កូវីដ-១៩
កុមារ១៩.៤០០នាក់នៅកោះកុង នឹងចាក់វ៉ាក់សាំងបង្ការកូវីដនៅខែសីហា ខាងមុខ
កោះកុង ៖ ប្រធានមន្ទីរសុខាភិបាលខេត្តកោះកុង បានបង្ហាញតួលេខកុមារដែលនឹងត្រូវចាក់វ៉ាក់សាំងបង្ការការពារជំងឺកូវីដនៅថ្ងៃទី១ ខែសីហា ខាងមុខ គឺមានប្រមាណ១៩.៤០០នាក់ ដោយមណ្ឌលចាក់វ៉ាក់សាំងធ្វើឡើងនៅតាមក្រុងស្រុកទាំង៧របស់ខេត្តមួយនេះ។
យ៉ាងហោចណាស់ ខេត្តកោះកុង ក៏កុមារា និងកុមារី គ្រប់អាយុចាប់ពី១២ដល់១៧ឆ្នាំ ចំនួន១៩.៤០០នាក់ដែរ ដែលត្រៀមទទួលវ៉ាក់សាំងបង្កជំងឺកូវីដ១៩ពីរាជរដ្ឋាភិបាលកម្ពុជានៅដើមខែសីហា ឆ្នាំ២០២១។ លោកវេជ្ជបណ្ឌិតទៅ ម៉ឹង ប្រធានមន្ទីរសុខាភិបាលខេត្តកោះកុង អះអាងនៅព្រឹកថ្ងៃទី២៧ ខែកក្កដា ថា ស្ថិតិកុមារដែលត្រូវចាក់វ៉ាក់សាំងបង្ការការពារជំងឺកូវីដស្រង់សរុបរួចរាល់ហើយ ដោយមន្ទីរផែនការជាអ្នកផ្តល់តួលេខឲ្យ។
លោកវេជ្ជបណ្ឌិត ទៅ ម៉ឹង បានពន្យល់ក្រោយការទទួលសម្ភារៈវេជ្ជសាស្ត្រពីលោកឧកញ៉ា លី យ៉ុងផាត់ អគ្គនាយកក្រុមហ៊ុនអលវ៉ាយភីគ្រុបថា ដំណើរការនៃការចាក់វ៉ាក់សាំងជូនកុមារនៅខេត្តកោះកុង នឹងប្រព្រឹត្តទៅតាមកាលវិភាគកំណត់គណៈកម្មការក្រសួងសុខាភិបាលតាមបណ្តាក្រុងស្រុកចំនួន៧ទូទាំងខេត្ត។ មិនថាតែនៅដាច់ស្រយោល ឬដែនកោះនោះទេ គឺធ្វើយ៉ាងណាកុមារទាំងនោះធានាបានការទទួលវ៉ាក់សាំងគ្រប់គ្នា។
ជំនួសមុខដល់អាណាព្យាបាលកុមារក្នុងខេត្ត គឺលោកស្រី មិថុនា ភូថង អភិបាលនៃគណៈអភិបាលខេត្តកោះកុង ក៏ សម្តែងនូវអំណរគុណយ៉ាងខ្លាំងបំផុតជូនចំពោះសម្តេចតេជោ ហ៊ុន សែន និងតំណាងក្រសួងស្ថាប័នពាក់ព័ន្ធដែលបានយកចិត្តទុកដាក់ខ្ពស់ពីសុវត្ថិភាពរស់នៅកុមារ ដោយមិនទុកឲ្យកុមារ ឬប្រជាពលរដ្ឋណាស្លាប់ដោយគ្មានវ៉ាក់សាំងនោះទេ។
លោកស្រីអភិបាលខេត្តកោះកុង ទទូចស្នើសុំដល់អាណាព្យាបាលទាំងអស់ត្រូវយកកូនទៅចាក់វ៉ាក់សាំង នេះឱ្យបានគ្រប់ៗគ្នា ព្រោះមានតែថ្នាំវ៉ាក់សាំងទេ ទើបជួយអាយុជីវិតបង្ការជំងឺមួយនេះយ៉ាងល្អប្រសើរ។ ដូច្នេះកុំមានការបារម្ភអំពីហានិភ័យនៃការចាក់វ៉ាក់សាំងឱ្យសោះ។
ទន្ទឹមនោះការត្រៀមចាក់វ៉ាក់សាំងដល់កុមារ នៅព្រឹកថ្ងៃ២៧ ខែកក្កដា គេសង្កេតឃើញមានគ្រូពេទ្យ និងអាជ្ញាធរសមត្ថកិច្ចខេត្តកោះកុង បន្តចុះយកសំណាកក្រុមអាជីវករ និងពលរដ្ឋរស់នៅជុំវិញផ្សារដងទង់ដើម្បីធ្វើតេស្តរហ័សស្វែងរកជំងឺកូវីដ១៩ ខណៈមានអ្នកជាប់ពាក់ព័ន្ធផ្ទាល់ និងប្រយោលជាច្រើននាក់។
ជាលទ្ធផលនៃដំណើរការធ្វើតេស្តរហ័សលើក្រុមអាជីវករ និងពលរដ្ឋនៅផ្សារដងទង់ មន្ត្រីជំនាញបានរកឃើញអ្នកវិជ្ជមានចំនួន២នាក់ ក្នុងចំណោមអ្នកមកធ្វើតេស្តសរុបប្រមាណ៩៤នាក់ បើចាប់ពីម៉ោង៨ព្រឹកដល់ម៉ោង១២រសៀល។ ក្រុមអ្នកដែលរកឃើញវិជ្ជមានកូវីដ១៩ នឹងត្រូវបញ្ចូនទៅព្យាបាលនៅអគារព្យាបាលស៊ូនឹង៕
អត្តបទ៖ សិរីវឌ្ឍនៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ