កូវីដ-១៩
សពដោយកូវីដ-១៩ គ្មានកន្លែងបូជា សុំបូជាសពនៅស្រុកស្រែអំបិល អាជ្ញាធរបដិសេធ
កោះកុង៖ ស្រ្តីវ័យចំណាស់ម្នាក់ រស់នៅភូមិថ្មស ឃុំថ្មស ស្រុកបទុមសាគរ ខេត្តកោះកុង បានស្លាប់ដោយសារជំងឺកូវីដ-១៩ ខណៈទីតាំងបូជាសពក្នុងមូលដ្ឋាននៅពុំទាន់សាងសង់រួចរាល់ជាស្ថាពរនៅឡើយ រដ្ឋបាលស្រុកបានស្នើសុំទីតាំងបូជាសពនៅស្រុកស្រែអំបិលដែលបានសង់រួចរាល់ជាស្ថាពរដើម្បីបូជាសពអ្នកកើតកូវីដ-១៩ ប៉ុន្តែអាជ្ញាធរស្រុកស្រែអំបិលបដិសេធមិនទទួលយល់ព្រម ទោះបីខាងរដ្ឋបាលស្រុកបទុមសាគរធានាចេញថ្លៃសាហ៊ុយគ្រប់បែបយ៉ាងក៏ដោយ។
លោក ហាក់ ឡេង អភិបាលស្រុកបទុមសាគរ បញ្ជាក់ឱ្យដឹងនៅរសៀលថ្ងៃទី១ ខែសីហា ឆ្នាំ២០២១ ថាការស្លាប់ស្រ្តីខាងលើគឺបណ្តាលមកពីអាការៈសុខភាពរបស់គាត់ធ្វើទុក្ខខ្លាំងយ៉ាងរហ័សពេក ទើបក្រុមការងារសង្គ្រោះបន្ទាន់នៅក្នុងមណ្ឌលព្យាបាលកម្រិតស្រាលវិទ្យាល័យថ្មស ដឹកបញ្ជូនបន្តទៅមណ្ឌលព្យាបាលកម្រិតធ្ងន់ នៅមន្ទីរពេទ្យបង្អែកស្រែអំបិលមិនទាន់ ហើយអ្នកជំងឺបានផុតដង្ហើមនៅពាក់កណ្ដាលផ្លូវ។ ស្រ្តីដែលស្លាប់នេះឈ្មោះ អិន ចិន អាយុ៧០ឆ្នាំ តាមព័ត៌មាន សពនេះកំពុងជួបបញ្ហាគ្មានកន្លែងបូជា ខណៈទីតាំងបូជាសពក្នុងមូលដ្ឋាននៅពុំទាន់សាងសង់រួចរាល់ជាស្ថាពរនៅឡើយ។
លោក ហាក់ ឡេង បានថ្លែងឱ្យដឹងទៀតថា ដោយសារអ្នកជំងឺបានស្លាប់នៅតាមផ្លូវក្នុងភូមិសាស្រ្តស្រុកស្រែអំបិល ហើយដោយកន្លែងបូជាសពអ្នកស្លាប់ដោយសារកូវីដនៅក្នុងស្រុកបទុមសាគរមិនទាន់សាងសង់រួច លោកបានស្នើសុំទីតាំងបូជាសពនៅស្រុកស្រែអំបិលដែលបានសង់រួចរាល់ជាស្ថាពរអាចប្រើប្រាស់បានតាមតម្រូវការ។ ប៉ុន្តែអាជ្ញាធរស្រុកស្រែអំបិលបដិសេធមិនទទួលយល់ព្រមឱ្យដឹកសពអ្នកស្លាប់ទៅបូជានៅទីនោះទេ បើទោះបីជាខាងរដ្ឋបាលស្រុកបទុមសាគរធានាចេញថ្លៃសាហ៊ុយគ្រប់បែបយ៉ាង។
លោកអភិបាលស្រុកបទុមសាគរបន្តថា គ្រប់បញ្ហាត្រូវបានដោះស្រាយតាមសភាពការណ៍ជាក់ស្តែងខណៈទីតាំងបូជាសពក្នុងមូលដ្ឋាននៅពុំទាន់សាងសង់រួចរាល់សម្រាប់បូជាសព ហើយគណៈកម្មការរៀបចំការសាងសង់ទីតាំងបូជាសពអ្នកស្លាប់ដោយសារជំងឺកូវីដ-១៩ មានការសាងសង់យឺតយ៉ាវទៀត។
ចំណេកលោក ឃឹម ច័ន្ទឌី អភិបាលរងខេត្ត និងជាប្រធានគណៈកម្មការរៀបចំបូជាសពអ្នកស្លាប់ដោយសារកូវីដខេត្តមិនអាចសុំការពន្យល់បានជុំវិញការងារសាងសង់ឡបូជានៅឃុំជីត្រេះ ក្នុងស្រុកបទុមសាគរ៕
អត្ថបទ៖ ណារី
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ