២ថ្ងៃធ្វើតេស្តគ្រូបង្រៀនជិត ៦ពាន់នាក់ រកឃើញវិជ្ជមានជំងឺកូវីដ-១៩ ជាង ១០នាក់
Connect with us
Helistar Cambodia - Helicopter Charter Services

កូវីដ-១៩

២ថ្ងៃធ្វើតេស្តគ្រូបង្រៀនជិត ៦ពាន់នាក់ រកឃើញវិជ្ជមានជំងឺកូវីដ-១៩ ជាង ១០នាក់

បានផុស

នៅ

ក្នុងរយៈពេល២ថ្ងៃនេះ ក្រុមការងារបានធ្វើតេស្តរកជំងឺកូវីដ-១៩ ទៅលើគ្រូបង្រៀនប្រមាណជិត ៦ពាន់នាក់ ដោយលទ្ធផលរកឃើញមានវិជ្ជមានជំងឺកូវីដ-១៩ ជាង ១០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡា បានឱ្យដឹងនៅល្ងាចថ្ងៃទី៩ ខែតុលានេះថា រយៈពេលពេល២ថ្ងៃ គឺចាប់ពីថ្ងៃទី៨ និងថ្ងៃទី៩ ខែតុលានេះ ក្រុមការងារបានធ្វើតេស្តរកជំងឺកូវីដ-១៩ ដល់លោកគ្រូអ្នកគ្រូប្រមាណជិត៦ពាន់នាក់ ក្នុងនោះបានរកឃើញវិជ្ជមានជំងឺកូវីដ-១៩ ចំនួន ១១នាក់ ហើយលោកគ្រូអ្នកគ្រូដែលនៅសល់ជាង ១ពាន់នាក់ទៀត ត្រូវមកធ្វើតេស្តនៅថ្ងៃច័ន្ទសប្តាហ៍ក្រោយ។

លោកបានបន្តថា ក្នុងចំណោមអ្នកជំងឺ ១១ នាក់ មាន ១០ នាក់បានស្ម័គ្រចិត្តព្យាបាលជំងឺនៅតាមផ្ទះ និង ១ នាក់ទៀតបានបញ្ជួនទៅព្យាបាលជំងឺនៅតាមមណ្ឌលព្យាបាល ដោយសារគាត់មានបញ្ហាជំងឺផ្ទាល់ខ្លួន។ លោកបានបន្តទៀតថា ចំពោះអ្នកគ្រូលោកគ្រូដែលនៅមិនទាន់បានធ្វើតេស្ត ដោយសារពួកគាត់ទៅលេងស្រុកកំណើតនៅក្នុងពិធីបុណ្យភ្ជុំបិណ្ឌនៅមិនទាន់បានវិលត្រឡប់មកវិញនៅឡើយទេ ព្រោះថាពួកគាត់មិនត្រូវថ្ងៃដែលត្រូវបង្រៀន។

យ៉ាងណាក៏ដោយ លោកប្រធានមន្ទីរបានបន្ថែមថា ពួកគាត់នឹងត្រូវធ្វើតេស្តនៅថ្ងៃច័ន្ទដើមសប្តាហ៍ក្រោយនេះ ដោយមុននឹងចូលបង្រៀន ត្រូវធ្វើតេស្តជាមុនសិន។ បើរកឃើញមានវិជ្ជមាន បុគ្គលិកសុខាភិបាលនឹងបញ្ជួនគាត់ទៅព្យាបាលតាមផ្ទះ ឬតាមមណ្ឌលព្យាបាលនានាទៅតាមស្ថានភាពជំងឺជាក់ស្តែង។

លោក ហែម ស៊ីណារ៉េត បានឱ្យដឹងទៀតថា សាលារាជធានីភ្នំពេញបានផ្តល់ឧបករណ៍តេស្តចំនួន ៧,៣០០ តេស្តសម្រាប់ធ្វើតេស្តដល់គ្រូ ចាប់ពីថ្នាក់ទី៧ ដល់ទី១២ ចំនួន ៧,០០០ នាក់ មុនអនុញ្ញាតឱ្យពួកគាត់ចូលបង្រៀន។ ចំណែកសាលាឯកជនក៏តម្រូវធ្វើតេស្តដល់គ្រូដែរ តែសាលានីមួយៗត្រូវទិញឧបករណ៍តេស្តសម្រាប់ធ្វើតេស្តដោយខ្លួនឯង។

ប្រធានមន្ទីរអប់រំ យុវជន និងកីឡារាជធានីភ្នំពេញដដែលនេះ បានបញ្ជាក់ថា ចំណែកសិស្សានុសិស្សវិញ មន្ទីរអប់រំលើកទឹកចិត្តឱ្យធ្វើតេស្តដោយខ្លួនឯង បើសិនជាមានលទ្ធភាព ឬក្នុងករណីសង្ស័យថា មានឆ្លងជំងឺកូវីដ-១៩ សូមទៅស្វែងរកកន្លែងពិនិនិត្យសំណាក ដើម្បីធ្វើតេស្តរកជំងឺកូវីដ-១៩៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ ម៉ោង មុន

ឃុំខ្សាយខ មានកុមារអាយុក្រោម ២ ឆ្នាំ និងស្ត្រីមានផ្ទៃពោះ គ្រួសារស្លាប់ដោយកូវីដ-១៩ បន្តទទួលសាច់ប្រាក់រាជរដ្ឋាភិបាល

ព័ត៌មានជាតិ១៤ ម៉ោង មុន

ចាប់ខ្លួនស្រ្តីម្នាក់ តាមដីកាបង្គាប់របស់តុលាការ ហើយនៅតេស្ដរកឃើញ វិជ្ជមានកូវីដ-១៩

ព័ត៌មានអន្ដរជាតិ១៤ ម៉ោង មុន

កូរ៉េខាងត្បូង ជួបសីតុណ្ហភាពត្រជាក់បំផុតក្នុងរយៈពេល ៦៤ ឆ្នាំ តំបន់ខ្លះធ្លាក់ចុះដល់ក្រោមសូន្យ

ព័ត៌មានជាតិ១៤ ម៉ោង មុន

ក្រសួងសុខាភិបាល បង្ហាញបញ្ជីឈ្មោះសណ្ឋាគារចំនួន ៥ សម្រាប់អ្នកដំណើរកក់ធ្វើចត្តាឡីស័ក

ចរាចរណ៍១៥ ម៉ោង មុន

សមត្ថកិច្ច បញ្ជូនបុរសម្នាក់ទៅតុលាការ ក្រោយបើករថយន្តបុករះ បណ្តាលឲ្យមនុស្ស ៣ស្លាប់ និង៣នាក់ទៀតរងរបួស

Sokha Hotels

ព័ត៌មានពេញនិយម

Helistar Cambodia - Helicopter Charter Services