កូវីដ-១៩
រដ្ឋបាលស្រុកកំរៀង ចុះបិទខ្ទប់ ភូមិតាំងយូ បន្ទាប់រកឃើញអ្នកវិជ្ជមានកូវីដ-១៩ ៣៤ នាក់
រដ្ឋបាលស្រុកកំរៀង រួមនឹងក្រុមគ្រូពេទ្យ បានសម្រេចធ្វើការបិទខ្ទប់ ភូមិតាំងយូ មួយចំហៀងជាបណ្តោះអាសន្នសិន បន្ទាប់ពីបានរកឃើញ អ្នកផ្ទុកជំងឺកូវីដ-១៩ ជាង ៣០ នាក់ នៅល្ងាចថ្ងៃទី២៧ ខែកញ្ញា ឆ្នាំ២០២១ នេះ។
តាមការរៀបរាប់ពីលោក សុខ ចន្ថា មេភូមិតាំងយូ ដែលស្ថិតក្នុងឃុំអូរដា ស្រុកកំរៀង ខេត្តបាត់ដំបង បានបញ្ជាក់ថា កាលពីថ្ងៃទី២២ ខែកញ្ញាកន្លងទៅថ្មីៗនេះ មានគ្រួសាររបស់ប្រជាពលរដ្ឋមួយ ដែលរស់នៅភូមិតាំងយូ បានទៅសួរសុខទុក្ខកូន ដែលមានផ្ទុកជំងឺកូវីដ-១៩ នៅឯខេត្តបាត់ដំបង។
លោកមេភូមិតាំងយូ បានបន្តថា នៅពេលត្រឡប់មកវិញ ក្រុមសាច់ញាតិ និងបងប្អូនបានមកសួរសុខទុក្ខបន្តគ្នា ដើម្បីចង់ដឹងពីអការៈអ្នកជំងឺ។ ប៉ុន្តែក្រោយពេលត្រឡប់ទៅផ្ទះវិញ ក៏ស្រាប់តែមានការឈឺបំពង់ក ស្រៀវស្រាញ ទើបលោកមេភូមិបានចាត់បញ្ជូនឱ្យទៅពិនិត្យសំណាកមនុស្សចំនួន ៨ នាក់ដំបូង។ ជាលទ្ធផលគឺមានវិជ្ជមានទាំង ៨ នាក់ ក៏មានការភ្ញាក់ផ្អើលតែម្តង។
នៅល្ងាចថ្ងៃទី២៧ ខែកញ្ញានេះដែរ ការយកសំណាកទៅលើប្រជាពលរដ្ឋចំនួន ១០៨ នាក់ មានស្រី ៦៤ នាក់ បានរកឃើញអ្នកវិជ្ជមានកូវីដ-១៩ ចំនួន ៣៤ នាក់ ក្នុងនោះស្រី ១៧ នាក់ ដែលតម្រូវឱ្យអាជ្ញាធរធ្វើការបិទខ្ទប់ភូមិតាំងយូមួយចំហៀង ប៉ែកខាងកើត ជាប់ភូមិសាមសិប ជាបណ្តោះអាសន្ន ដោយរង់ចាំការចុះពិនិត្យ និងតាមដានការយកសំណាកទៅពិនិត្យបន្ថែមទៀត៕
អត្ថបទ៖ សោ និយមរ័ត្ន
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ