កូវីដ-១៩
ស្ថានភាពនៅឥណ្ឌា! ហាមមិនឲ្យរៀបការលើដីខ្លាច កូវីដ ជួលយន្តហោះធ្វើពិធីលើអាកាស ឯអ្នកចូលរួមប្រជ្រៀតគ្នាទាំងពាក់ និងមិនពាក់ម៉ាស
ក្នុងគោលបំណងដើម្បីចៀសវាងបម្រាម លើការប្រមូលផ្ដុំគ្នាទ្រង់ទ្រាយធំ ពាក់ព័ន្ធនឹងជំងឺកូវីដ ១៩ គូស្វាមីភរិយាវ័យក្មេងមកពីទីក្រុង Madurai របស់រដ្ឋ Tamil Nadu បានជួលយន្តហោះមួយគ្រឿង ដើម្បីរៀបការនៅមុខក្រុមគ្រួសារ និងមិត្តភក្តិកាលពីចុងសប្តាហ៍ ។ ព័ត៌មានលម្អិតអំពីគូស្វាមីភរិយា និងក្រុមគ្រួសាររបស់ពួកគេ នៅមិនទាន់ដឹងច្បាស់នៅឡើយទេ ប៉ុន្តែកូនកំលោះត្រូវបានគេដឹងថាឈ្មោះ Rakesh ចំណែកកូនក្រមុំឈ្មោះ Dakshina ។
ការហោះហើរដែលដឹកមនុស្សជាង ១៦០ នាក់ បានប្រារព្ធពិធីដែលគេដាក់ឈ្មោះថា “ការរៀបការនៅឋានសួគ៌” ខណៈអ្នកចូលរួមគឺនៅជិតគ្នាមែនទែន ក្នុងអំឡុងពេលហោះហើររយៈពេល ២ ម៉ោង ។ រូបភាពវីដេអូនៅលើយន្តហោះនោះ បង្ហាញពីមនុស្សរុញច្រានគ្នាទៅវិញទៅមកនៅខាងក្នុងយន្ដហោះ ដោយអ្នកខ្លះពាក់ម៉ាស ហើយអ្នកខ្លះមិនពាក់ម៉ាស ជាមួយនឹងសកម្មភាពពាក់កម្រងផ្កាក្នុងព្រឹត្តិការណ៍ដ៏ពិសេសនោះ ។
ក្រោយមក សាច់ញាតិដែលបានធ្វើដំណើរពីទីក្រុងផ្សេងទៀត ដើម្បីចូលរួមពិធីមង្គលការនោះ បានឡើងជិះជើងហោះហើរអ្នកដំណើរផ្សេងមួយទៀតដើម្បីត្រឡប់មកផ្ទះវិញ ។ បន្ទាប់ពីមានវត្តមាននៅឯពិធីជួបជុំដ៏ធំមួយនេះហើយ ក្រុមគ្រួសារ សាច់ញាតិអ្នករៀបមង្គលការ និងអ្នកដទៃទៀត កំពុងប្រឈមហានិភ័យឆ្លងជំងឺកូវីដ ១៩ ។
ករណីនេះ ត្រូវបានគេចាត់ទុកជាការរំលោភបំពានយ៉ាងខ្លាំង នៃបទដ្ឋានជំងឺកូវីដ ១៩ ជាពិសេសនៅពេលដែលរដ្ឋ Tamil Nadu កំពុងមានករណីឆ្លងយ៉ាងខ្លាំង ។ រដ្ឋមួយនេះបានកត់ត្រាករណីឆ្លងថ្មីចំនួន ៣៥,៤៨៣ ករណី គិតត្រឹមថ្ងៃទី ២៤ ឧសភានេះ ដែលនាំឲ្យករណីឆ្លងសរុបក្នុងរដ្ឋនេះឡើងដល់ ១.៨ លានករណី ។
ថ្លែងទៅកាន់ប្រព័ន្ធផ្សព្វផ្សាយ ប្រធានអាកាសយានដ្ឋាន Madurai លោក S. Senthil Valavan បាននិយាយថា ក្រុមហ៊ុនអាកាសចរណ៍ឯកជនមួយ បានដាក់ពាក្យសុំសេវាកម្មហោះហើរ ហើយបានទទួលការយល់ព្រម ពីអាជ្ញាធរអាកាសយានដ្ឋាន ។
រដ្ឋ និងទីក្រុងជាច្រើនរបស់ប្រទេសឥណ្ឌា បានចេញផ្សាយគោលការណ៍ណែនាំតឹងរ៉ឹង ក្នុងគោលបំណងដើម្បីពិនិត្យមើលការកើនឡើង នូវករណីឆ្លងជំងឺកូវីដ ១៩ ។ នៅក្នុងទីក្រុងសំខាន់ៗរួមមានទីក្រុងបុមបៃ និងដេលី គោលការណ៍ណែនាំ បានហាមឃាត់ប្រជាជន មិនឲ្យដើរហើរនៅពេលយប់ ខណៈក៏កំណត់ចំនួនអ្នកចូលរួមក្នុងពិធីបុណ្យសព និងពិធីមង្គលការ ជាដើម ។
ទន្ទឹមនោះនៅខែកក្កដាឆ្នាំមុន ពិធីរៀបអាពាហ៍ពិពាហ៍ជាច្រើន នៅតំបន់ផ្សេងៗគ្នានៃប្រទេសឥណ្ឌា បានលេចចេញជាចំណុចផ្ទុះនៃការឆ្លងជំងឺកូវីដ ១៩ ។ ចំណែកនៅឆ្នាំនេះវិញ គ្រាន់តែនៅពាក់កណ្តាលខែមេសា នៅពេលដែលរលកទី ២ នៃជំងឺកូវីដ ១៩ បានចាប់ផ្តើមវាយលុកប្រទេសឥណ្ឌាយ៉ាងខ្លាំងនោះ ពិធីមង្គលការដែលបានគ្រោងទុកនៅទូទាំងប្រទេស ត្រូវបានពន្យារពេលដើម្បីចៀសវាង ការដាក់ទណ្ឌកម្មផ្នែកច្បាប់ ឬភាពអាសន្នផ្នែកសុខភាព ជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ឥណ្ឌា ក្លាយជាប្រទេសទី៣លើលោក មានអ្នកស្លាប់ដោយសារកូវីដលើស ៣០ម៉ឺននាក់
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត