កូវីដ-១៩

២៤ម៉ោងនេះរាជធានីភ្នំពេញ រកឃើញកម្មកររោចក្រនិងកម្មករសំណង់ជិត១០០នាក់ឆ្លងជំងឺកូវីដ ១៩

បានផុស

៣ years មុន

នៅ

ថ្ងៃអង្គារ ១៨ ឧសភា ២០២១

ដោយ

ភ្នំពេញ ៖ នៅក្នុងរយៈពេល២៤ម៉ោងនេះរដ្ឋបាលរាជធានីភ្នំពេញ បានរកឃើញបងប្អូនកម្មកររោងចក្រនិងកម្មករសំណង់ប្រមាណជិត១០០នាក់បានឆ្លងជំងឺកូវីដ១៩។

យោងតាមរបាយការណ៍របស់សាលារាជធានីភ្នំពេញបានឲ្យដឹងថា ក្នុងចំណោមអ្នកឆ្លងសរុបចំនួន១៤៣នាក់នៅក្នុងរាជធានីភ្នំពេញ ក្នុងនោះមានកម្មកររោងចក្រប្រមាណជិត៦០នាក់ដែលមានទីតាំងស្ថិតនៅសង្កាត់ទួលសង្កែ១ខណ្ឌឫស្សីកែវនិងសង្កាត់ចោមចៅ១ ខណ្ឌពោធិ៍សែនជ័យនិងកម្មករសំណង់ប្រមាណជិត៣០នាក់ ដែលជាង២០ជាកម្មករសំណង់នៅការដ្ឋានអារ៉ាកាវ៉ានៅផ្សារទឹកថ្លាក្នុងសង្កាត់ទឹកថ្លាខណ្ឌសែនសុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ដដែលបានបន្តទៀតថា ក្រៅពីនេះអ្នកឆ្លងមានដូចជាមន្ត្រីធនាគារ មន្ត្រីយោធា ក្រុមហ៊ុនឯកជន អ្នកលក់ដូរនិងអ្នកដឹកជញ្ជូនជាដើម។

បើតាមក្រសួងសុខាភិបាលនៅថ្ងៃនេះ ក្រសួងបានបន្តរកឃើញអ្នកឆ្លងជំងឺកូវីដ១៩ថ្មី ចំនួន៣៤៥នាក់ទៀតក្នុងនោះករណីឆ្លងសហគមន៍ចំនួន៣៤៤នាក់ និង អ្នកដំណើរពីបរទេសចំនួនម្នាក់និងជាសះស្បើយ១៣៣៧នាក់ និងស្លាប់២នាក់។

គួរបញ្ជាក់ថា គិតត្រឹមព្រឹក ថ្ងៃទី១៨ ខែឧសភា ឆ្នាំ២០២១កម្ពុជាមានអ្នកឆ្លងជំងឺកូវីដ ១៩សរុបចំនួន២២៨៨៩នាក់អ្នកជាសះស្បើយចំនួន១៤៣៤៣នាក់និងមានអ្នកស្លាប់ចំនួន១៥៦នាក់៕

ដោយ ៖ សំអឿន