ស្ត្រីមានផ្ទៃពោះ និងកុមារនៅតែទទួលបានអាទីភាពទី១ ចំពោះសាច់ប្រាក់ពីរាជរដ្ឋាភិបាល

ទោះបីសម័យកូវីដ១៩កំពុងតែរាតត្បាតយ៉ាងណាក្តី ចំពោះសកម្មភាពប្រចាំថ្ងៃ«CTP»នៃការទទួលផលរបស់ស្រ្តីមានផ្ទៃពោះ និងកុមារអាយុក្រោម២ឆ្នាំនៅតែទទួលបានសិទ្ធិអាទិភាពទី១ដដែលរនៅក្នុងកម្មវិធីឧបត្ថម្ភសាច់ប្រាក់រាជរដ្ឋាភិបាល។ អាទិភាពនេះធ្វើឡើងដោយការចុះឈ្មោះថ្មីនៅតាមឃុំ សង្កាត់ និងការពិនិត្យសុខភាពនៅតាមមន្ទីរពេទ្យរដ្ឋនៅទូទាំងប្រទេសកម្ពុជាមិនមានការផ្អាកដំណើរការឡើយ ។
នេះគឺជាការផ្សព្វផ្សាយបន្តពីនាយកដ្ឋានសុខុមាលភាពសង្គមនៃក្រសួងសង្គមកិច្ចអតីតយុទ្ធជននិងយុវនីតិសម្បទានូវសកម្មភាពដែលជាកម្មវិធីអាទិភាព១របស់រាជរដ្ឋាភិបាលក្នុងនីតិកាលទី៦នេះ ដើម្បីជាការវិនិយោគរយ:ពេលវែងលើធនធានមនុស្សរបស់កម្ពុជា និងការ កាត់បន្ថយអត្រាមរណ:ភាពមាតា និងទារក ។

ផ្អែកតាមក្របខណ្ឌគោលនយោបាយជាតិគាំពារសង្គមជាប្រចាំថ្ងៃ របស់នាយកដ្ឋានសុខុមាលភាពសង្គមសម្រាប់ឆ្នាំ(២០១ ៦-២០២៥) ដែលរាជរដ្ឋាភិបាលបានផ្ទេរការអនុវត្តកម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារអាយុក្រោម២ឆ្នាំ ពីក្រសួងសុខាភិបាលទៅក្រសួងសង្គមកិច្ច អតីតយុទ្ធជន និងយុវនិតិសម្បទា ដើម្បីគ្រប់គ្រង និងអនុវត្តឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារអាយុក្រោម ២ឆ្នាំ តាំងពីដើមឆ្នាំ២០២០មកម្លេះរហូតពេលនេះដោយមិនមានការផ្អសកដំណើរការឡើយ។

កម្មវិធីនេះ ត្រូវបានប្រើប្រាស់យន្តការអនុវត្តជាលក្ខណៈអន្តរស្ថាប័ន ដែលមានការចូលរួមពីក្រសួង ស្ថាប័នទាំងនៅថ្នាក់ជាតិ និងថ្នាក់ក្រោមជាតិ ដែលក្នុងនោះនៅថ្នាក់ជាតិមានក្រសួងសង្គមកិច្ច អតីតយុទ្ធជន និងយុវនីតិសម្បទា ក្រសួ ងមហាផ្ទៃ ក្រសួងសុខាភិបាល ក្រសួងសេដ្ឋកិច្ច និងហិរញ្ញវត្ថុ ក្រសួងផែនការ និងអគ្គលេខាធិការដ្ឋាននៃក្រុមប្រឹក្សាជាតិគាំពារសង្គម។ នៅថ្នាក់រាជធានី ខេត្ត មានរដ្ឋបាលរាជធានី ខេត្ត មន្ទីរសង្គមកិច្ច អតីតយុទ្ធជន និងយុវនិតិសម្បទា និងមន្ទីរសុខាភិបាលរាជធានី ខេត្ត និងនៅថ្នាក់ឃុំ សង្កាត់ មានរដ្ឋបាលឃុំ សង្កាត់ និងមូលដ្ឋានសុខាភិបាលសាធារណៈតែម្តង៕

អត្ថបទ៖ វិមាន