កូវីដ-១៩
អាជ្ញាធរខណ្ឌមានជ័យ និងក្រសួងការងារ រកឃើញ បុគ្គលិកធនាគារ៩នាក់ វិជ្ជមានកូវីដ-១៩
ភ្នំពេញ៖ នៅព្រឹកថ្ងៃទី២៨ ខែកក្កដា ឆ្នាំ២០២១ រដ្ឋបាលខណ្ឌមានជ័យ ដឹកនាំដោយ លោក ឌី រ័ត្នខេមរុណ អភិបាលរង ខណ្ឌមានជ័យ សហការជាមួយ លោក ទូច សុទ្ធមុត តំណាងក្រសួងការងារ និង បណ្តុះបណ្តាលវិជ្ជាជីវៈ បានដឹកនាំក្រុមការងារបច្ចេកទេសចម្រុះចុះមកពិនិត្យ និងវាយតម្លៃ ធនាគារហ្វីលីព ភីអិលស៊ី (Phillip Bank) ដោយ អាជ្ញាធរខណ្ឌមានជ័យ និងក្រសួងការងារ ចុះពិនិត្យ និងរកឃើញ បុគ្គលិកធនាគារ៩នាក់ វិជ្ជមានកូវីដ-១៩ ។
យោងតាមសេចក្តីណែនាំរួម លេខ០៤៥/២១ កប/ស.ណ.ខ.ល ចុះថ្ងៃទី០៦ ខែឧសភា ឆ្នាំ២០២១ ស្តីពីលក្ខណៈវិនិច្ឆ័យក្នុងការផ្អាក និងបើកឡើងវិញ នូវសកម្មភាពអាជីវកម្ម ផលិតកម្ម ដោយវិធានការរដ្ឋបាល ដើម្បីទប់ស្កាត់ការរីករាលដាលជំងឺកូវីដ-១៩ និងវិធានការចាំបាច់ពេលបើកដំណើរការឡើងវិញ។
ក្នុងឱកាសនោះ លោក ឌី រ័ត្នខេមរុណ អភិបាលរង ខណ្ឌមានជ័យ បានបញ្ជាក់ថា ធនាគារហ្វីលីព ភីអិលស៊ី (Phillip Bank) ដែលមានទីតាំងអគារលេខ៦បេ និង៧បេ ស្ថិតនៅផ្លូវ២១៧ ភូមិដំណាក់ធំ១ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ បុគ្គលិក សរុប ចំនួន ១៥នាក់ ស្រី ០៩នាក់ ក្នុងនោះដែរ រកឃើញអ្នកវិជ្ជមាន មេរោគ កូវីដ-១៩ ចំនួន ០៩ នាក់ ស្រី ០៤ នាក់ នៃបុគ្គលិកសរុប ហើយអ្នកប៉ះពាល់ផ្ទាល់ ០៣នាក់ និងអ្នកប៉ះពាល់ប្រយោល ០៥នាក់។
ក្រោយពីការពិនិត្យ និងវាយតម្លៃ ក្នុងការទប់ស្កាត់កុំឱ្យរាលដាលក្នុង ខណ្ឌមានជ័យ លោក អភិបាលរង បានណែនាំឱ្យធនាគារបាញ់ថ្នាំសម្លាប់មេរោគនៅក្នុងទីតាំង និង ផ្សព្វផ្សាយឱ្យអ្នកប៉ះពាល់ផ្ទាល់ និង អ្នកប៉ះពាល់ប្រយោល បើសិនមានអាការៈសង្ស័យ ចេញទៅយកសំណាកដែលអាជ្ញាធរខណ្ឌបានរៀបចំជូន។
បន្ទាប់មក លោក ឌី រ័ត្នខេមរុណ អភិបាលរង ខណ្ឌមានជ័យ អំពាវនាវដល់បុគ្គលិក ដែលមានការពាក់ព័ន្ធជាមួយអ្នកវិជ្ជមាន មេរោគ កូវីដ-១៩ ទាំងអស់ ត្រូវនៅដាច់ដោយឡែក រយៈពេល ១៤ថ្ងៃ និងបន្តអនុវត្ត នូវវិធានការ សុខាភិបាល និង វិធានការ ៣ការពារ និង ៣កុំ និង ២ចូលរួម របស់រាជរដ្ឋាភិបាល ឱ្យបានខ្ជាប់ខ្ជួនទើបសហគមន៍ឆ្លងផុតពីកូវីដ-១៩៕
អត្ថបទ៖ នរា
-
ព័ត៌មានជាតិ២១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ