Connect with us

កូវីដ-១៩

យកសំណាកកម្មករក្រុមហ៊ុនចម្រាញ់រ៉ែមាស​ជាង៣០នាក់ រកឃើញវិជ្ជមានកូវីដម្នាក់

បានផុស

នៅ

អាជ្ញាធរខេត្តមណ្ឌលគិរី នៅថ្ងៃទី ២៩ ខែមិថុនា បានដឹកនាំក្រុមការងារចុះពិនិត្យ និងយក​សំណាក​ធ្វើតេស្តរហ័សលើកម្មកររបស់ក្រុមហ៊ុន រ៉ែមាស រ៉ឺនេសង់ មីនើរ៉ល ក្នុងស្រុកែវសីមា ខេត្តមណ្ឌលគិរី ជាង៣០នាក់ និងរកឃើញវិជ្ជមានកូវីដ១៩ម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស្វាយ សំអ៊ាង អភិបាល នៃគណៈអភិបាលខេត្ត និងជាប្រធានគណៈកម្មការប្រយុទ្ធនឹងជំងឺ១៩ ខេត្តមណ្ឌលគិរី បានដឹកនាំមន្រ្តីជំនាញ​នៃមន្ទីរសុខាភិបាល ចុះទៅតំបន់អូរខ្វាវចំណុច ព្រែកខ្លុង ស្ថិតនៅឃុំចុងផ្លាស់ ស្រុកកែវសីមា ខេត្តមណ្ឌលគិរី ដើម្បីត្រួតពិនិត្យ និងយកសំណាក់ធ្វើតេស្តរហ័សលើកម្មកររបស់ក្រុមហ៊ុន រ៉ែមាស រ៉ឺនេសង់ មីនើរ៉ល ដែលជួបផ្ទាល់ និងជួបប្រយោលជាមួយឈ្មោះ Kristt sanasuancma ជាជនជាតិថៃ ដែលវិជ្ជមានជំងឺកូវីដ១៩ កាលពីថ្ងៃទី១៨ ខែមិថុនា ឆ្នាំ២០២១នេះ។

លោក ស្វាយ សំអ៊ាង មានប្រសាសន៍ឱ្យដឹងថា ក្រោយពីមន្រ្តីជំនាញ នៃមន្ទីរសុខាភិបាល បានធ្វើតេស្ដរហ័ស ជាលទ្ធផល​មានអ្នកវិជ្ជមានជំងឺកូវីដ១៩ ចំនួន ១នាក់ និងអ្នកអវិជ្ជមានចំនួន ៣២នាក់ ហើយចំពោះអ្នករកឃើញវិជ្ជមានជំងឺកូវីដ១៩ មន្រ្តីជំនាញសុខាភិបាល​នឹងយកមក​ព្យាបាល​នៅមន្ទីរពេទ្យខេត្ត ចំពោះអ្នកអវិជ្ជមានត្រូវធ្វើចត្តាឡីស័ករយៈពេល ១៤ថ្ងៃ។

លោកអភិបាលខេត្តអំពាវនាវឱ្យប្រជាពលរដ្ឋដែលពាក់ព័ន្ធដោយផ្ទាល់ និងប្រយោលជាមួយ​អ្នកផ្ទុក​ជំងឺកូវីដ១៩ សូមទៅយកសំណាកនៅមន្ទីរពេទ្យបង្អែកខេត្ត ឬទីតាំងណាមួយ ដែលក្រុមគ្រូ​ពេទ្យ​បានកំណត់។

លោកអភិបាលខេត្ត ក៏ស្នើដល់នាយកក្រុមហ៊ុន រ៉ឺនេសង់ មីនើរ៉ល ត្រូវយកចិត្តទុកដាក់រៀប​ចំកន្លែង​ធ្វើចត្តាឡីស័កជូនកម្មករ ដើម្បីងាយស្រួលដល់អ្នកធ្វើចត្តាឡីស័ក ក្នុងករណីមានបញ្ហាកើត​ឡើង​ពាក់​ទៅនឹងជំងឺកូវីដ១៩ ងាយស្រួលបញ្ជូនទៅមន្ទីពេទ្យបានទាន់ពេលវេលា។

​ក្រុមហ៊ុន​រ៉ឺនេសង់ មីនើរ៉ល ខេម​បូឌា​(Renaissance Minerals Cambodia Limited)​  ទើបតែប្រកាស ​ប្រតិបត្តិការ​ចម្រាញ់​រ៉ែ​មាស​លើក​ដំបូង​របស់​ខ្លួនក្នុងស្រុក​កែវ​សីមា ខេត្ត​មណ្ឌលគិរី កាលពីថ្ងៃច័ន្ទសប្តាហ៍មុន។

រាជរដ្ឋាភិបាល​កម្ពុជា រំពឹង​ថា​នឹង​ទទួលបាន​ចំណូល​ពី​អាជីវកម្មចម្រាញ់រ៉ែមាស​ ​ប្រមាណ​៤០​លាន​ដុល្លារ​អាមេរិក​ក្នុង​មួយ​​ឆ្នាំ ខណៈមាស​សុទ្ធ​ជា​មធ្យម​ចំនួន​៣​តោន នឹង​ត្រូវ​បាន​ផលិត​ជា​រៀង​រាល់​ឆ្នាំ​នៅ​ក្នុង​ប្រតិបត្តិការ​រយៈ​ពេល​៨ឆ្នាំ​លើក​ដំបូង​៕ អត្ថបទ៖ ឡេង ដេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៩ នាទី មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ១ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ២ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៥ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ៥ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម