កូវីដ-១៩

ត្រឹមម៉ោង ៤ រសៀលនេះ ខេត្តចំនួន ៤ បានប្រកាសតួលេខអ្នកឆ្លងថ្មី

បានផុស

៣ years មុន

នៅ

ថ្ងៃសុក្រ ៤ មិថុនា ២០២១

ដោយ

ខេត្តចំនួន ៤ បានប្រកាសតួលេខអ្នកឆ្លងថ្មីគិតត្រឹមម៉ោងជិត ៤ រសៀលនេះ។ ខេត្តតាកែវដែលនៅខាងត្បូងរាជធានីភ្នំពេញ មានអ្នកឆ្លងកូវីដ ៧២ នាក់ ត្រឹម ២៤ ម៉ោងជាកំណត់ត្រាដ៏គួរឲ្យព្រួយបារម្ភ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមអត្តសញ្ញាណបានបង្ហាញថា អ្នកវិជ្ជមានទាំង ៧២ នាក់នៅខេត្តតាកែវ មាននៅស្រុកសំរោងចំនួន ៣៩ នាក់ ស្រុកត្រាំកក់ ១០ នាក់ ស្រុកអង្គរបុរី ០២ នាក់ ស្រុកព្រៃកប្បាស ០៨ នាក់ ស្រុកទ្រាំង ០១ នាក់ ស្រុកគីរីវង្ស ០៣ នាក់ ស្រុកបាទី ០៣ នាក់ ក្រុងដូនកែវ ០៦នាក់។

ខេត្តចំនួន ៣ ទៀត ក៏បានចេញតួលេខអ្នកឆ្លងថ្មីក្នុងនោះមានខេត្តកំពង់ចាម ខេត្តបន្ទាយមានជ័យ និងខេត្តកំពត។ ខេត្តកំពង់ចាម រកឃើញករណីវិជ្ជមានថ្មី ៤៨ នាក់ទៀត និងជាសះស្បើយ ៨១ នាក់ ខេត្តបន្ទាយមានជ័យ រកឃើញករណីវិជ្ជមានថ្មី ៣៩ នាក់ទៀត និងជាសះស្បើយ ២១៦ នាក់ និងខេត្ដកំពត រកឃើញករណីវិជ្ជមានថ្មី ៤៦ នាក់។

របាយការណ៍របស់ក្រសួងសុខាភិបាល ដែលចេញផ្សាយនៅថ្ងៃនេះរកឃើញអ្នកឆ្លងថ្មី ៨៨៦នាក់ក្នុងរយៈពេល ២៤ ម៉ោង និងមានអ្នកជាសះស្បើយ ៧៨១ នាក់ និងស្លាប់ ០៦នាក់។

គិតត្រឹមព្រឹក ថ្ងៃទី០៤ ខែមិថុនា ឆ្នាំ២០២១ កម្ពុជាមានតួលេខអ្នកឆ្លងសរុបកើនដល់ ៣៣ ០៧៥ នាក់ អ្នកជាសះស្បើយ ២៥ ៥៤៤ នាក់ និងស្លាប់ ២៤២ នាក់៕

អត្ថបទ៖ ប៊ុណ្ណារ៉ា

Related Topics:កូវីដ-១៩