កូវីដ-១៩
បិទខ្ទប់៤ទីតាំងអាជីវកម្មដែលជាប់ពាក់ព័ន្ធនឹងការឆ្លងកូវីដ-១៩ នៅស្រុកសំរោង ខេត្តឧត្ដរមានជ័យ
ខេត្តឧត្តរមានជ័យ៖ នៅថ្ងៃទី២៨ ខែមិថុនា ឆ្នាំ២០២១ លោក អ៊ុន សុភ័ក្រ អភិបាល នៃគណៈ អភិបាលក្រុងសំរោង បានដឹកនាំក្រុមការងារ សហការជាមួយក្រុមគ្រូពេទ្យជំនាញ បានចុះពិនិត្យសំណាកបុគ្គលិក នៅហាង រ៉េត ចិន្តា តារា កាហ្វេ ដែលមានការជាប់ពាក់ព័ន្ធនឹងបុគ្គលវិជ្ជមានកូវីដ-១៩ (COVID-19) ឈ្មោះ សុខ សុវណ្ណ ឈានទៅដល់បិទ៤ទីតាំងជាបណ្ដោះអាសន្ន។
ជាជំហានបឋមតាមរយៈ Rapid test បានបន្តរកឃើញអ្នកវិជ្ជមាន ០៣នាក់ ដែលជាប់ពាក់ព័ន្ធនឹងហាង រ៉េត ចិន្តាតារា កាហ្វេ និង ០១នាក់ផ្សេងទៀត ជាអ្នកមានការសង្ស័យចំពោះសុខភាពខ្លួនឯងក្រោយពីបំពេញភារកិច្ចការងារនៅទីតាំងប្រឈមនឹងជំងឺឆ្លងនេះ ហើយបានធ្វើតេស្តនៅព្រឹកជាមួយគ្នា ក៏រកឃើញវិជ្ជមានជំងឺកូវីដ-១៩ (COVID-19)។
អាជ្ញាធរមានសមត្ថកិច្ច បានសម្រេចបិទខ្ទប់ និងផ្អាកជាបណ្តោះអាសន្ននៅទីតាំងអាជីវកម្មមាន ហាង រ៉េតចិន្តា តារា កាហ្វេ ស្ថិតនៅភូមិដូនកែនសែនជ័យ ហាងផ្កាព្រៃ ស្ថិតនៅភូមិឈូក ភោជនីដ្ឋាន រស្មី ឧត្ដរ ស្ថិតនៅភូមិបុរីរដ្ឋបាល និងគេហដ្ឋាន នៅទល់មុខវិទ្យាល័យ ហ៊ុន សែន ឧត្តរមានជ័យ ស្ថិតនៅភូមិបុរីរដ្ឋបាល។
សូមប្រជាពលរដ្ឋក្នុងក្រុងសំរោងទាំងអស់ បន្តអនុវត្តវិធានការ ៣ការពារ ៣កុំ ឱ្យបានខ្ជាប់ខ្ជួន។ ក្រុមការងារជំនាញ បាន និងកំពុងមមាញឹកបន្តតាមដានស្រាវជ្រាវអ្នកប៉ះពាល់ផ្ទាល់សំខាន់ និងធ្វើការវាយតម្លៃលើកម្រិតហានិភ័យនៃការចម្លង ដើម្បីឱ្យធ្វើចត្តាឡីស័ក និងកាត់ផ្តាច់ខ្សែច្រវាក់ចម្លងជាបន្តទៀត៕
អត្ថបទ៖ ចាន់ ធី
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៨ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore