កូវីដ-១៩
ខេត្តកណ្តាលមានអ្នកស្លាប់ដោយសារជំងឺកូវីដ-១៩ កើនដល់១១៧នាក់ អ្នកជំងឺជិត៩ពាន់នាក់
គិតត្រឹមព្រឹកថ្ងៃទី២០ ខែកក្កដា ឆ្នាំ២០២១នេះ ខេត្តកណ្តាលមានអ្នកស្លាប់ដោយសារជំងឺកូវីដ-១៩ ប្រមាណ១១៧នាក់ហើយក្នុងចំណោមអ្នកជំងឺសរុបជិត៩ពាន់នាក់។
លោក វេជ្ជបណ្ឌិត គួយប៊ុនធឿន ប្រធានមន្ទីរសុខាភិបាលខេត្តកណ្តាល បានមានប្រសាសន៍ថា ក្នុងចំណោមអ្នកស្លាប់ចំនួន១១៧នាក់ មានស្លាប់នៅតាមមន្ទីរពេទ្យប្រមាណជាង៦០នាក់ ហើយក្រៅពីនេះស្លាប់នៅតាមផ្ទះ ដូចជាមានអ្នកខ្លះឈឺស្លាប់នៅផ្ទះ ពេលគ្រូពេទ្យធ្វើតេស្តទើបរកឃើញមានផ្ទុកជំងឺកូវីដ-១៩ និងមានខ្លះទៀតជួបគ្រោះថ្នាក់ចរាចរណ៍ពេលធ្វើតេស្តឃើញកូវីដ-១៩។
លោក វេជ្ជបណ្ឌិតបានបន្តទៀតថា ចាប់តាំងពីមានផ្ទុះករណីជំងឺកូវីដ-១៩មក ខេត្តកណ្តាល បានរកឃើញអ្នកជំងឺកូវីដ-១៩ សរុបចំនួន ៨,៨៥០នាក់ ជាសះស្បើយចំនួន ៧,៥៨៧នាក់ និងស្លាប់សរុបចំនួន១១៧នាក់។
លោក វេជ្ជបណ្ឌិត បានបន្ថែមទៀតថា ចំពោះអ្នកដែលកំពុងធ្វើចត្តាឡីស័កនៅតាមមណ្ឌល ចំនួនជាង៤០០នាក់ និងធ្វើនៅតាមផ្ទះមានចំនួនជិត៥,០០០នាក់។ អ្នកត្រូវបញ្ចប់ធ្វើចត្តាឡីស័កនៅមណ្ឌលមានចំនួនជាង៨,៦០០នាក់ និងបញ្ចប់នៅតាមផ្ទះមានចំនួនជាង៤ម៉ឺននាក់។
គួរបញ្ជាក់ថា គិតត្រឹមព្រឹកថ្ងៃទី២០ ខែកក្កដា ឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ សរុបចំនួន៦៨,៧៩៦នាក់ អ្នកជាសះស្បើយចំនួន ៦១,០៣៩នាក់ និងស្លាប់១,១៤៩នាក់៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ