កូវីដ-១៩
ខេត្តកំពង់ស្ពឺ មានអ្នកស្លាប់ដោយសារជំងឺកូវីដ១៩ កើនឡើងដល់១៥នាក់ហើយ
រហូតមកដល់ពេលនេះ ខេត្តកំពង់ស្ពឺ មានអ្នកស្លាប់ដោយសារជំងឺកូវីដ១៩ កើនឡើងដល់១៥នាក់ហើយ ក្នុងចំណោមអ្នកជំងឺសរុបចំនួន ៨៣៨នាក់។
បើយោងតាមរបាយការណ៍របស់រដ្ឋបាលខេត្តកំពង់ស្ពឺ បានឲ្យដឹងថា គិតត្រឹមព្រឹកថ្ងៃទី៣១ឧសភានេះ ខេត្តកំពង់ស្ពឺមានអ្នកឆ្លងជំងឺកូវីដ-១៩ ក្នុងព្រឹត្តិការណ៍សហគមន៍២០កុម្ភៈសរុបចំនួន ៨៣៨នាក់ បូករួមទាំងរកឃើញថ្មីចំនួន៦១នាក់នៅថ្ងៃទី៣០ ខែឧសភា ឆ្នាំ២០២១ ក្នុងនោះមាន អ្នកជាសះស្បើយសរុបចំនួន ២១៣នាក់ កំពុងសម្រាកព្យាបាលចំនួន ៦០៥នាក់ ស្លាប់បាត់បង់ជីវិតចំនួន១៥នាក់ និងផ្ទេរអ្នកជំងឺទៅព្យាបាលនៅភ្នំពេញ ចំនួន០៧នាក់។
មួយរយៈថ្ងៃចុងក្រោយនេះ អត្រាឆ្លងជំងឺកូវីដ១៩នៅកម្ពុជា បានហក់ខ្ពស់ឡើងវិញ ចាប់ពីខ្ទង់ជិត៥០០នាក់រហូតដល់ជាង៦០០នាក់ក្នុង១ថ្ងៃៗ ខណៈកាលពី១សប្តាហ៍មុនៗមានអ្នកឆ្លងត្រឹមតែជាង៣០០នាក់ទៅ៤០០នាក់ប៉ុណ្ណោះ។
យោងតាមរបាយការណ៍របស់ក្រសួងសុខាភិបាល បានឱ្យដឹងថា ការកើនឡើងនៃចំនួនអ្នកឆ្លងជំងឺកូវីដ១៩នេះភា គច្រើនឆ្លងទៅលើកម្មករកម្មការិនីរោងចក្រនិងពលករខ្មែរ ដែលវិលត្រឡប់មកពីប្រទេសថៃ។ ចំណែកនៅតាមបណ្តាខេត្តមួយចំនួន មានកម្មករកម្មការិនីរោងចក្របានឆ្លងជាបន្តបន្ទាប់ដូចជានៅរាជធានីភ្នំពេញ ខេត្តកំពង់ចាម ស្វាយរៀង តាកែវ កំពង់ស្ពឺ ព្រះសីហនុនិងខេត្តកណ្តាលជាដើមបូករួមទាំងពលករធ្វើដំណើរមកពីប្រទេសថៃ។ ចំណែកខេត្តនៅ
ជាប់ព្រំដែនកម្ពុជាថៃវិញរួមមាន ខេត្តបាត់ដំបង បន្ទាយមានជ័យនិ ងឧត្តរមានជ័យមានពលករមកពីប្រទេសថៃឆ្លងច្រើនរួមទាំងអ្នកធ្វើដំណើរពីតំបន់ ដែលមានហានិភ័យខ្ពស់ផងដែរដូចជារាជធានីភ្នំពេញនិងខេត្តព្រះសីហនុ។
គួរបញ្ជាក់ថា គិតត្រឹមព្រឹក ថ្ងៃទី៣០ ខែឧសភា ឆ្នាំ២០២១នេះ កម្ពុជាមានអ្នកឆ្លងជំងឺកូវីដ១៩សរុបចំនួន២៩៤០៤នាក់ ក្នុងនោះមានអ្នកជាសះស្បើយចំនួន២២១៨៨នាក់និង អ្នកស្លាប់ចំនួន២០៦នាក់៕
អត្ថបទ៖ សំអឿន
សូមចុចអាន៖ ខេត្តបាត់ដំបងរកឃើញវិជ្ជមានកូវីដ-១៩ ថ្មី១១នាក់បន្ថែមទៀត និងជាសះស្បើយចំនួន៥នាក់
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?