កុមារីអាយុ ៧ ឆ្នាំ ឆ្លងវីរុសដូវីដ Delta គ្រូពេទ្យចុះយកសំណាកអ្នកពាក់ព័ន្ធ ៧០ នាក់ទាំង​យប់

អាជ្ញាធរខណ្ឌមានជ័យបានឱ្យដឹងថា ក្រុមគ្រូពេទ្យស្ម័គ្រចិត្តសម្តេចតេជោ TYDA បានចុះយកសំណាក លើក​ទី១ ដោយតេស្តរហ័ស ទៅលើមនុស្ស ៧០ នាក់ ពាក់ព័ន្ធជាមួយកុមរី កៅ ចន្ធូ អាយុ ៧ ឆ្នាំ ឆ្លងកូវីដ១៩ បំប្លែងថ្មី (Delta) នៅចំណុចផ្ទះលេខ ២៣៦ ផ្លូវលេខ៣៥ ភូមិព្រែកតាឡុង២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។ ពេលនេះ កុមារីរូបនេះ កំពុងសម្រាកព្យាបាលនៅវិទ្យាល័យ ជាស៊ីម សាមគ្គី។

ជាលទ្ធផលរកឃើញបុរសអាយុ ៣៥ ឆ្នាំ ម្នាក់មានវិជ្ជមានកូវីដ១៩ ក្នុងចំណោមអ្នកធ្វើតេស្ត ៧០ នាក់ ហើយបានដឹកទៅព្យាបាលនៅមង្គលឧត្តម។

ទីតាំងខាងលើត្រូវបានធ្វើការហ៊ុមព័ទ្ធខ្សែ ហាមចេញចូល បិទសងខាងផ្លូវ និងណែនាំពួកគាត់ឱ្យធ្វើចត្តា​ឡីស័ក​​​តាមការណែនាំរបស់គ្រូពេទ្យ ដើម្បីរង់ចាំលទ្ធផល៧២ម៉ោង ពីវិទ្យាស្ថានប៉ាស័្ទរ ការយកសំណាក​បាន​ចប់​នៅវេលាម៉ោង២១:០០នាទី៕

ដោយ៖ នរា