កូវីដ-១៩

កូវីដរលកទីបីចៀសមិនផុតឡើយ បើយុទ្ធនាការចាក់វ៉ាក់សាំងបន្តសភាពយឺតយ៉ាវនៅឥណ្ឌា

បានផុស

៣ years មុន

នៅ

ថ្ងៃព្រហស្បតិ៍ ២០ ឧសភា ២០២១

ដោយ

លោក M Vidyasagar អ្នកវិទ្យាសាស្ត្រដែលចូលរួមក្នុងគំរូ Sutra បានប្រើគណិតវិទ្យាគណនាពីអត្រាកើនឡើងនៃកូវីដក្នុងប្រទេសឥណ្ឌាថា ប្រសិនបើការចាក់វ៉ាក់សាំងប្រឆាំងនឹងជំងឺកូវីដ ១៩ មិនបានទាន់ពេលវេលាឬយឺតយ៉ាវ បូករួមនឹងឥរិយាបថរបស់ប្រជាជននៅតែមិនគោរពតាម នោះលទ្ធភាពនៃរលកទីបីនៃជំងឺរាតត្បាត អាចនឹងកើតមានក្នុងចន្លោះពីខែ ៦ ទៅខែ ៨ មិនខាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Vidyasagar បន្ថែមថា ប្រសិនបើអង់ទីគ័រត្រូវបានបាត់បង់ នោះភាពស៊ាំនឹងថយចុះដូចគ្នា។ ក្នុងករណីនេះការចាក់វ៉ាក់សាំងត្រូវតែត្រូវបានធ្វើឲ្យប្រសើរឡើងរហ័ស ហើយឥរិយាបថរបស់ប្រជាជនក៏ត្រូវតែគោរពតាមការណែនាំនិងចូលរួមអនុវត្ត មិនផ្គើន បើមិនដូច្នោះទេ វាអាចមានរលកទី ៣ ក្នុងចន្លោះពេលពីខែ ៦ ទៅខែ ៨ ។ យើងក៏កំពុងតែបន្ថែមនូវភាពស៊ាំ ទៅនឹងការចាក់វ៉ាក់សាំងនៅក្នុងគំរូរបស់យើង សម្រាប់ការព្យាករណ៍នាពេលអនាគត។

យោងតាមការសិក្សារបស់មន្ទីរពេទ្យSan Raffaele នៅក្រុង Milan បានឲ្យដឹងថា អង់ទីគ័រប្រឆាំងនឹងជំងឺកូវីដនៅតែស្ថិតក្នុងឈាមរបស់អ្នកជំងឺ យ៉ាងហោចណាស់រយៈពេល ៨ ខែ បន្ទាប់ពីពួកគេឆ្លងមេរោគ។

ដោយឡែកកាសែត IGIB បាននិយាយថា រលកទី ២ ដែលចាប់ផ្ដើមបោកបក់តាំងពីចុងខែមីនា ហើយបានឆក់យកជីវិតមនុស្សរាប់ពាន់នាក់ ចាប់តាំងពីពេលនោះមក ដែលនេះជាគំរូមួយដែលបានកើតឡើងក្នុងប្រទេសឥណ្ឌា។

លោក K VijayRaghavan ទីប្រឹក្សាវិទ្យាសាស្ត្រនាយកសាលាបាននិយាយ ថានៅពេលវីរុសផ្លាស់ប្ដូរបន្ថែមទៀត រលកទី ៣ នៃការឆ្លងមេរោគ គឺជៀសមិនរួច ហើយចាំបាច់ត្រូវត្រៀមសម្រាប់រលកថ្មី។ ប៉ុន្តែអាចនឹងគ្មានរលកទី៣នៅក្នុងប្រទេសនោះទេ ប្រសិនបើមានវិធានការតឹងរ៉ឹងត្រូវបានអនុវត្តប្រកបដោយប្រសិទ្ធភាព។ វាក៏អាស្រ័យលើថាតើការណែនាំត្រូវបានអនុវត្តយ៉ាងដូចម្ដេច នៅថ្នាក់មូលដ្ឋានក្នុងរដ្ឋស្រុកនិងក្រុងគ្រប់ទីកន្លែង៕

ប្រែសម្រួល៖ សាង ស្រីល័ក្ខ

ប្រភព៖ndtv

ចុចអាន៖ស្លាប់បំបែកកំណត់ត្រារាល់ថ្ងៃទៅហើយ តែតួលេខរបស់ឥណ្ឌា ខ្ពស់ជាងចំនួនផ្លូវការដល់ទៅ៥ដងឯណោះ ព្រោះខ្លះស្លាប់តាមផ្លូវ ខ្លះស្លាប់នៅផ្ទះ

ចុចអាន៖កូវីដនៅឥណ្ឌាឆក់យកជីវិតគ្រូពេទ្យសរុបជាង ១ពាន់នាក់

Related Topics:ប្រទេសឥណ្ឌា