កូវីដ-១៩
វ៉ាក់សាំងស៊ីណូវ៉ាក់១លានដូសទៀតនឹងមកដល់កម្ពុជានៅថ្ងៃទី ២៣នេះ
លោកជំទាវ យក់ សម្បត្តិ រដ្ឋលេខាធិការ ក្រសួងសុខាភិបាល និងជាប្រធានក្រុមការងារប្រតិបត្តិការបច្ចេកទេស និងផ្គត់ផ្គង់ នៃគណៈកម្មការអន្តរក្រសួងវ៉ាក់សាំងបង្ការជំងឺកូវីដ-១៩ បានប្រាប់ទូរទស្សន៍ Btv ថា វ៉ាក់សាំងកូវីដ១៩ ប្រភេទស៊ីណូវ៉ាក់ ដែលកម្ពុជាបញ្ជាទិញចំនួន១លានដូស នឹងមកដល់នៅថ្ងៃទី ២៣ ខែឧសភា ឆ្នាំ២០២១ វេលាម៉ោង១០ និង១៥នាទីព្រឹក។
កម្ពុជាកំពុងសម្រុកចាក់ស្រោចវ៉ាក់សាំងជូនប្រជាពលរដ្ឋនៅក្នុងរាជធានីភ្នំពេញក្នុងខណ្ឌចំនួន៨ហើយគ្រោងនឹងបញ្ចប់នៅដំណាច់ខែមិថុនា ខាងមុខសម្រាប់ប្រជាពលរដ្ឋដែលរស់នៅរាជធានីភ្នំពេញទាំង១៤ខណ្ឌ។
កម្ពុជាទទួលបានវ៉ាក់សាំងការពារជំងឺកូវីដ១៩ ដែលជាការបញ្ជាទិញ និងជំនួយសរុបជាង ៥ លានដូស មកហើយ(៥ ០២៤ ០០០)។ វ៉ាក់សាំងទាំងនោះ រួមមានវ៉ាក់សាំងស៊ីណូហ្វាម (Sinonpharm) ដែលជាជំនួយរបស់រដ្ឋាភិបាលចិនចំនួន ១.៧ លានដូស វ៉ាក់សាំងស៊ីណូវ៉ាក់ (Sinovac) ដែលជាការបញ្ជាទិញពីប្រទេសចិនចំនួន ៣ លានដូស និងវ៉ាក់សាំងអាស្ត្រាហ្សេនីកា (AstraZeneca ) ៣២៤,០០០ដូស ជាជំនួយរបស់ខូវ៉ាក់ តាមរយៈអង្គការសុខភាពពិភពលោក(WHO)។
កន្លងមកលោកស្រី យក់ សម្បត្តិ បញ្ជាក់ថាប្រភេទវ៉ាក់សាំងស៊ីណូវ៉ាក់ នឹងមាន ចំនួនដល់ ៨ លានដូស បន្ទាប់ពីរាជរដ្ឋាភិបាលគ្រោងបញ្ជាទិញបន្ថែម៥លានដូស។
លោកស្រី បានបញ្ជាក់ថាការបញ្ជាទិញបន្ថែមនេះបូកជាមួយនឹងជំនួយកូវ៉ាក់របស់អង្គការសុខភាពពិភពលោកទៀតនឹងធ្វើឱ្យកម្ពុជាមានវ៉ាក់សាំងរហូតដល់ទី២៦លានដូស សម្រាប់ចាក់ជូនពលរដ្ឋប្រមាណ១៣លាននាក់នៅទូទាំងប្រទេស។
ចាប់ពីថ្ងៃទី១០ខែកម្ភៈ រហូតមកដល់យប់ថ្ងៃទី២០ ខែឧសភា ឆ្នាំ២០២១ ក្រសួងសុខាភិបាល និងក្រសួងការពារជាតិ បានចាក់វ៉ាក់សាំងការពារកូវីដ១៩ជូនមន្រ្តីរាជការ ប្រជាពលរដ្ឋ និងកងកម្លាំងប្រដាប់អាវុធ នៅទូទាំងប្រទេសជាង២លាននាក់(២,១៩៨,៥៤៧)៕ ដោយៈ ឡេង ដេត
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១៣ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ១០ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ