កូវីដ-១៩
អង់គ្លេសបញ្ចេញទិន្នន័យថ្មី ៖ វ៉ាក់សាំង AstraZeneca ចំនួន ២ ដូសមានប្រសិទ្ធភាព ៨៥ ទៅ ៩០ ភាគរយប្រឆាំងរោគសញ្ញាឆ្លងកូវីដ
សុខភាពសាធារណៈអង់គ្លេស (PHE) បាននិយាយកាលពីថ្ងៃព្រហស្បតិ៍ថា ការចាក់ ២ ដូសនៃវ៉ាក់សាំង AstraZeneca គឺមានប្រសិទ្ធភាពប្រហែល ៨៥ ទៅ ៩០ ភាគរយ ប្រឆាំងនឹងរោគសញ្ញាឆ្លងជំងឹកូវីដ ១៩ ។
ការវិភាគនេះ ផ្អែកលើទិន្នន័យជាក់ស្តែង ពីយុទ្ធនាការចាក់វ៉ាក់សាំង នៅចក្រភពអង់គ្លេស ហើយនេះក៏ជាលទ្ធផលដំបូងបង្អស់ផងដែរ ដែលទទួលបានពីប្រសិទ្ធភាព នៃវ៉ាក់សាំង AstraZeneca ចំនួន ២ ដូស ។
ជាមួយគ្នានេះដែរ ទិន្នន័យចុងក្រោយបង្អស់ ដែលទទួលបានពីប្រសិទ្ធភាពរបស់វ៉ាក់សាំង ដោយរដ្ឋាភិបាលចក្រភពអង់គ្លេស កើតឡើងក្រោយមនុស្សជាង ៣៧.២ លាននាក់ បានទទួលវ៉ាក់សាំងដូសដំបូង ឬ ៧០.៧ ភាគរយនៃចំនួនមនុស្សពេញវ័យ និងមនុស្សជាង ២១.២ លាននាក់ ទទួលការចាក់ដូសទី ២ ឬ ៤០.៣ ភាគរយនៃចំនួនប្រជាជនពេញវ័យ ។
ទន្ទឹមនោះ ចក្រភពអង់គ្លេស ក្នុងរយៈពេល ២៤ ម៉ោងចុងក្រោយនេះ បានប្រកាសករណីឆ្លងថ្មី នៃជំងឺកូវីដ ១៩ ចំនួន ២,៨៧៤ ករណីទៀតនៅទូទាំងប្រទេស ដែលធ្វើឲ្យចំនួនករណីសរុប ចាប់តាំងពីការចាប់ផ្តើមរោគរាតត្បាត ឡើងដល់ទៅជាង ៤.៤ លាននាក់ ខណៈក៏មានអ្នកស្លាប់ថ្មីចំនួន ៧ នាក់ទៀត ដែលនាំឲ្យចំនួនអ្នកស្លាប់សរុបឡើងដល់ ១២៧,៧០១ នាក់ ។
ក្នុងនោះក៏មានអ្នកជះសះស្បើយ ៤,២៨៥,៨៨៨ នាក់ផងដែរ ក្រោយមានការបង្កើនល្បឿន យុទ្ធនាការចាក់វ៉ាក់សាំងនៅទូទាំងប្រទេស ។
ស្របពេលជាមួយគ្នានេះ សុខភាពសាធារណៈប្រទេសអង់គ្លេស (PHE) ក៏បានរាយការណ៍ផងដែរថា បច្ចុប្បន្នប្រទេសនេះ ក៏បានរកឃើញករណីឆ្លងជំងឺកូវីដ ១៩ បំប្លែងខ្លួនរបស់ឥណ្ឌាចំនួន ៣,៤២៤ ករណី ពោលគិតត្រឹមថ្ងៃទី ១៩ ខែឧសភា ដោយកើនឡើងពី ២,១១១ ករណីកាលពីសប្តាហ៍មុន ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ វ៉ាក់សាំង AstraZeneca អាចទប់ទល់នឹងវីរុសបំប្លែងខ្លួនឥណ្ឌាបាន ទោះឆ្លង ក៏មិនឈឺធ្ងន់ដែរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង