កូវីដ-១៩
អគ្គនាយកដ្ឋានពន្ធនាគារ ទទួលវ៉ាក់សាំង ៦,០០០ដូស សម្រាប់ចាក់ជូនទណ្ឌិត
អគ្គនាយកដ្ឋានពន្ធនាគារនៃក្រសួងមហាផ្ទៃ ទទួលវ៉ាក់សាំង ៦,០០០ដូស ពីក្រសួងសុខាភិបាល ដោយគ្រោងនឹងដំណើរការចាក់វ៉ាក់សាំងកូវីដ១៩ ទៅដល់អ្នកជាប់ឃុំនៅក្នុងពន្ធនាគារដែលប្រឈមការឆ្លងកូវីដ-១៩ខ្ពស់។
លោក នុត សវនា អ្នកនាំពាក្យអគ្គនាយកដ្ឋានពន្ធនាគារនៃក្រសួងមហាផ្ទៃ បានថ្លែងថា ក្រសួងសុខាភិបាលបានផ្ដល់វ៉ាក់សាំង អាស្ត្រាហ្សេនីកា ចំនួន ៦,០០០ដូស ដល់អគ្គនាយកដ្ឋានពន្ធនាគារ សម្រាប់ចាក់ជូនអ្នកកំពុងជាប់ឃុំនៅតាមពន្ធនាគារដែលកំពុងមានហានិភ័យខ្ពស់នៃការឆ្លងជំងឺកូវីដ-១៩ ដូចជាអ្នកជាប់ឃុំនៅពន្ធនាគារខេត្តកណ្ដាល និងពន្ធនាគារនៅខេត្តកំពង់ស្ពឺជាដើម។
លោក នុត សវនា មានប្រសាសន៍ថា៖ “ខ្ញុំទើបទទួលព័ត៌មានពីសុខាភិបាលមកថា គាត់នឹងផ្ដល់ អាស្ត្រាសេណេកា ៦,០០០ដូស សម្រាប់ចាក់ជូនជនជាប់ឃុំ។ ទីតាំងយើងកំពុងតែរៀបចំហើយតាមផែនការ ទីតាំង និងកន្លែងប្រឈម កណ្ដាល និងកំពង់ស្ពឺ កន្លែងសំខាន់ដែលយើងផ្ដោត។ ពន្ធនាគារខេត្តព្រះសីហនុ យើងចាក់ស៊ីណូវ៉ាក់ ដូសទី២ហើយ”។
លោកមានប្រសាន៍បញ្ជាក់ប្រាប់ កម្ពុជាថ្មី បន្ថែមថា មន្ត្រីពន្ធនាគារយើងចាក់អស់ហើយ ដូសទី២បានជិតគ្រប់គ្នាហើយ លើកលែងតែអ្នកមានបញ្ហាសុខភាព។
លោកមានប្រសាសន៍ថា៖ “ចំពោះជនជាប់ឃុំ យើងចាក់បានជាង១ម៉ឺននាក់ហ្នឹង បូកទាំងពន្ធនាគារខេត្តព្រះសីហនុ។ ហើយចំពោះខាងខេត្តកំពតអីជាដើមហ្នឹង ប្រហែលជាមានផែនការដែរ ខេត្តដែលផ្ទុះខ្លាំងក្នុងសហគមន៍ ព្រោះកំពត មួយរយៈចុងក្រោយនេះមានផ្ទុះច្រើន អ៊ីចឹងយើងប្រុងប្រយ័ត្ន”។
អ្នកនាំពាក្យអគ្គនាយកដ្ឋានពន្ធនាគារនៃក្រសួងមហាផ្ទៃរូបនេះ បានថ្លែងបន្តថា នេះជាការយកចិត្តទុកដាក់របស់រាជរដ្ឋាភិបាលចំពោះសុខភាពពលរដ្ឋទាំងអស់ មិនថាអ្នកនៅក្នុងសហគមន៍ ឬក៏នៅក្នុងពន្ធនាគារ។
លោក នុត សវនា មិនទាន់អាចបញ្ជាក់ចំនួនករណីវិជ្ជមានកូវីដ-១៩ក្នុងពន្ធនាគារនៅឡើយទេ ប៉ុន្តែអះអាងថា ស្ថានភាពនៃការឆ្លងជំងឺកូវីដនៅក្នុងពន្ធនាគារមកដល់ពេលនេះ មានការថយចុះខ្លាំង និងអាចគ្រប់គ្រងបាន៕
អត្ថបទ៖ ច័ន្ទ វីរៈ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?