កូវីដ-១៩
អ្នកនាំពាក្យ៖ ក្រសួងអប់រំនៅតែបន្តលើកកម្ពស់គុណភាពអប់រំ និងការប្រឡងឌីប្លូម និងបាក់ឌុប
ភ្នំពេញ៖ លោក រស់ សុវាចា អ្នកនាំពាក្យ ក្រសួង អប់រំ យុវជន និងកីឡាបានមានប្រសាសន៍នៅថ្ងៃទី២៣ ខែឧសភានេះថា ក្រសួងនៅតែបន្តលើកកម្ពស់គុណភាពអប់រំ និងគុណភាពការប្រឡងសញ្ញាបត្រមធ្យមសិក្សាបឋមភូមិ (ឌីប្លូម) និងការប្រឡងមធ្យមសិក្សាទុតិយភូមិ (បាក់ឌុប) ដដែលដើម្បីឆ្លើយតបនឹងតម្រូវការសិក្សាក្នុងបរិបទកូវីដ-១៩។
ការលើកឡើងរបស់អ្នកនាំពាក្យក្រសួងអប់រំនេះជាការឆ្លើយតបទៅនឹងការព្រួយបារម្ភរបស់វិស័យឯកជន និងមាតាបិតាសិស្សដែលមានកូនចៅត្រៀមប្រឡងឌីប្លូម និងបាក់ឌុបនៅឆ្នាំ២០២១នេះ ខណៈកាលពីឆ្នាំ២០២០កន្លងទៅប្រមុខរដ្ឋាភិបាលកម្ពុជាសម្តេចតេជោ ហ៊ុន សែន បានសម្រេចឱ្យបេក្ខជនប្រឡងឌីប្លូមដែលមិនបានចូលប្រឡង និងបេក្ខជនប្រឡងធ្លាក់ និងបេក្ខជនលបានដាក់ពាក្យប្រឡងបាក់ឌុបទាំងអស់ឱ្យជាប់ដោយស្វ័យប្រវត្តិ ដោយមិនចាំបាច់ឆ្លងកាត់ការប្រឡងឡើយដោយសារតែវិបត្តិជំងឺកូវីដ‑១៩។
លោក ហេង វ៉ាន់ដា ប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជាបានសំដែងនូវការព្រួយបារម្ភពីការបរិច្ឆេទនៃដំណើរការប្រឡងឌីប្លូម និងការប្រឡងបាក់ឌុប។
លោកបានមានប្រសាសន៍ថា៖ “ទាក់ទិងនឹងកាលបរិច្ឆេទនៃការប្រឡងឌីប្លូម និងការប្រឡងបាក់ឌុបនេះគឺជាកង្វល់របស់វិស័យឯកជនតែម្តង។ បញ្ហាបើកថ្នាក់ឡើងវិញជារឿងមួយដែលបច្ចុប្បន្នវាមិនសូវជាចោទប៉ុន្មានទេ ព្រោះយើងកំពុងតែរៀនតាមអនឡាញអីចឹងនិរន្តរភាពចេះតែដំណើរការទៅមុខ”។
លោកបានបន្តថា ប៉ុន្តែចំណុចកាលបរិច្ឆេទនៃការប្រឡងឌីប្លូម និងបាក់ឌុបគឺជារឿងសំខាន់មួយទៀត ព្រោះថាកាលបរិច្ឆេទប្រឡងឌីប្លូម និងបាក់ឌុបនេះជាកក្តាធ្វើឱ្យនិរន្តរភាពឆ្នាំសិក្សាឱ្យវាមានលំដាប់ថ្នាក់ទៅតាមកាលបរិច្ឆេទឱ្យបានច្បាស់លាស់។
លោកបានបន្ថែមទៀតថា៖ “បើសិនជាយើងខ្លាចកូវីដផង រៀនតាមអនឡាញផង រៀនទាំងភិតភ័យផង ហើយធ្វើឱ្យឆ្នាំសិក្សា កាលបរិច្ឆេទប្រឡងឌីសប្លូម និងបាក់ឌុបមិនមានភាពច្បាស់លាស់ អាហ្នឹងកាន់តែធ្ងន់តែម្ដង ព្រោះថាកាលបរិច្ឆេទនៃសម័យប្រឡងទាំងពីរជាការកក្តាស្លាប់រស់នៃនិរន្តរភាពនៃឆ្នាំសិក្សា”។
លោក រស់ សុវាចា បានមានប្រសាសន៍បញ្ជាក់ថា៖ “ចំពោះការប្រឡងឌីប្លូម និងបាក់ឌុបនេះ ក្រសួងអប់រំ នឹងជម្រាបជូននាពេលក្រោយ។ ប៉ុន្តែចំពោះមុខនេះ សូមគ្រប់ភាគីពាក់ព័ន្ធ ជាពិសេសមាតាបិតា និងសិស្សានុសិស្សមេត្តាបន្តអនុវត្តឲ្យបានខ្ជាប់ខ្ជួននូវវិធានការ ៣ការពារ ៣កុំ”។
យ៉ាងណាក៏ដោយ លោក រស់ សុវាចា បានបញ្ជាក់ថា ក្រសួងអប់រំ សូមលើកទឹកចិត្តសិស្សានុសិស្ស និងបេក្ខជនប្រឡងទាំងអស់បន្តខិតខំប្រឹងប្រែងរៀនសូត្រតាមអនឡាញ ថែរក្សាសុខភាព និងគាំទ្រគ្នាទៅវិញទៅមកខណៈកម្ពុជា និងពិភពលោកកំពុងប្រឈមនឹងកូវីដ-១៩នៅឡើយ។
លោក រស់ សុវាចា បានបញ្ជាក់បន្ថែមថា ក្នុងន័យនេះ ក្រសួងអប់រំ យុវជន និងកីឡានៅតែបន្តលើកកម្ពស់គុណភាពអប់រំ និងគុណភាពប្រឡងដើម្បីឆ្លើយតបនឹងតម្រូវការសិក្សាក្នុងបរិបទកូវីដ-១៩៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង