កូវីដ-១៩
អភិបាលខេត្តព្រះសីហនុ បញ្ជាឱ្យសមត្ថកិច្ចបង្ក្រាបក្រុមប្រជាពលរដ្ឋលេងល្បែងសុីសងមិនពាក់ម៉ាស់ និងរក្សាគម្លាត
លោក គួច ចំរើន អភិបាលខេត្តព្រះសីហនុ នៅព្រឹកថ្ងៃទី ៥ ខែមិថុនានេះ បានបញ្ជាឱ្យកម្លាំងសមត្ថកិច្ចចុះបង្រ្កាបការជួបជុំគ្នាលេងល្បែងស៉ីសង(បៀ) បានចំនួន៣វង់ ស្ថិតក្នុងតំបន់ទំនប់រលក(តំបន់លឿង) សង្កាត់លេខ១ ក្រុងព្រះសីហនុ។
ចំណាត់ការនេះ បានធ្វើឡើង បន្ទាប់ពីទទួលបានសេចក្តីរាយការណ៌ មានក្រុមប្រជាពលរដ្ឋមួយចំនួនមិនគោរពតាមវិធានការរបស់ក្រសួងសុខាភិបាលក៏ដូចជាសេចក្តីណែនាំរបស់រដ្ឋបាលខេត្តព្រះសីហនុ ដោយនាំគ្នាធ្វើការជួបជុំជាក្រុមៗហើយថែមទាំងលេងល្បែងសុីសងទៀតនោះ។
ប្រតិបត្តិការឆ្មក់បង្ក្រាបករណីនេះដែរ ក្រុមសមត្ថកិច្ចបានឃាត់ខ្លួនអ្នកលេងល្បែងមានប្រុសមានស្រីចាស់ក្មេងបានជាច្រើននាក់ ហើយបញ្ជូនមកទីបញ្ជាការស្រាលដើម្បីអនុវត្តតាមនីតិវិធី។
សូមជម្រាបជូនថា កន្លងមកការឆ្លងជំងឺកូវីដ-១៩ នៅតំបន់ទំនប់រលក សង្កាត់លេខ១ ក្រុងព្រះសីហនុមានការកើនឡើងគួរឱ្យកត់សម្គាល់ រហូតឈានទៅដល់ការបិទខ្ទប់តំបន់នេះទាំងស្រុង ដោយសារប្រជាពលរដ្ឋមួយចំនួន មិនចូលរួមអនុវត្តតាមគោលការណែនាំរបស់រដ្ឋបាលខេត្ត ក៏ដូចជាក្រសួងសុខាភិបាល។
ជាពិសេសនោះពួកគាត់នៅតែបន្តការជួបជុំគ្នាលេងល្បែងសុីសង ជួបជុំគ្នាផឹកគ្រឿងស្រវឹង មិនពាក់ម៉ាស់ និងរក្សាគម្លាតសុវត្ថិភាពជាដើម។
សមត្ថកិច្ចបានបញ្ជាក់ថា វិធានការនេះនឹងធ្វើឡើងជាបន្តបន្ទាប់ ដើម្បីឈានទៅកាត់ផ្តាច់ការចម្លងមេរោគកូវីដ-១៩ ឱ្យបានទាំងស្រុង៕ អត្ថបទ៖ស៊ុយ ចាន់ធា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត