កូវីដ-១៩
តំណាង WHO អះអាងថា ស្ថានភាពកូវីដ១៩នៅកម្ពុជាមានសភាពធ្ងន់ធ្ងរនៅឡើយ
តំណាងអង្គការសុខភាពពិភពលោកប្រចាំនៅប្រទេសកម្ពុជា(WHO) បានឲ្យដឹងថា ស្ថានភាពកូវីដ១៩ នៅកម្ពុជានាពេលនេះគឺមានភាពធ្ងន់ធ្ងរនៅឡើយ ពិសេសការផ្ទុះជំងឺកូវីដ១៩ ចេញពីក្នុងតំបន់មួយចំនួន ដូចជា នៅតាមរោងចក្រពន្ធធានាគារ ផ្សារ និងសហគមន៍ជាដើម។
ការលើកឡើងរបស់លោកស្រី លី អាយឡាន តំណាងអង្គការសុខភាពពិភពលោកប្រចាំកម្ពុជា នេះបានធ្វើឡើងកាលពីថ្ងៃទី២៩ឧសភាឆ្នាំ២០២១ ក្នុងឱកាសដែលលោកស្រីចូលរួមក្នុងពិធីប្រគល់-ទទួល ថេបប្លេតជូនក្រុមគ្រូពេទ្យចាក់វ៉ាក់សាំងកូវីដ-១៩ រាជធានី-ខេត្ដចំនួន៣,និងម៉ាស៊ីនវាស់កំហាប់អុកស៊ីសែន នៅម្រាមដៃដែលឧបត្ថម្ភដោយ WHO ផងដែរ។
លោកស្រី លី អាយឡាន បានលើកឡើងបន្តថា “ដូច្នេះ ខ្ញុំសូមអំពាវនាវដល់ពលរដ្ឋត្រូវចូលរួមទាំងអស់ ធ្វើសកម្មភាពដែលយើងអាចធ្វើបាន ដើម្បីកុំឱ្យមានការសោកស្ដាយ ដោយធ្វើយ៉ាងណា ឱ្យករណីឆ្លងថយចុះ និងឈានទៅការលុបបំបាត់ជំងឺឆ្លងនេះ ដើម្បីចៀសផុតពីការឆ្លងជាលក្ខណៈទ្រង់ទ្រាយធំនៅកម្ពុជា និងត្រូវត្រៀមខ្លួនជាស្រេច ក្នុងការរៀនរស់បែបគន្លងថ្មី កុំឱ្យមានករណីផ្ទុះឡើងជាថ្មី ដែលយើងពុំចង់ឃើញ”។
លោកស្រី លី អាយឡាន បានថ្លែងពីការប្តេជ្ញាចិត្តបន្ដជួយគាំទ្រ និងត្រៀមជាស្រេច សម្រាប់ការឆ្លើយតបនឹងការរាតត្បាតជំងឺកូវីដ១៩ នៅកម្ពុជា។
លោកស្រី លី អាយឡាន បានបញ្ជាក់បន្ថែមថា ក្នុងនាមលោកស្រីតំណាងអង្គការសុខភាពពិភពលោកប្រចាំកម្ពុជា សូមបេ្ដជ្ញានៅតែបន្ដក្នុងការសហការ និងជួយគាំទ្រដល់រាជរដ្ឋាភិបាលកម្ពុជា ក្រសួងសុខាភិបាល អង្គការដៃគូអភិវឌ្ឍ ដើម្បីរួមគ្នាត្រៀមរៀបចំ និងឆ្លើយតបទៅនោះនឹងការផ្ទុះរាលត្បាតដោយជំងឺកូវីដ១៩ ខណៈដែលបច្ចុប្បន្ននេះ យើងកំពុងស្ថិតនៅក្នុងស្ថានភាពមួយដ៏លំបាក។
លោកស្រី បានបន្តទៀតថា “ខ្ញុំនឹងបន្ដជួយដល់ប្រជាជន និងប្រទេសកម្ពុជា ជាពិសេសបន្ដគាំទ្រលើយុទ្ធនាការចាក់វ៉ាក់សាំងកូវីដ១៩នៅកម្ពុជា ហើយជឿជាក់យ៉ាងមុតមាំថា កម្ពុជានឹងឆ្លងផុតពីផ្ទុះរាតត្បាតលក្ខណៈធ្ងន់ធ្ងរនេះ បន្ទាប់ពីបទពិសោធន៍ដ៏ជោគជ័យកន្លងមក របស់ប្រមុខរាជរដ្ឋាភិបាលកម្ពុជា លើការងារទប់ស្កាត់ និងប្រយុទ្ធនឹងជំងឺកូវីដ១៩”។
មួយសប្តាហ៍ចុងក្រោយនេះស្ថានភាពជំងឺកូវីដ‑១៩នៅកម្ពុជាបានហក់ឡើងខ្ពស់ឡើងវិញដោយមានឆ្លងករណីថ្មីពីជិត៥០០ទៅជាង៦០០នាក់ក្នុង១ថ្ងៃៗខណៈសប្តាហ៍មុនៗមានឆ្លងត្រឹមតែជាង៣០០នាក់ទៅជាង៤០០នាក់ប៉ុណ្ណោះ។
បើតាមក្រសួងសុខាភិបាលការកើនឡើងនៃចំនួនអ្នកឆ្លងជំងឺកូវី១៩នេះភាគច្រើនឆ្លងទៅលើកម្មករកម្មការិនីរោងចក្រនិងពលករខ្មែរដែលវិលត្រឡប់មកពីប្រទេសថៃ។
នៅតាមបណ្តាខេត្តមួយចំនួនមានកម្មករកម្មការិនីរោងចក្របានឆ្លងជាបន្តបន្ទាប់ដូចជានៅរាជធានីភ្នំពេញ ខេត្តកំពង់ចាម ស្វាយរៀង តាកែវ កំពង់ស្ពឺ ព្រះសីហនុនិងខេត្តកណ្តាលជាដើមបូករួមទាំងពលករធ្វើដំណើរមកពីប្រទេសថៃ។ចំណែកខេត្តនៅជាប់ព្រំ ដែនកម្ពុជាថៃវិញរួមមានខេត្តបាត់ដំបងបន្ទាយមានជ័យនិងឧត្តរមានជ័យមាពលករមកពីប្រទេសថៃឆ្លងច្រើនរួមទាំងអ្នកធ្វើដំណើរពីតំបន់ដែលមានហានិភ័យខ្ពស់ផងដែរដូចជារាជធានីភ្នំពេញនិងខេត្តព្រះសីហនុ។
គួរបញ្ជាក់ថា គិតត្រឹមព្រឹក ថ្ងៃទី៣០ ខែឧសភា ឆ្នាំ២០២១នេះកម្ពុជាមានអ្នកឆ្លងជំងឺកូវីដ១៩សរុបចំនួន២៩៤០៤នាក់ក្នុងនោះមានអ្នកជាសះស្បើយចំនួន២២១៨៨នាក់និង អ្នកស្លាប់ចំនួន២០៦នាក់៕ អត្ថបទ៖ សំអឿន
-
ព័ត៌មានអន្ដរជាតិ៣ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
KPT+២ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ៣ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៥ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ១ ថ្ងៃ ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ១ សប្តាហ៍ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore
-
ព័ត៌មានជាតិ១ សប្តាហ៍ ago
ផ្លូវប្របមាត់ព្រែកពីគល់ស្ពានថ្មីដល់ស្ពានចាស់ រួមជាមួយសួនកម្សាន្ត និងលេចរូបរាងឆាប់ៗក្នុងខេត្តកំពត