កូវីដ-១៩
មណ្ឌលវិទ្យាល័យព្រះសីហនុ ក្រុងកំពង់ចាម អាចដាក់អ្នកជំងឺកូវីដ-១៩ កម្រិតស្រាលជាង១ពាន់នាក់
កំពង់ចាម៖ ក្រោយពីមានអ្នកជំងឺកូវីដបានឆ្លងរីករាលខ្លាំងក្នុងរយៈពេលចុងក្រោយនេះ រដ្ឋបាលខេត្តកំពង់ចាម ក្រោមការដឹកនាំពីសំណាក់ លោក អ៊ុន ចាន់ដា ប្រធានគណៈកម្មាធិការប្រយុទ្ធប្រឆាំងនឹងជំងឺកូវីដ-១៩ ខេត្តកំពង់ចាម បានសម្រេចជ្រើសរើសយកវិទ្យាល័យព្រះសីហនុ ក្រុងកំពង់ចាម ជាកន្លែងពិនិត្យព្យាបាលអ្នកជំងឺកូវីដ-១៩ កម្រិតស្រាលបន្ថែមទៀត។
នៅរសៀល ថ្ងៃទី២៣ ខែឧសភា ឆ្នាំ២០២១នេះ លោក អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មាធិការប្រយុទ្ធប្រឆាំងនឹងជំងឺកូវីដ-១៩ ខេត្តកំពង់ចាម បានដឹកនាំមន្ត្រីជំនាញពាក់ព័ន្ធចុះពិនិត្យ និងរៀបចំដាក់បរិក្ខាពេទ្យ និងកែលម្អដាក់គ្រែ សម្រាប់ពិនិត្យព្យាបាលអ្នកជំងឺកូវីដ បន្ទាប់ពីរៀបចំទីតាំងមួយនេះហើយ។
លោក អ៊ុន ចាន់ដា អភិបាលនៃគណអភិបាលខេត្តកំពង់ចាម បានជម្រុញដល់ក្រុមការងារធ្វើយ៉ាងណាពន្លឿនការងាររៀបចំឱ្យលឿនបំពាក់ប្រព័ន្ធភ្លើង ប្រព័ន្ធទឹក បង្គន់ និងរៀបចំគ្រែ។ មណ្ឌលវិទ្យាល័យព្រះសីហនុមួយនេះ អាចដាក់អ្នកជំងឺកូវីដបានប្រមាណជាង១ពាន់នាក់។
សូមជម្រាបថា វិទ្យាល័យព្រះសីហនុ ក្រុងកំពង់ចាម ជាទីតាំងទី២ ដែលត្រូវបានរៀបចំជាមណ្ឌលពិនិត្យព្យាបាលអ្នកជំងឺកូវីដ-១៩ ដែលរដ្ឋបាលខេត្តកំពង់ចាមសម្រេចយកទីតាំងមួយនេះ បន្ទាប់ពីមន្ទីរមេគង្គកំពង់ចាម។
ដោយឡែក វិទ្យាល័យដីដុះ ក្រុងកំពង់ចាម នឹងប្រែក្លាយទៅជាមណ្ឌលចត្តាឡីស័កមួយទៀត សម្រាប់ក្រមខណ្ឌភូមិសាស្ត្រក្រុងកំពង់ចាម ប្រសិនបើមានអ្នកប៉ះពាល់ផ្ទាល់ និងប្រយោល ដើម្បីធ្វើចត្តាឡីស័កនៅទីនេះ ខណៈមណ្ឌលចត្តាឡីស័កគរុកោសល្យត្រូវបានបងប្អូនប្រជាពលរដ្ឋមកធ្វើចត្តាឡីស័កកើនឡើង៕
អត្ថបទ និង រូបភាព៖ ហុង ម៉េងហៀ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ