កូវីដ-១៩
បិទភូមិមួយក្នុងស្រុកសេសាន ក្រោយរកឃើញវិជ្ជមានកូវីដ១៩ ចំនួន ៣០ នាក់
អាជ្ញាធរខេត្តស្ទឹងត្រែងសម្រេចបិទខ្ទប់ភូមិច្រប់ ស្ថិតក្នុងឃុំក្បាលរមាស ស្រុកសេសាន និងទីតាំង ២ កន្លែងទៀត ពាក់ព័ន្ធក្នុងករណីរកឃើញអ្នកឆ្លងកូវីដ១៩ ចំនួន ៣០ នាក់ នៅថ្ងៃទី ២៨ ខែមិថុនាឆ្នាំ ២០២១នេះ។ការសម្រេចបិទត្រូវធ្វើឡើងចាប់ពីថ្ងៃទី ២៨ ខែមិថុនា រហូតដល់មានការជូនដំណឹងជាថ្មី។
រដ្ឋបាលខេត្តស្ទឹងត្រែង បញ្ជាក់ថាទីតាំង ទាំង ៣ កន្លែងរួមមាន ផ្ទះសំណាក់ ពន្លឺថ្មី អាហារដ្ឋានរីករាយ ស្ថិតនៅចំណុចអូរពងមាន់ ភូមិរាជានុកូល សង្កាត់ស្ទឹងត្រែង ក្រុងខេត្តស្ទឹងត្រែង និងភូមិច្រប់ ស្ថិតក្នុងឃុំក្បាលរមាស ស្រុកសេសាន។
ការបិទខ្ទប់មូលដ្ឋានភូមិច្រប់ និងទីតាំងចំនួនពីរកន្លែងទៀតខាងលើបណ្ដោះអាសន្ននោះ ក្នុងគោលបំណងដើម្បីទប់ស្កាត់ការឆ្លងរាលដាលនៃជំងឺកូវីដ១៩ ធានាការពារបាននូវអាយុជីវិតប្រជាជន សុខភាពសាធារណៈ និងសេចក្តីសុខ សុវត្ថិភាពក្នុងសង្គម។
ក្នុងអំឡុងពេលបិទខ្ទប់ទីតាំងខាងលើអាជ្ញាធរ ផ្អាកការចេញចូល ហើយអ្នកដែលរស់នៅក្នុងទីតាំងនេះ ត្រូវធ្វើចត្តាឡីស័ករយៈពេល ១៤ ថ្ងៃនិងធ្វើតេស្តសំណាកវិភាគរកជំងឺកូវីដ១៩។
គិតត្រឹមល្ងាចថ្ងៃទី ២៨ ខែមិថុនា ខេត្តស្ទឹងត្រែង មានអ្នកឆ្លងកូវីដ១៩ មានចំនួន២១៩នាក់ ស្រី៩២នាក់ ជាសះស្បើយ ១៦នាក់ ស្លាប់គ្មាន និងអ្នកកំពុងសម្រាកព្យាបាល២០៣នាក់ ស្រី១០២នាក់៕ អត្ថបទ៖ ងិន លីម
-
ព័ត៌មានអន្ដរជាតិ២ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ១ សប្តាហ៍ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
KPT+១ ថ្ងៃ ago
ខ្លះៗពីទិវាកុហក ១ មេសា ឬ April Fools’ Day
-
ព័ត៌មានជាតិ២ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ចរាចរណ៍៤ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ២ ថ្ងៃ ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល
-
ព័ត៌មានអន្ដរជាតិ១៥ ម៉ោង ago
អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
ព័ត៌មានអន្ដរជាតិ៧ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore