កូវីដ-១៩
រដ្ឋបាលខេត្តស្វាយរៀង ទទួលសម្ភារសុខាភិបាល និងគ្រឿងឧបភោគបរិភោគ របស់បញ្ជាការដ្ឋានយោធាទីក្រុងហូជីមិញ
ស្វាយរៀង៖ នៅថ្ងៃទី១៨ ខែឧសភា ឆ្នាំ២០២១ លោក តូច ប៉ូលីវ៉ា អភិបាលរងខេត្ត តំណាងឯកឧត្តមអភិបាលខេត្តស្វាយរៀង បានទទួលសម្ភារសុខាភិបាល និងគ្រឿងឧបភោគបរិភោគរបស់បញ្ជាការដ្ឋានយោធា ទីក្រុងហូជីមិញ នៃសាធារណរដ្ឋសង្គមនិយមវៀតណាម ជូនរដ្ឋបាលខេត្តស្វាយរៀង ដើម្បីរួមចំណែកជាមួយប្រជាពលរដ្ឋខេត្តស្វាយរៀង ក្នុងការបង្ការទប់ស្កាត់ការរីករាលដាលជំងឺកូវីដ-១៩ នៅច្រកទ្វារព្រំដែនអន្តរជាតិបាវិត ខេត្តស្វាយរៀង។
លោក តូច ប៉ូលីវ៉ា អភិបាលរងខេត្ត បានថ្លែងអំណរគុណជូនចំពោះ បញ្ជាការដ្ឋានយោធាទីក្រុងហូជីមិញ ដែលបានផ្តល់ជំនួយឧបត្ថម្ភសម្ភារសុខាភិបាល និងគ្រឿងឧបភោគបរិភោគមួយចំនួន ជូនរដ្ឋបាលខេត្តស្វាយរៀង ក្នុងអំឡុងពេលនៃការប្រយុទ្ធប្រឆាំង ទប់ស្កាត់ជំងឺកូវីដ-១៩នេះ ថាពិតជាមានសារសំខាន់ និងចាំបាច់ដើម្បីរួមចំណែកលុបបំបាត់ទាំងស្រុងនៃការរីករាលដាលជំងឺឆ្លងសកលដ៏កាចសាហាវមួយនេះ។
លោក បានបន្តថា សកម្មភាពនេះស្តែងឱ្យឃើញនូវទឹកចិត្ត និងកិច្ចសហប្រតិបត្តិការរវាងប្រទេសទាំងពីរ កម្ពុជា-វៀតណាម ជាពិសេសមូលដ្ឋានខេត្តជាប់ព្រំដែន ហើយក៏បានបង្ហាញពីស្មារតីសាមគ្គីជួយគ្នាទៅវិញទៅមកក្នុងគ្រាជួបគ្រោះទុក្ខភ័យ ការលំបាកនៃវិបត្តិជំងឺកូវីដ-១៩៕
អត្ថបទ៖ គឹម សេង
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ