កូវីដ-១៩

ស្ថានអគ្គកុងស៊ុលកម្ពុជានៅទីក្រុងហូជីមិញ ប្រាប់ឲ្យពលរដ្ឋប្រុងប្រយ័ត្នចំពោះការរីក រាលដាលជំងឺកូវីដបម្លែងខ្លួនថ្មី

បានផុស

៣ years មុន

នៅ

ថ្ងៃសៅរ៍ ១០ កក្កដា ២០២១

ដោយ

ស្ថានអគ្គកុងស៊ុល នៃព្រះរាជាណាចក្រកម្ពុជាប្រចាំទីក្រុងហូជីមិញ បានជម្រាបជូនប្រជាពលរដ្ឋ សិក្ខាកាមនគរបាលជាតិ និងនិស្សិតកម្ពុជាទាំងអស់ ដែលមានវត្តមាននៅទីក្រុង ហូជីមិញ និងតាមបណ្តាខេត្តភាគខាងត្បូង វៀតណាម ឲ្យប្រយ័ត្នចំពោះជំងឺ Delta និង Delta Plus ដែលកំពុងរីករាលដាល។

ស្ថានអគ្គកុងស៊ុលបញ្ជាក់ថា យោងតាមអនុសាសន៍ណែនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងការចូលរួមទប់ស្កាត់ការីករាលដាលជំងឺកូវីដ-១៩ ចូលមកប្រទេសកម្ពុជា ស្ថានអគ្គកុងស៊ុលកម្ពុជា ស្នើឲ្យបង្កើនការប្រុងប្រយ័ត្នខ្ពស់បំផុតអំពីហានិភ័យនៃការចម្លងវីរុសកូវីដ-១៩ បំប្លែងថ្មី (Delta និង Delta Plus) ដោយកុំផ្លាស់ទីពីកន្លែងមួយទៅទីកន្លែងមួយទៀត ប្រសិនបើពុំមានការចាំបាច់ និងពន្យារពេលការធ្វើដំណើរវិលត្រឡប់មកប្រទេសកម្ពុជាវិញ ក្នុងអំឡុងពេលនេះ ព្រោះអាចបង្កហានិភ័យនៃការឆ្លងជំងឺក្នុងពេល និងអាចនាំយក់ជំងឺ កូវី៨-១៩ ចូលមកចម្លងក្នុងប្រទេសថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ថានអគ្គកុងស៊ិកកម្ពុជាក៏បានបញ្ជាក់ផងដែរអំពីអនុសាសន៍ដ៏ខ្ពង់ខ្ពស់របស់សម្តេចតេជោនាយករដ្ឋមន្ត្រី នៅក្នុងកិច្ចប្រជុំគណៈកម្មាធិការជាតិប្រយុទ្ធប្រឆាំងជំងឺកូវីង-១៩ តាមប្រព័ន្ធវីដេអូ កាលពីព្រឹកថ្ងៃទី ០១ ខែកក្កដា ឆ្នាំ២០២១ ដែលបានដាក់ចេញនូវយុទ្ធសាស្ត្រគន្លឹះចំនួន៦ ចំណុច ដើម្បីទប់ស្កាត់ការរីករាល ដាលនៃជំងឺកូវីដ-១៩។

ទន្ទឹមនេះ ស្ថានអគ្គកុងស៊ុលកម្ពុជា បានស្នើបងប្អូនទាំងអស់មេត្តាបង្កើនការប្រុង ប្រយ័ត្នខ្ពស់បំផុត ដោយពាក់ម៉ាស់ លាងដៃនឹងសាប៊ូ ឬទឹកលាងដៃកំចាត់មេរោគឲ្យបានញឹកញាប់ រក្សាគម្លាតសុវត្ថិភាព (២ម៉ែត្រ) និងត្រូវអនុវត្តវិធានសុខាភិបាល និងសារាចរណែនាំលេខ១៦ របស់រដ្ឋាភិបាលវៀតណាម ដាក់ឲ្យអនុវត្តនៅទីក្រុងហូជីមិញ ចាប់ពីថ្ងៃទី ០៩ ខែ កក្កដា ឆ្នាំ២០២១ (រយៈពេល ១៥ថ្ងៃ) ដើម្បីប្រយុទ្ធប្រឆាំងការីរករាលដាល នៃជំងឺ កូវីដ-១៩ ស្តីពីការហាមជួបជុំគ្នា លើស ពី ២នាក់ នៅទីសាធារណៈ ការហាមចេញពីផ្ទះក្នុងករណីមិនចាំបាច់ជាដើម ឲ្យបានខ្ជាប់ខ្ជួន និងម៉ឺងម៉ាត់បំផុត និងត្រៀមខ្លួនក្នុងការផ្តល់កិច្ចសហការជាមួយអាជ្ញាធរមានសមត្ថកិច្ច។

បើតាមស្ពានអគ្គកុងស៊ុល បើមានបញ្ហា សូមទាក់ទងតាមលេខទូរស័ព្ទ៖ (+84) 2838292751 និងលោក ព្រីង សុខ កុងស៊ុល ០៣៩ ៩៥៥៦៣៧៧៕

ដោយ ៖ កោះកែវ