោយត្រូវប្រកាន់ភ្ជាប់ការចូលរួមអនុវត្តនូវវិធានការរដ្ឋាភិបាលនិងវិធានការ៣ការពារនឹង៣កុំ។
យោងតាមរបាយការណ៍បានឲ្យដឹងថា រយៈពេល១៧ថ្ងៃនៃយុទ្ធនាការចាក់វ៉ាក់សាំងជូនប្រជាពលរដ្ឋនៅតំបន់ក្រហម ដែលជាតំបន់ប្រឈមនឹងការរីករាលដាលជំងឺកូវីដ១៩ ក្នុងរាជធានីភ្នំពេញ ក្រុមការងារចាក់វ៉ាក់សាំងរបស់ក្រសួងការពារជាតិ បានចាក់ដូសទី១ ជូនប្រជាពលរដ្ឋបានជាង ៧០ម៉ឺននាក់ ខណៈការចាក់ដូសទី២ ដែលចាប់ផ្តើមកាលពីថ្ងៃទី១៦ ខែឧសភា ចាក់បានជាង ៦ម៉ឺននាក់។
តំបន់ក្រហមដែលកងទ័ពកំពុងប្រតិបត្តិការចាក់វ៉ាក់សាំងនេះ រួមមាន៖ ខណ្ឌមានជ័យ, ខណ្ឌដង្កោ, ខណ្ឌកំបូល, ខណ្ឌពោធិ៍សែនជ័យ, ខណ្ឌឫស្សីកែវ និងខណ្ឌទួលគោក៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត