ខេត្តកណ្តាលមានកម្មករឆ្លងជំងឺកូវីដ-១៩ ជាង២ពាន់នាក់ និងអ្នកពាក់ព័ន្ធជាង៨ពាន់នាក់
Connect with us
Helistar Cambodia - Helicopter Charter Services

កូវីដ-១៩

ខេត្តកណ្តាលមានកម្មករឆ្លងជំងឺកូវីដ-១៩ ជាង២ពាន់នាក់ និងអ្នកពាក់ព័ន្ធជាង៨ពាន់នាក់

បានផុស

នៅ

ប្រធានមន្ទីរការងារ និងបណ្តុះបណ្តាលវិជ្ជាជីវៈ ខេត្តកណ្តាល បានឱ្យដឹងថា រហូតមកដល់ពេលនេះ ខេត្តកណ្តាលមានកម្មករនិយោជិតប្រមាណជាង២ពាន់នាក់បានឆ្លងជំងឺកូវីដ-១៩ និងមានអ្នកពាក់ព័ន្ឌដោយផ្ទាល់ និងប្រយោលប្រមាណជាង៨ពាន់នាក់ បណ្តាលឱ្យបិទអាជីវកម្ម និងផលិតកម្មរយៈពេលខ្លីៗពី ២ថ្ងៃដល់១៤ថ្ងៃដើម្បីទប់ស្កាត់ការឆ្លងរាលដាលជំងឺកូវីដ-១៩។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមផេកហ្វេប៊ុកផ្លូវការរបស់សាលាខេត្តកណ្តាលដែលបង្ហោះនៅថ្ងៃទី២៥ ខែកញ្ញានេះ លោក ធុល នាង ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តកណ្តាល បានបន្តថា ក្រោយពីទទួលបានព័ត៌មានពាក់ព័ន្ធនឹងការឆ្លងរាលដាលជំងឺកូវីដ-១៩ នៅតាមរោងចក្រ សហគ្រាស គ្រឹះស្ថាន ដែលមានកម្មករ និយោជិតកំពុងបម្រើការងារ ហើយមានវិជ្ជមានជំងឺកូវីដ-១៩ មន្ទីរបានចាត់ តាំងមន្ត្រីជួរមុខជាបន្ទាន់ ដែលមានជំនាញចុះទៅធ្វើការអង្កេតស្រាវជ្រាវកំណត់មុខសញ្ញា ចំពោះអ្នកពាក់ព័ន្ធផ្ទាល់ និងប្រយោល ដើម្បីធ្វើការវាយតម្លៃលើលក្ខណៈវិនិច្ឆ័យក្នុងការផ្អាកដំណើរការសកម្មភាពអាជីវកម្ម/ផលិតកម្ម ទាំងស្រុង ឬផ្នែកខ្លះរបស់រោងចក្រ សហគ្រាស ចំនួន ០២ថ្ងៃ និងចំនួន ១៤ថ្ងៃ ឬបើកឱ្យដំណើរការឡើងវិញ នូវរោងចក្រ សហគ្រាសទាំងនោះ ដោយគោរពស្នើសុំគោលការណ៍ និងសេចក្ដីសម្រេចពី លោកអភិបាលនៃគណៈអភិបាលខេត្ត និងជាប្រធាន-អនុគណៈកម្មការទប់ស្កាត់ជំងឺកូវីដ-១៩ ថ្នាក់ខេត្ត។

លោកបានបន្ថែមថា ជាលទ្ធផលមានរោងចក្រ សហគ្រាស ដែលត្រូវបានផ្អាកសកម្មភាពអាជីវកម្ម ផលិតកម្មរយៈពេល ០២ថ្ងៃ មានចំនួន ២៥ រោងចក្រ-សហគ្រាស មានកម្មករនិយោជិកមានវិជ្ជមានកូវីដ-១៩ចំនួន ២៣៣នាក់ និងមានអ្នកពាក់ព័ន្ធផ្ទាល់ និងប្រយោលចំនួន ១,៨៩៤នាក់ លើកម្មករនិយោជិតសរុបចំនួន ២៣,៧៦០នាក់ ស្រីចំនួន​១៦,៧៥៥នាក់។

ចំណែករោងចក្រ សហគ្រាស ដែលត្រូវបានផ្អាកសកម្មភាពអាជីវកម្ម/ផលិតកម្មរយៈពេល ១៤ ថ្ងៃមានចំនួន ៥៧រោងចក្រ សហគ្រាស មានកម្មករនិយោជិតមានវិជ្ជមានកូវីដ-១៩ចំនួន ១,៩៥២នាក់ និងមានអ្នកពាក់ព័ន្ធផ្ទាល់ និងប្រយោលចំនួន ៦,១១៧នាក់ លើកម្មករនិយោជិតសរុបចំនួន ៧៩,២៣៤នាក់ ស្រីចំនួន ៥៧,៩១៦នាក់។

លោកបានបញ្ជាក់ថា សរុបរោងចក្រសហគ្រាសដែលត្រូវបានផ្អាកសកម្មភាពអាជីវកម្ម/ផលិតកម្មរយៈពេល ០២ថ្ងៃ និង ១៤ថ្ងៃ មានចំនួន ៧២រោងចក្រ សហគ្រាស និងចំនួន ៨២លើក ក្នុងនោះកម្មករនិយោជិតមានវិជ្ជមានកូវីដ-១៩ ចំនួន ២,១៨៥នាក់ និងមានអ្នកពាក់ព័ន្ធផ្ទាល់ និងប្រយោលចំនួន ៨,០១១នាក់ លើកម្មករនិយោជិតសរុបចំនួន ១០២,៩៩៤នាក់ ស្រីចំនួន ៧៤,៦៧១នាក់។

លោក គង់ សោភ័ណ្ឌ អភិបាល នៃគណអភិបាលខេត្តកណ្តាល ដែលបានអញ្ជើញជួបសំណេះសំណាលជាមួយក្រុមមន្ត្រីជួរមុខ នៃមន្ទីរការងារ និងបណ្តុះបណ្តាលវិជ្ជាជីវៈខេត្ត ដែលបំពេញការងារគ្រប់គ្រងទប់ស្កាត់ការឆ្លងជំងឺកូវីដ-១៩ តាមបណ្តារោងចក្រ សហគ្រាស ក្នុងមូលដ្ឋានខេត្តកណ្តាល កាលពីថ្ងៃទី២៤ ខែកញ្ញា បានរំលឹកថា ក្នុងកាលៈទេសៈបច្ចុប្បន្នដែលប្រទេសជាតិកំពុងនៅបន្តប្រឈមនឹងវិបត្តិសកលនៃជំងឺកូវីដ-១៩ ដែលមានផលប៉ះពាល់ធ្ងន់ធ្ងរខាងសេដ្ឋកិច្ចសង្គម រដ្ឋបាលខេត្ត អាជ្ញាធរ និងសមត្ថកិច្ចគ្រប់លំដាប់ថ្នាក់ក្នុងខេត្ត ពិសេសមន្ទីរការងារ និងបណ្តុះបណ្តាលវិជ្ជាជីវៈ ត្រូវធ្វើគំរូក្នុងការចូលរួមប្រយុទ្ធប្រឆាំងជំងឺកូវីដ-១៩ តាមរយៈការអនុវត្តការងារប្រកបដោយប្រសិទ្ធភាពក្នុងស្មារតីទទួលខុសត្រូវខ្ពស់។

លោកអភិបាលខេត្តបានណែនាំដល់ មន្ទីរការងារ និងបណ្តុះបណ្តាលវិជ្ជាជីវៈ ត្រូវបន្តពង្រឹងសមត្ថភាពមន្រ្តីរបស់ខ្លួន ដើម្បីបំពេញនូវតម្រូវការ ការងារបច្ចុប្បន្នឱ្យមានភាពល្អប្រសើរបន្ថែមទៀត និងបន្តពង្រឹងទំនាក់ទំនងយ៉ាងជិតស្និតលើការងារផ្តល់សេវាសាធារណៈ ជូនប្រជាពលរដ្ឋយ៉ាងមានប្រសិទ្ធភាពខ្ពស់៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

អាវុធហត្ថ​រាជធានី​អរគុណ​សប្បុរសជន​ដែល​ផ្ដល់​ស្បៀង​ដល់​អាវុធហត្ថ​ក្នុង​យុទ្ធនាការ​រ​ប្រឆាំង​កូ​វីដ​-១៩​និង​សង្គ្រោះ​ពលរដ្ឋ​រងគ្រោះ​ដោយ​ទឹកជំនន់​

ព័ត៌មានជាតិ៦ ម៉ោង មុន

លោក ម៉ៅ ធនិន សន្យា​រៀប​ចំ​ប្រព័ន្ធ​លូ​បង្ហូរទឹក​កខ្វក់​នៅ​ផ្សារ​កំពង់ត្រាច ដើម្បី​បញ្ចៀស​ការ​ជន់​លិច​និង​ក្លិន​ស្អុយ

ព័ត៌មានជាតិ៦ ម៉ោង មុន

បេសកកម្ម​ក្នុង​ការ​ទប់ស្កាត់​ទឹកជំនន់​សណ្តរ​ស្ទឹង​ព្រែក​ត្នោត ទទួល​បាន​លទ្ធផល​ជោគជ័យ អភិបាល​រាជធានី ថ្លែង​ការ​អរគុណ​និង​លើកទឹកចិត្ត កម្លាំង​ដែល​ចូលរួម

ព័ត៌មានជាតិ៦ ម៉ោង មុន

សេចក្តីព្រាងច្បាប់ ដើម្បី​បង្កើត​ស្ថាប័ន​សិទ្ធិ​មនុស្សជាតិ ក្រោម​ដៃ​អង្គការ​សង្គម​ស៊ីវិល​រយៈពេល​១៥​ឆ្នាំ​អត់​ចេញ​ជា​រូបរាង

ព័ត៌មានជាតិ៧ ម៉ោង មុន

គ្រែ​ពេទ្យ​សម្រាក​ព្យាបាល​អ្នក​ជំងឺ​ចំនួន​៦គ្រឿង​ តម្លៃ​ស្មើ​ជាង​៦.០០០​ដុល្លារ​របស់​ក្រុមហ៊ុន​កាស៊ីណូ ដាយ​មិ​ន​ស៊ី​ធី ធ្វើការ​ឧបត្ថម្ភ​ដល់​អង្គភាព​អាវុធហត្ថ

Sokha Hotels

ព័ត៌មានពេញនិយម

Helistar Cambodia - Helicopter Charter Services