កូវីដ-១៩

រដ្ឋបាលខេត្តព្រះសីហនុ ប្រកាសបិទនូវអាជីវកម្មលក់ដូរក្នុងផ្សារអូរចំណារ ស្រុកព្រៃនប់ រយៈពេល១៤ថ្ងៃ

បានផុស

៣ years មុន

នៅ

ថ្ងៃព្រហស្បតិ៍ ២៤ មិថុនា ២០២១

ដោយ

ព្រះសីហនុ ៖ រដ្ឋបាលខេត្តព្រះសីហនុ នៅយប់ថ្ងៃទី២៤ខែមិថុនា ឆ្នាំ២០២១នេះ បានសម្រេចប្រកាសផ្អាកជាបណ្តោះអាសន្ននូវអាជីវកម្មលក់ដូរគ្រប់ប្រភេទនៅក្នុងផ្សារអូរចំណារ ស្ថិតនៅឃុំអូរឧកញ៉ាហេង ស្រុកព្រៃនប់ខេត្តព្រះសីហនុ មានរយៈពេល១៤ថ្ងៃ ដោយគិតចាប់ពី ថ្ងៃទី២៤ខែមិថុនា ដល់ថ្ងៃទី៧ខែកក្កដា ឆ្នាំ២០២១ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីសម្រេចនេះបានឲ្យដឹងថា ក្នុងអំឡុងពេលផ្អាកជាបណ្តោះអាសន្ននូវអាជីវកម្មលក់ដូរទាំងអស់នៅក្នុងផ្សារអូរចំណារ រដ្ឋបាលខេត្តព្រះសីហនុលើកទឹកចិត្តបងប្អូនអាជីវកទាំងអស់ឲ្យលក់ដូរគ្រឿងឧបភោគបរិភោគនៅតាមផ្សារម៉ាត ឬផ្សារទំនើប ឬការលក់ដូរនៅតាមលំនៅឋាន ឬនៅទីតាំងលក់ដូរផ្សេងទៀត ដោយអនុវត្តតាមសេចក្តីណែនាំលេខ ០០៨/២១ សណន ចុះថ្ងៃទី១៩ ខែឧសភា ឆ្នាំ២០២១ ស្តីពីការអនុវត្តស្តង់ដារសុវត្ថិភាពនៅតាមផ្សារម៉ាត នៅតាមលំនៅឋាន និងនៅតាមទីតាំងរៀបរយផ្សេងទៀតដើម្បីទប់ស្កាត់ការឆ្លងរាលដាលនៃជំងឺកូវីដ-១៩ របស់រដ្ឋបាលខេត្តព្រះសីហនុ៕

ដោយ ៖ ស៊ុយ ចាន់ធា