កូវីដ-១៩

ត្រឹម១សប្តាហ៍នេះ កម្ពុជាមានអ្នកឆ្លងជំងឺកូវីដ១៩ ជាង៦៦០០នាក់ និងស្លាប់ជិត២០០នាក់

បានផុស

៣ years មុន

នៅ

ថ្ងៃពុធ ៧ កក្កដា ២០២១

ដោយ

ត្រឹមតែ១សប្តាហ៍ចាប់ពីថ្ងៃទី០១រហូតដល់ថ្ងៃទី០៧ ខែកក្កដា ឆ្នាំ២០២១នេះ ប្រទេសកម្ពុជាមានអ្នកឆ្លងជំងឺកូវីដ១៩ ប្រមាណជាង៦៦០០នាក់ និងមានអ្នកស្លាប់ជិត២០០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រសួងសុខាភិបាលបានឱ្យដឹងថា រយៈពេល១សប្តាហ៍នេះអត្រាឆ្លងជំងឺកូវីដ១៩ នៅកម្ពុជាមានប្រមាណជិត១ពាន់នាក់ ក្នុង១ថ្ងៃៗ និងស្លាប់មានជាង២០នាក់ទៅជាង៣០នាក់ក្នុង១ថ្ងៃៗ។

ក្នុងនោះថ្ងៃទី០១កក្កដា មានអ្នកឆ្លងចំនួន៩៩៩នាក់ និងស្លាប់ចំនួន២៦នាក់ ថ្ងៃទី០២កក្កដា មានអ្នកឆ្លងចំនួន៩៦៦នាក់ និងស្លាប់៣២នាក់ ថ្ងៃទី០៣កក្កដា មានអ្នកឆ្លង៩៤៨នាក់ និងស្លាប់៣៦នាក់ ថ្ងៃទី០៤កក្កដា មានអ្នកឆ្លងចំនួន៩៩៣នាក់ និងស្លាប់២៤នាក់ ថ្ងៃទី០៥កក្កដា មានអ្នកឆ្លង៨៩៦នាក់ និងស្លាប់២៨នាក់ ថ្ងៃទី០៦កក្កដា មានអ្នកឆ្លងចំនួន៩៣៥នាក់ និងស្លាប់៣១នាក់និងថ្ងៃទី០៧កក្កដា មានអ្នកឆ្លងចំនួន៩៣៤នាក់ និងស្លាប់១៩នាក់។ បើគិតត្រឹមព្រឹក ថ្ងៃទី០៧ ខែកក្កដា ឆ្នាំ២០២១ កម្ពុជាមាន អ្នកឆ្លងជំងឺកូវីដ១៩ សរុប៥៧១០៣នាក់ អ្នកជាសះស្បើយចំនួន៤៨៩៧៤នាក់និង អ្នកស្លាប់ចំនួន៧៩៨នាក់។

គួរបញ្ជាក់ថា ប្រទេសកម្ពុជាបានឆ្លងជំងឺកូវីដ១៩ ជាលើកដំបូងនៅថ្ងៃទី២៧ ខែមករា ឆ្នាំ២០២០ទៅលើបុរសជនជាតិចិន១នាក់ នៅខេត្តព្រះសីហនុ។ ប៉ុន្តែមិនមានអ្នកស្លាប់ហើយក៏មិនមានឆ្លងជំងឺនេះច្រើនដែរ។ បន្ទាប់មកទៀតកម្ពុជា បានឆ្លងក្នុងសហគមន៍ចំនួន៣លើកក្នុងនោះទី១.ព្រឹត្តិការណ៍សហគមន៍៣វិច្ឆិកា ឆ្នាំ២០២០ ទី២.ព្រឹត្តិការណ៍សហគមន៍២៨វិច្ឆិកា ឆ្នាំ២០២០ និងទី៣ព្រឹត្តិការណ៍សហគមន៍២០កុម្ភៈ ទើបមានអ្នកស្លាប់ជាបន្តបន្ទាប់ហើយដែលរហូតមកដល់ពេលនេះនៅមិនទាន់បានបិទបញ្ចប់នៅឡើយទេ៕

អត្ថបទ៖ សំអឿន

Related Topics:កូវីដ-១៩