កូវីដ-១៩
អត្រាថ្មីអ្នកឆ្លងកូវីដ-១៩ នៅស្រុកស្រែអំបិល ៤ថ្ងៃ កើនជិតដល់៨០រូប
កោះកុង៖ តាមរដ្ឋបាលខេត្តកោះកុង បង្ហាញជាបន្តបន្ទាប់ថា មនុស្ស៧៨រូបហើយដែលរកឃើញមានវិជ្ជមានកូវីដ-១៩ រយៈពេល៤ថ្ងៃមកនេះ បើគិតថ្ងៃទី២២ ដល់២៥ ខែឧសភា ដោយម៉ោងនេះគឺក្រុមការងារជំនាញកំពុងស្វែងរកបន្ថែមទៀត។
លោក ទូ សាវុធ អភិបាលរងខេត្តកោះកុង ទទួលបន្ទុកកិច្ចការចំពោះកិច្ចលើការងារទប់ស្កាត់ និងដោះស្រាយវិបត្តិកូវីដរបស់ខេត្ត បាន ប្រាប់កម្ពុជាថ្មី ឱ្យដឹងនៅថ្ងៃទី២៦ ខែឧសភានេះថា អត្រារកឃើញវិជ្ជមានកូវីដ-១៩ ថ្មីពិតកើនឡើងដល់៧៨នាក់មែនចំពោះអ្នកពាក់ព័ន្ធនៅក្នុងស្រុកស្រែអំបិល។ ឃុំដែលរកឃើញអ្នកឆ្លងច្រើនជាងគេ គឺឃុំស្រែអំបិល និងឃុំបឹងព្រាវ រីឯឃុំជ្រោយស្វាយ មានតិចតួច។បើតាមលោកអភិបាលរងខេត្តដដែល បានគូសបញ្ជាក់ថា បន្ទប់ព្យាបាលជំងឺនៅមន្ទីរពេទ្យបង្អែកស្រុកពេញអស់ហើយលែងទទួលព្យាបាលអ្នកជំងឺ ដោយមនុស្សដែលរកឃើញបន្តបន្ទាប់ដឹកជញ្ចូនទៅវិទ្យាល័យស្រែអំបិលដែលត្រៀមចំនួន២អគារ ស្មើនឹង៨បន្ទប់។
ប្រជាពលរដ្ឋសហការជាមួយអាជ្ញាធរមន្រ្តីជំនាញបានល្អប្រសើរពុំមានការគេចវេះអ្វីនោះទេ។ លើសពីនេះទៀតប្រជាពលរដ្ឋដែលមានការសង្ស័យ ក៏ហ៊ានរាយការណ៍ផ្តល់ព័ត៌មានមកក្រុមគ្រូពេទ្យផងដែរ ដោយមិនលាក់លៀមព្រោះតែក្តីបារម្ភ។
អាជ្ញាធរខេត្ត ក៏ពន្យល់ថា ប្រភពចម្លងរីករាលជំងឺកូវីដ-១៩ ជាង២ថ្ងៃចុងក្រោយនេះ គឺបណ្តាលមកពីបុរសឈ្មោះ ម៉ន សុម៉េង អាយុ១៩ឆ្នាំ ជាកម្មកររោងចក្រធ្វើចំណីសត្វ អាយ តាវ ស្ថិតនៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ ដែលធ្លាប់ចូលរួមពិធីបុណ្យសពសាច់ញាតិនៅក្នុងភូមិខ្លុង ឃុំស្រែអំបិល រយៈពេល៣ថ្ងៃ កាលពីថ្ងៃទី១៤ ដល់១៦ ខែឧសភា កន្លងទៅ។
បច្ចុប្បន្ន លោកស្រី មិថុនា ភូថង អភិបាលខេត្តកោះកុង បានដាក់វិធានការជាច្រើនដល់ក្រុមការងារទប់ស្កាត់ដោះស្រាយជំងឺកូវីដ-១៩ រួមមាន៖ ការដាក់ប៉ុស្តិបិទចរាចរណ៍ធ្វើដំណើររបស់ពលរដ្ឋក្នុងភូមិ បន្តចុះស្រង់ស្ថិតិអ្នកឆ្លងថ្មីឱ្យបានទាន់ពេលវេលា ទីតាំងសម្រាប់ពិនិត្យព្យាបាលជំងឺ ករណីខ្វះខាត និងផ្សព្វផ្សាយអំពីគ្រោះថ្នាក់ជំងឺកូវីដ១៩ឱ្យបានខ្លាំងក្លា។
គួរជម្រាបថា ការបិទធ្វើដំណើរចរាចរណ៍ចេញចូលក្នុងឃុំចំនួន៣នៅស្រុកស្រែអំបិល រាល់ការធ្វើដំណើរដឹកជញ្ចូនទំនិញលើកំណាត់ផ្លូវជាតិលេខ៤៨ប្រព្រឹត្តដោយដូចធម្មតា លើកលែងតែ ភូមិឃុំដែលកំពុងក្នុងតំបន់ផ្ទុះជំងឺប៉ុណ្ណោះមិនអាចធ្វើដំណើរបាន។
ឃុំចំនួន៣បិទចរាចរណ៍បណ្តោះអាសន្ន រួមមាន ភូមិខ្លង ភូមិវាលជើង ភូមិវាលត្បូង ភូមិត្រពាំង ភូមិត្រៀក ក្នុងឃុំស្រែអំបិល ភូមិសារ៉ាយ ឃុំជ្រោយស្វាយ និងភូមិសាលាម្ខាង ឃុំប្រឹងព្រាវ៕
អត្តបទ៖ សិរីវឌ្ឍនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង