កូវីដ-១៩
លោកសុខ សម្បត្តិ លើកឡើងថា ក្នុងការឆ្លងរីករាលដាលនៃជំងឺកូវីដ-១៩ នេះខណ្ឌព្រែកព្នៅមិនត្រូវឲ្យមានក្លិបកម្សាន្ត និងខារ៉ាអូខេឡើយ
ភ្នំពេញ ៖ យោងស្ថានភាពនៃការឆ្លងរីករាលដាលនៃជំងឺកូវីដ-១៩ ក្នុងព្រឹត្តិការណ៍ “សហគមន៍ ២០-កុម្ភៈ” នៅមិនទាន់មានសភាពធូរស្រាលនៅឡើយ ពិសេសការរកឃើញនូវករណីវិជ្ជមានកូវីដ-១៩ ជាបន្តបន្ទាប់នៅក្នុងរាជធានីភ្នំពេញ និងតាមបណ្តាខេត្តនានា នាពេលបច្ចប្បន្ននេះ រដ្ឋបាលរាជធានីភ្នំពេញមិនទាន់អនុញ្ញាតិឲ្យមានការជួបជុំនៅតាមទីសាធារណៈនានាដែលមានសភាព អ៊ូអរ និងការជួបជុំមនុស្សច្រើន ជាពិសេសក្លិបកម្សាន្ត និងខារ៉ាអូខេនោះឡើយ។
ប្រជាពលរដ្ឋទាំងអស់ត្រូវអនុវត្តឲ្យបាននូវកាតព្វកិច្ចពាក់ម៉ាស រក្សាគម្លាតសុវត្ថិភាព គ្រប់ពេលដែលយើងចេញក្រៅផ្ទះក្នុងអំឡុងពេល នៃការឆ្លងរាលដាលនៃជំងឺកូវីដ-១៩ នេះ ទាំងនេះគឺជាការលើកឡើងរបស់លោកសុខ សម្បត្តិ អភិបាលនៃគណអភិបាលខណ្ឌព្រែកព្នៅ ក្នុងកិច្ចប្រជុំគណៈបញ្ជាឯកភាពខណ្ឌ នាព្រឹកថ្ងៃទី២២ ខែកក្កដា ឆ្នាំ២០២១ តាមរយៈការបញ្ជូនរូបភាព និងសម្លេង (Video Conference) ស្ដីពីការរឹតបន្តឹងអនុវត្តវិធានការរដ្ឋបាលរបស់រដ្ឋរាជធានីភ្នំពេញ ដែលមានការចូលរួមពីគណៈអភិបាល គណៈនាយក លោកអធិការ លោកមេបញ្ជាការ លោកប្រធានការិ.ទាំង១១ លោកចៅសង្កាត់ទាំង៥ និងលោកមេប៉ុស្តិ៍រដ្ឋបាលសង្កាត់ទាំង៥ផងដែរ។
លោកសុខ សម្បត្តិ បានលើកឡើងទៀតថា មន្ត្រីសាលាខណ្ឌ និងសង្កាត់ត្រូវចុះឃ្លាំមើលរៀងរាល់យប់ បើក្លិបកម្សាន្ត និងខារ៉ាអូខេ មិនព្រមស្តាប់តាមការណែនាំនេះត្រូវចុះបិទ និងដកសិទ្ធិមិនឲ្យប្រកបអាជីវកម្មតទៅឡើយ។ ចំណែកសង្កាត់ទាំង៥បើមានអ្នកជំងឺកូវីដព្យាបាលតាមផ្ទះត្រូវឡើងចំណុចទីតាំងឲ្យបានគ្រប់គ្នា ងាយស្រួលកាការពារ គ្រូពេទ្យយកថ្នាំទៅឲ្យ និងបើឈឺធ្ងន់ងាយស្រួលក្រុមគ្រូពេទ្យទៅយក ហើយក្រុមការងារយើងត្រូវមើលឲ្យមែនទែននៅផ្ទះដែលអ្នកជំងឺស្នាក់នៅក្នុងការព្យាបាល ផ្ទះខ្លះតូច មានមនុស្សស្នាក់នៅច្រើនគ្នាក៏ពិបាក ផ្ទះខ្លះទៀតធំតែអ្នកជំងឺឈឺធ្ងន់ក៏ពិបាកដែរ។
លោកបន្តថា ការងារសន្តិសុខសណ្តាប់ធ្នាប់ត្រូវរក្សាឲ្យបាននូវសុខសុវត្ថិភាពជូនប្រជាពលរដ្ឋ ពិសេសត្រូវបន្តពន្យល់ និងណែនាំឲ្យប្រជាពលរដ្ឋទាំងអស់ត្រូវអនុវត្តន៍ឱ្យបានខ្ជាប់ខ្ជួននូវវិធានការ ៣កុំ ៣ការពារ រួមនឹងកែប្រែទម្លាប់នៃការ រស់នៅសម្របតាមបិរបទនៃជំងឺកូវីដ-១៩ ដោយត្រូវអនុវត្តន៍វិធានការអនាម័យ តាមការណែនាំរបស់ក្រសួងសុខាភិបាល ប្រកបដោយស្មារតីទទួលខុសត្រូវខ្ពស់ ដើម្បីការពារក្រុមគ្រួសារ និងសហគមន៍ឱ្យជៀសផុតពី ជំងឺដ៏មហាប្រល័យនេះ៕
ដោយ ៖ ឧត្តរ៉ា
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore