កូវីដ-១៩

រោងចក្រចំនួន៤ ក្នុងខេត្តកំពង់ចាមកំពុងរងផលប៉ះពាល់ពីអ្នកវិជ្ជមានកូវីដ-១៩

បានផុស

៣ years មុន

នៅ

ថ្ងៃព្រហស្បតិ៍ ២០ ឧសភា ២០២១

ដោយ

រោងចក្រចំនួន៤ក្នុងភូមិសាស្ត្រខេត្តកំពង់ចាម ដែលមានកម្មករ-កម្មការនីរកឃើញវិជ្ជមានកូវីដ-១៩ ជាបន្តបន្ទាប់ក្នុងព្រឹត្តិការណ៍២០កុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីប្រកាសព័ត៌មាន របស់រដ្ឋបាលខេត្តកំពង់ចាម រោងចក្រដែលកំពុងរងផលប៉ះពាល់ជាមួយអ្នកវិជ្ជមានកូវីដ-១៩ ហើយបានរកឃើញកម្មករកម្មការនីមានផ្ទុកកូវីដនោះរួមមាននៅក្នុងរោងចក្រ៖ រោងចក្រជូនហួយហ្វ៊តវែ ស្រុកជើងព្រៃ , រោងចក្រកាលីងតុនខាមបូឌាន ស្រុកជើងព្រៃ, រោងចក្រ លីឈាងខប នៅស្រុកបាធាយ និងរោងចក្រមេតថេក ស្រុកកំពង់សៀម ។

សូមជម្រាបថា កម្មករ-កម្មការនីដែលកំពុងធ្វើការងារទាំងអស់ មិនទាន់តម្រូវឲ្យឈប់សម្រាកទាំងអស់ឡើយ ពោលគឺអ្នកដែលជាប់ពាក់ជាមួយអ្នកវិជ្ជមានកូវីដ១៩ ត្រូវបន្តយកសំណាក និងតាមដានសុខភាព ធ្វើចត្តាឡីស័ករយៈពេល១៤ថ្ងៃសិន។ ដោយឡែកខាងក្រុមការងាររោងចក្រត្រូវស្រាវជ្រាវអ្នកដែលធ្លាប់ប្រាស្រ័យទាក់ទងជាមួយអ្នកវិជ្ជមានបន្ថែមទៀត ។

គិតត្រឹមថ្ងៃទី១៩ ខែឧសភា ឆ្នាំ២០២១នេះ ខេត្តកំពង់ចាមបានរកឃើញវិជ្ជមានកូវីដ-១៩ លើប្រជាពលរដ្ឋចំនួនសរុបចំនួន២៥៥នាក់ ក្នុងនោះមានអ្នកស្លាប់២នាក់ និងមានអ្នកជាសះស្បើយបានត្រឡប់ទៅផ្ទះវិញប្រមាណជាង១០០នាក់ និងសល់ជាង១០០នាក់ទៀត កំពុងសម្រាកព្យាបាលនៅមន្ទីរពេទ្យមេគង្គកំពង់ចាម ៕

អត្ថបទ ៖ហុង ម៉េងហៀ