កូវីដ-១៩
តៃវ៉ាន់ផ្ទុះកូវីដគួរឲ្យបារម្ភ ខណៈប្រព័ន្ធការពារមាសរបស់ខ្លួនធ្លុះធ្លាយ
ការរាតត្បាតកូវីដ-១៩នៅកោះតៃវ៉ាន់យ៉ាងលឿនប៉ុន្មានថ្ងៃចុងក្រោយនេះបានបង្កើតជាចម្ងល់អាសន្នថា ហេតុអ្វីបានជាប្រទេសកោះមួយនេះធ្លុះធ្លាយប្រព័ន្ធការពារមាសរបស់ខ្លួន?
កាលពីឆ្នាំ២០២០ រដ្ឋកោះដែលមានប្រជាជន២៤លាននាក់មានតួលេខអ្នកឆ្លងកូវីដ-១៩ជាង១ពាន់នាក់ប៉ុណ្ណោះ ហើយប្រហែលជា៩០%នៃពួកគេគឺជាអ្នកមកពីក្រៅប្រទេសថែមទៀត។ ការឆ្លងលេចចេញពីកន្លែងធ្វើចត្តាឡីស័កសូន្យ ករណីស្លាប់មានតែ២នាក់ ហើយរយៈពេល២៥៣ថ្ងៃចុងក្រោយគ្មានករណីឆ្លងម្នាក់សោះ។
ប៉ុន្តែកាលពីថ្ងៃសុក្រកន្លងទៅនេះ ក្រសួងសុខាភិបាលបានបង្ហាញថា ករណីឆ្លងកូវីដ-១៩ថ្មីមានចំនួន២៩នាក់ បន្ទាប់មកនៅថ្ងៃសៅរ៍ឡើងដល់១៨០នាក់ នៅថ្ងៃអាទិត្យឡើងដល់២០៦នាក់ និងនៅថ្ងៃចន្ទម្សិលមិញនេះឡើងដល់៣៣៣នាក់។
ភាគច្រើនអ្នកឆ្លងថ្មីនៅភាគខាងជើង ដោយមានចង្កោមធំបំផុតនៅទីក្រុង Taipei និង New Taipei ដែលជាមណ្ឌលធ្វើតេស្តបានរាយការណ៍ថា អត្រាឆ្លង១០%។ ប្រហែលជា៩១%នៃអ្នកដំណើរក្នុងស្រុកបានឆ្លងជាប់គ្នា៤ថ្ងៃចុងក្រោយ។
ការផ្ទុះកូវីដ-១៩បានចាប់ផ្តើមកាលពីចុងខែមេសាកន្លងទៅនេះ ដែលពាក់ព័ន្ធនឹងក្រុមអ្នកបើកយន្តហោះដែលមកពីក្រុមហ៊ុនអាកាសចរណ៍ជាតិ China Airlines និងព្រលានយន្តហោះ Taoyuan Novotel ដែលទាំងពីរនេះជាកន្លែងដាក់ក្រុមអ្នកយន្តហោះធ្វើចត្តាឡីស័ក និងអ្នកធ្វើដំណើរដែលបានកក់ទុកនៅក្នុងផ្នែកនៃការផ្សព្វផ្សាយទេសចរណ៍ក្នុងស្រុក។
ករណីឆ្លងកូវីដ-១៩ទី១ត្រូវបានរកឃើញលើអ្នកបើកយន្តហោះពីរនាក់កាលពីថ្ងៃទី២០ ខែមេសា។ ១០ថ្ងៃក្រោយមក មជ្ឈមណ្ឌលគ្រប់គ្រងជំងឺឆ្លងកណ្តាល (CECC) បានប្រកាសពីការស៊ើបអង្កេតពី«ហានិភ័យនៃការចម្លងដែលអាចទៅរួច» ក្នុងចំណោមបុគ្គលិកដែលបានធ្វើចត្តាឡីស័កនៅព្រលានយន្តហោះ Novotel រយៈពេល១៤ថ្ងៃកន្លងមក។
ករណីឆ្លងបញ្ជាក់ពីការភ័យខ្លាចអំពីការសម្រេចរបស់រដ្ឋាភិបាលចំពោះការបន្ថយពេលវេលានៃការធ្វើចត្តាឡីស័កសម្រាប់ក្រុមអ្នកបើកយន្តហោះ មកសល់ត្រឹមតែ៣ថ្ងៃប៉ុណ្ណោះនៅពាក់កណ្តាលមេសាជាមួយនឹងពេលវេលាតាមដានសុខភាពរបស់ពួកគេ។
ការស៊ើបអង្កេតនោះ សមាជិកក្រុមអ្នកបើកបរជាច្រើនត្រូវបានត្រួតពិនិត្យ ហើយរកឃើញថា ពួកគេខ្លះបានទៅកាន់ទីតាំងសាធារណៈមួយចំនួន កំឡុងពេលការឆ្លងរាលដាលដែលបំពានលើបំរាម។
អតីតស្នងការសុខាភិបាលតៃប៊ិ អ្នកស្រី Chiou Shu-ti បាននិយាយថា អាជ្ញាធរកំពុងប្រឡែងលេងជាមួយភ្លើង ដោយបានបន្ថយគោលការណ៍នៃពេលវេលាធ្វើចត្តាឡីស័ក និងធ្វើតេស្តសម្រាប់អ្នកមកដល់ថ្មី។
ដើមខែឧសភានេះ បុគ្គលិកអាកាសចរណ៍ និងសណ្ឋាគារ១៨នាក់ និងសមាជិកគ្រួសារ១១នាក់បានតេស្ថ រកឃើញវិជ្ជមាន ហើយមិនយូរប៉ុន្មានករណីឆ្លងជាច្រើនបានលេចឡើងនៅក្នុងប្រទេសដោយមិនដឹងថា វាជាប់ពាក់ព័ន្ធនឹងព្រលានយន្តហោះ ឬក៏សណ្ឋាគារទេ។ នៅថ្ងៃចន្ទ មានករណីឆ្លងជាច្រើននៅទីក្រុងចំនួន៩ដែលត្រូវបានរកឃើញថាជាប្រភេទវីរុសដូចទៅនឹងវីរុសបំប្លែងខ្លួននៅចក្រភពអង់គ្លេស។
ជាការឆ្លើយ រដ្ឋាភិបាល និងអាជ្ញាធរមូលដ្ឋានបានប្រកាសពីការបញ្ឈប់ការជួបជុំ បិទអាជីវកម្មមួយចំនួន ទីតាំងសាធារណៈ និងសាលារៀន កាត់បន្ថយសេវាកម្មវេជ្ជសាស្ត្រដែលមិនមែនកូវីដ-១៩ និងរឹតបណ្តឹងព្រំដែន។
អ្នកស្រុកត្រូវបានជំរុញឲ្យបង្កើនអនាម័យ និងជៀសវាងការធ្វើដំណើរ។ ប៉ុន្តែវិធានការខុសៗគ្នានៅទូទាំងកោះតៃវ៉ាន់ ហើយសូម្បីគោលការណ៍រឹតត្បិតនៅ Taipei និង New Taipei ក៏មិនត្រូវបានដាក់ទាំងស្រុងដែរ។
រដ្ឋមន្ត្រីសុខាភិបាលតៃវ៉ាន់លោក Chen Shih-chung បានទទួលស្គាល់ពីចេតនារបស់លោកដែលបានអនុញ្ញាតឲ្យបន្តអាជីវកម្ម ក្នុងនោះរាប់ទាំងការជួបអាហារពេលល្ងាចផងបន្តបើកដំណើរការ។ លោកនិយាយថា ៖«ស្មារតីនៃកម្រិតទី៣គឺដើម្បីកាត់បន្ថយហានិភ័យនៃការរាលដានកូវីដ-១៩ កាត់បន្ថយទំហំនៃការជួបជុំ»។
លោក Hassan Vally សាស្ត្រាចារ្យសុខភាពសាធារណៈនៅសាកលវិទ្យាល័យ Melbourne’s La Trobe University បានលើកឡើងថា បន្ទាប់ពី១៦ខែ វានៅតែមិនឃើញច្បាស់ពីអ្វីដែលជាគោលការណ៍ដាក់បំរាមពិតប្រាកដ។
លោកបន្ថែម Vally ថា តៃវ៉ាន់ធ្លាប់មានស្តង់ដារមាសនៃការឆ្លើយតបទៅនឹងការរាលដាលកូវីដ-១៩កាលពីដំបូង និងកិច្ចសហការរបស់សហគមន៍ខ្ពស់ជាមួយនឹងសំណើរមិនចាំបាច់ទាមទារផង ក៏ពួកគេស្ថិតនៅផ្ទះគឺជាគុណសម្បត្តិដ៏ធំសម្បើម។
លោកនិយាយថា ៖«វាមានប្រសិទ្ធភាពទេ ប្រសិនបើដាក់បំរាមដោយគ្មានការបង្ខំអនុវត្ត? ចម្លើយនឹងឃើញកាន់តែច្បាស់សម្រាប់៧ថ្ងៃខាងមុខ»៕
ប្រែសម្រួល៖ វីរបុត្រ
ប្រភព៖ theguardian
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ