កូវីដ-១៩
អាជ្ញាធរខេត្តស្ទឹងត្រែងសម្រេចបិទផ្អាកភោជនីយដ្ឋានគុយទាវឡាវ និងរមណីយដ្ឋានជួរចាប
ខេត្តស្ទឹងត្រែង៖ អាជ្ញាធរខេត្តស្ទឹងត្រែងបានសម្រេចបិទផ្អាកកន្លែងលក់ដូរពីរកន្លែងដោយមានករណីពាក់ព័ន្ធ នាំចូលជំងឺកូវីដ-១៩មកពីខាងក្រៅ ក្នុងនោះមានភោជនីយដ្ឋានគុយទាវឡាវ និងរមណីយដ្ឋានជួរចាប ដោយសារបុគ្គលមានផ្ទុកជំងឺកូវីដ-១៩ បានចូលបរិភោគអាហារ និងទៅលេងរមណីយដ្ឋាននោះ។
លោក ចៅ មុន្នីរ៉ា នាយករដ្ឋបាល សាលាខេត្តស្ទឹងត្រែង បានបញ្ជាក់ប្រាប់នៅថ្ងៃទី១៨ ខែមិថុនានេះថា ការបិទផ្អាកទីតាំងចំនួនពីរនេះ គឺអាជ្ញាធរបានធ្វើឡើងទៅតាមវិធានសុខាភិបាល ដើម្បីអនុវត្តវិធានការបង្ការជំងឺឆ្លងកូវីដ-១៩ឱ្យមានប្រសិទ្ធភាព។
លោកបន្តថា ការបង្ការនេះអាជ្ញាធរខេត្ត បានចេញសេចក្តីសម្រេច លេខ ០៥១ និង ០៥២ ចុះថ្ងៃទី១៦ និងទី១៧ ខែមិថុនា ឆ្នាំ២០២១ ឱ្យបិទផ្អាកការលក់ដូរ ការធ្វើអាជីវកម្ម ដោយសារមានប្រជាពលរដ្ឋធ្វើដំណើរតាមរថយន្តឆ្លងចូលតាមច្រកស្ទឹងត្រែងព្រះវិហារ មកទីរួមខេត្តស្ទឹងត្រែង កាលពីថ្ងៃទី១៣ កន្លងមកនេះ រយៈពេលបីថ្ងៃ។
លុះដល់ល្ងាចថ្ងៃទី ១៥ ខែមិថុនាពួកគាត់បានទៅខេត្តរតនគិរី ហើយមន្ត្រីមានសមត្ថកិច្ច និងមន្ត្រីសុខាភិបាល ប្រចាំនៅច្រកទ្វារ រតនគីរីស្ទឹងត្រែង បានយកសំណាកធ្វើតេស្តរហ័ស ពិនិត្យឃើញ ទី១ឈ្មោះ យន់ សុជាតិ ភេទស្រី ជនជាតិខ្មែរ អាយុ៥៤ឆ្នាំ ទី២ឈ្មោះ ឃួន សីហា ភេទប្រុស ជនជាតិខ្មែរ អាយុ១៩ឆ្នាំ ទី៣ឈ្មោះ មុំ វ៉ុន ភេទស្រី អាយុ៨១ឆ្នាំ មានផ្ទុកជំងឺកូវីដ-១៩។ អ្នកទាំងបីមានទីលំនៅអចិន្ត្រៃយ៍ ភូមិថ្មគោល១ សង្កាត់ចោមចៅ ខណ្ឌពោធិ៍សែនជ័យរាជធានីភ្នំពេញ។
លោកវេជ្ជបណ្ឌិត ទន វុទ្ធី អនុប្រធានមន្ទីរសុខាភិបាលខេត្ត និងជាប្រធានក្រុមការងារ ស្រាវជ្រាវ និងតាមដានបុគ្គលសង្ស័យ និងបង្ការជំងឺកូវីដ-១៩ ខេត្តស្ទឹងត្រែង បានអំពាវនាវចំពោះប្រជាពលរដ្ឋដែលមានពាក់ព័ន្ធ អ្នកកើតជំងឺកូវីដ -១៩ ទាំង៣នាក់នេះ សូមស្ម័គ្រចិត្តមកយកសំណាកធ្វើវិភាគ ដើម្បីបង្កើនការការពារសុខភាព។
លោកវេជ្ជបណ្ឌិតបន្តថា ជាពិសេសអ្នកពាក់ព័ន្ធនៅភោជនីយដ្ឋានគុយទាវឡាវ រមណីយដ្ឋានជួរចាប និងនៅចំណុចលក់ត្រី ខាងជើងផ្សារស្ទឹងត្រែង ប្រសិនបើមានពាក់ព័ន្ធ សូមមកយកសំណាកដោយស្ម័គ្រចិត្ត៕
អត្ថបទ៖ ងិន លីម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ