អាជ្ញាធរខេត្តបាត់ដំបង បង្កើនការត្រួតពិនិត្យច្រកព្រំដែន ក្រោយថៃរកឃើញវីរុសបំប្លែងខ្លួនប្លែកៗ
Connect with us
Helistar Cambodia - Helicopter Charter Services

កូវីដ-១៩

អាជ្ញាធរខេត្តបាត់ដំបង បង្កើនការត្រួតពិនិត្យច្រកព្រំដែន ក្រោយថៃរកឃើញវីរុសបំប្លែងខ្លួនប្លែកៗ

បានផុស

នៅ

អាជ្ញាធរខេត្តបាត់ដំបងបានណែនាំដល់កងកម្លាំងសមត្ថកិច្ចដែលកំពុងឈរល្បាតនៅតាមខ្សែបន្ទាត់ព្រំដែន ត្រូវបង្កើនការត្រួតពិនិត្យឱ្យបានតឹងរ៉ឹងបន្ថែមទៀតចំពោះពលករខ្មែរលួចឆ្លងដែនពីប្រទេសថៃចូលតាមច្រករបៀងនានា ដើម្បីទប់ស្កាត់ការឆ្លងរាលដាលវីរុសកូវីដ-១៩ បំប្លែងខ្លួន Alpha Plus ដែលជាប្រភេទវីរុសមិនខ្លាចវ៉ាក់សាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សឿម ប៊ុនរិទ្ធិ អភិបាលរងខេត្តបាត់ដំបង បានមានប្រសាសន៍នៅព្រឹកថ្ងៃទី២៧ ខែតុលានេះថា បន្ទាប់ពីទទួលព័ត៌មានថា ខេត្ត ច័ន្ទបូរី របស់ប្រទេសថៃ ជាប់ខេត្តបាត់ដំបង កម្ពុជា បានរកឃើញវីរុសកូវីដ-១៩ បំប្លែងខ្លួន Alpha Plus ទៅលើពលរដ្ឋខ្មែរ និងជនជាតិថៃមក អាជ្ញាធរខេត្តបានណែនាំដល់កងកម្លាំងប្រដាប់អាវុធនៅតាមច្រកព្រំដែនឱ្យយកចិត្តទុកដាក់ត្រួតពិនិត្យតាមច្រករបៀងនានាបន្ថែមទៀត ធ្វើយ៉ាងណាទប់ស្កាត់ពលករខ្មែរដែលលួចឆ្លងព្រំដែនពីថៃចូលមកតាមច្រករបៀងនានានៃខេត្តបាត់ដំបង។

លោកអភិបាលរងខេត្តបានបន្តថា៖ “យើងតែងតែពង្រឹងការត្រួតពិនិត្យគ្រប់ពេលវេលាធ្វើយ៉ាងណាចាប់ ឬឃាត់ខ្លួនពលករខ្មែរដែលលួចឆ្លងដែរពីប្រទេសថៃចូលមកតាមច្រករបៀងខេត្តបាត់ដបង ដើម្បីយកពួកគាត់មកធ្វើតេស្តរហ័ស និងតេស្តម៉ាស៊ីនធំ CPR រកជំងឺកូវីដ-១៩ ពិសេសវីរុសបំប្លែងខ្លួនថ្មី និងឱ្យពួកគាត់ធ្វើចត្តាឡីស័ក”។

លោកអភិបាលរងខេត្តបានបន្តទៀតថា ប្រសិនបើមានការធ្វេសប្រហែស នោះពលករដែលលួចចេញពីប្រទេសថៃនឹងធ្វើដំណើរបន្តទៅកាន់ស្រុកកំណើត ហើយករណីពួកគាត់មានឆ្លងជំងឺកូវីដ១៩ នឹងបន្តចម្លងដល់ក្រុមគ្រួសារ សាច់ញាតិ និងសហគន៍ទាំងមូល។

លោក សឿម ប៊ុនរិទ្ធិ បានបន្ថែមទៀតថា ពលករទាំងនោះបានជួលរថយន្តតាក់ស៊ីនៅប្រទេសថៃគេចពីសមត្ថកិច្ចដើម្បីធ្វើដំណើរមកកាន់ព្រំដែន ហើយពេលមកដល់ព្រំដែន តាក់ស៊ីទំលាក់ពួកគេចោលដោយឱ្យពួកគេបន្តធ្វើដំណើរដោយថ្មើរជើងកាត់ព្រៃ និងឆ្លងអូរតាមច្រករបៀងចូលមកប្រទេសកម្ពុជា។

អភិបាលរងខេត្តបាត់ដំបងរូបនេះបានបញ្ជាក់ថា មានពលករជាច្រើនត្រូវបានឃាត់ខ្លួន និងនាំយកមកធ្វើតេស្ត និងធ្វើចត្តាឡីស័កទៅតាមវិធានរបស់ក្រសួងសុខាភិបាល។ ក្រៅពីឃាត់ខ្លួនពលករមកពីថៃ សមត្ថកិច្ចក៏បានឃាត់ខ្លួនពលករមួយចំនួនទៀតដែលមេខ្យល់នាំឆ្លងដែនទៅធ្វើការនៅប្រទេសថៃ និងបានបញ្ជួនមេខ្យល់ទៅកាត់ទោសមានទាំងជនជាតិខ្មែរ និងថៃទៅតាមច្បាប់ផងដែរ។

ប្រទេសថៃបានរកឃើញករណីវីរុសកូវីដ-១៩ បំប្លែងខ្លួន Delta Plus ទៅលើបុរសម្នាក់មកពីខេត្ត អាយុធ្យា កាលពីខែកញ្ញា និងករណីវីរុស Alpha Plus ចំនួន១៨ករណី នៅក្នុងខែកញ្ញាដូចគ្នា។ ដំបូងបង្អស់គឺជាវីរុសបំប្លែងខ្លួន AY.1 មិនមែនប្រភេទ AY.4.2 ដែលកំពុងរីករាលដាលនៅក្នុងចក្រភពអង់គ្លេសនោះទេ។

អគ្គនាយកនៃនាយកដ្ឋានវិទ្យាសាស្ត្រវេជ្ជសាស្ត្រ លោកវេជ្ជបណ្ឌិត Supakit Sirilak បាននិយាយនៅក្នុងសន្និសីទសារព័ត៌មាន កាលពីថ្ងៃអង្គារទី២៦ ខែតុលានេះថា នាយកដ្ឋានបានរកឃើញករណី Delta Plus (AY.1) មួយករណី នៅក្នុងខ្លួន បុរសម្នាក់ និង១៨ករណីជាវីរុស Alpha Plus។

ក្នុងចំណោមករណីវីរុសកូវីដបំប្លែងខ្លួនប្រភេទ Alpha Plus ដែលថៃរកឃើញថ្មីគឺមាន ២ ករណីជាអ្នកទោសនៅ Chiang Mai ហើយ ១៦ ករណីទៀតនៅក្នុងខេត្ត Chanthaburi ជាប់ខេត្ត បាត់ដំបង និងប៉ៃលិន របស់កម្ពុជា និងខេត្ត Trat ជាប់ខេត្ត កោះកុង ពោធិ៍សាត់ និងបាត់ដំបងរបស់កម្ពុជា។

ករណីវីរុស Alpha Plus ១៦ ករណីរួមមាន ថៃ៤នាក់ និងខ្មែរ១២នាក់ ដែលជាកម្មករចម្ការតាង៉ែន ក្នុងខេត្តភាគខាងកើតជាប់ព្រំដែនកម្ពុជា។

បើតាមលោកវេជ្ជបណ្ឌិត Supakit បានពន្យល់ថា Alpha Plus គឺជាវីរុសបំប្លែងខ្លួនក្លាយពូជពីប្រភេទ Alpha ហើយមានសមត្ថភាពគេចផុតពីការឆ្លើយតបប្រព័ន្ធភាពស៊ាំ មិនខ្លាចវ៉ាក់សាំង៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

លោក ចម ប្រសិទ្ធ ៖ ឆ្នាំ២០៣០ កម្ពុជានឹងក្លាយជាគំរូឧស្សាហកម្មបែបថ្មីប្រកបដោយសក្តានុពល

ជីវិតកម្សាន្ដ២០ នាទី មុន

ស្រស់ស្អាតណាស់! បវរកញ្ញា ភុំ សោភ័ណ្ឌ គ្រងសម្លៀកបំពាក់រាត្រីសមោសរក្នុងវគ្គមួយនៅ​ឆាក​Miss World

ព័ត៌មានជាតិ២២ នាទី មុន

ប្រតិបត្តិការ​ចាក់វ៉ាក់សាំង​កូវីដ​ ជូនប្រជាពលរដ្ឋ និងមន្ត្រីនៅមន្ទីរបង្អែកក្រុងសិរីសោភ័ណ

ព័ត៌មានជាតិ២៧ នាទី មុន

មហោស្រពសិល្បៈអន្តរជាតិអង្គរ នឹងជួយឱ្យពិភពលោកដឹងថាខេត្តសៀមរាបជាប់ជាទីក្រុងវប្បធម៌អាស៊ានប្រចាំឆ្នាំ២០២២

ព័ត៌មានជាតិ២៩ នាទី មុន

JICA សហការផ្តល់បច្ចេកទេសសម្រាប់គម្រោង ទីក្រុងឆ្លាតវៃ ជាមួយ រដ្ឋបាលខេត្តសៀមរាប

Sokha Hotels

ព័ត៌មានពេញនិយម

Helistar Cambodia - Helicopter Charter Services