កូវីដ-១៩
ប្រកាសម្សិលមិញនេះ ខេត្តស្វាយរៀង មានពលរដ្ឋពីរនាក់បានស្លាប់ ដោយសារកូវីដ
រដ្ឋបាលខេត្តស្វាយរៀង មានក្តីរន្ធត់និងសោកស្តាយ ក្រោយទទួលព័ត៌មានអំពីការស្លាប់របស់អ្នកមានវិជ្ជមានកូវីដ-១៩ ចំនួន ០២នាក់ កាលពីថ្ងៃទី១៧ ខែមិថុនា ឆ្នាំ២០២១។
ជនរងគ្រោះទីមួយមានឈ្មោះ ធន់ សាខន អាយុ ៥៩ឆ្នាំ នៅភូមិមេលោង សង្កាត់ចេក ក្រុងស្វាយរៀង បានទទួលមរណភាពនៅថ្ងៃទី១៦ ខែមិថុនា ឆ្នាំ២០២១ វេលាម៉ោង ១២:៣០នាទី។ ក្រុមការងារស្រាវជ្រាវ និងតាមដានបានសហការជាមួយក្រុមឆ្លើយតបបន្ទាន់ បានធ្វើកោសល្យវិច្ច័យយកវត្ថិភាគសំណាកតាមរយៈការធ្វើតេស្តរហ័ស (Rapid Antigen Test) រកឃើញ វិជ្ជមានវីដ-១៩ ។
តាមការសន្និដ្ឋានរបស់ក្រុមគ្រូពេទ្យ បុរសខាងលើបានទទួលមរណភាពដោយសារជំងឺរ៉ាំរ៉ៃ លើសឈាម ទឹកនោមផ្អែម និងមានវិជ្ជមាន កូវី៥-១៩ ហើយមានអ្នកប៉ះពាល់ផ្ទាល់ចំនួន ៣៦នាក់ ក្រុមការងារបានយកវត្ថុវិភាគសំណាកធ្វើតេស្ត និងដាក់ឲ្យ ធ្វើចត្តាឡីស័កនៅផ្ទះ រង់ចាំលទ្ធផលចាត់វិធានការបន្ត។
ចំណែកករណីទីពីរជនរងគ្រោះបានទទួលមរណភាពអំឡុងពេលព្យាបាល។ បុរសរូបនេះមានឈ្មោះ អ៊ុក សុគា អាយុ ៣៥ឆ្នាំ មុខរបរកម្មកររោងចក្រ IK ស្នាក់នៅបន្ទប់ជួលនៅរាជធានីភ្នំពេញ មានស្រុកកំណើតនៅភូមិសំរោង ឃុំមុខដា ស្រុករមាសហែក បានធ្វើដំណើរដោយមធ្យោបាយផ្ទាល់ខ្លួនមកដល់ទីរួមខេត្តស្វាយរៀង ដោយមានអាការសង្ស័យចូលក្នុងនិយមន័យជំងឺកូវីដ-១៩ បានយកវត្ថុវិភាគសំណាកធ្វើតេស្តរហ័ស នៅមន្ទីរពេទ្យបង្អែកខេត្ត លទ្ធផលវិជ្ជមានកូវីដ-១៩ ។
ក្រុមការងារបានបញ្ជូនទៅសម្រាកព្យាបាលនៅ មណ្ឌលព្យាបាលជំងឺកូវីដ-១៩បាវិត ដោយសារអ្នកជំងឺមានស្ថានភាពសុខភាពចាប់ផ្តើមវិវត្តន៍ទៅសភាពធ្ងន់ធ្ងរ តាំងពីចូលមកសម្រាកពេទ្យដំបូង តម្រូវឱ្យក្រុមគ្រូពេទ្យប្រើប្រាស់ម៉ាស៊ីនជំនួយក្នុងការដកដង្ហើម នៅថ្ងៃទី១៧ ខែមិថុនា ឆ្នាំ២០២១ វេលាម៉ោង ១៣:០០នាទី បានទទួលមរណភាពដោយមូលហេតុរលាកសួត និងខ្សោយស្ងួត ធ្ងន់ធ្ងរទាំងសងខាងបណ្តាលមកពីជំងឺកូវីដ-១៩ ។
អាជ្ញាធរខេត្តស្វាយរៀងបានឲ្យដឹងថា ការស្លាប់នេះបង្ហាញយ៉ាងច្បាស់លាស់ពីហានិភ័យដ៏កាចសាហាវដល់អាយុជីវិតដល់ប្រជាពលរដ្ឋ និងក្រុមគ្រួសារ ដែលបានបាត់បង់សមាជិកគ្រួសារជាទីស្រលាញ់ដោយសារជំងឺកូវីដ-១៩៕
អត្ថបទ៖ ប៊ុណ្ណារ៉ា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង