Connect with us

កូវីដ-១៩

ប្រធានមន្ទីរអប់រំរាជធានី បង្ហាញលម្អិត ពីករណីរកឃើញ អូមីក្រុង ក្នុងសាលាឯកជនមួយ

បានផុស

នៅ

លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡា រាជធានីភ្នំពេញ បានប្រសាសន៍ប្រាប់ “កម្ពុជាថ្មី” នៅថ្ងៃទី ១៣ ខែមករានេះ ថា សាលាបញ្ញាសាស្ត្រអន្តរជាតិសាខាទី ១ មានទីតាំងនៅ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ បានរកឃើញ សិស្សម្នាក់វិជ្ជមានកូវីដ-១៩ ប្រភេទ អូមីក្រុង ព្រមទាំងគ្រូម្នាក់ និងសិស្ស ៧ នាក់ទៀត ក៏រកឃើញវិជ្ជមានកូវីដ-១៩ ដែរ ប៉ុន្តែមិនមែនជាប្រភេទអូមីក្រុង នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហែម ស៊ីណារ៉េត បញ្ជាក់ថា កាលពីចុងសប្ដាហ៍ថ្ងៃទី ៩ ខែមករាកន្លងទៅ សិស្សថ្នាក់ទី ៨ ម្នាក់នោះមានអាការៈផ្ដាសាយគួរឱ្យសង្ស័យ ហើយគ្រួសារបានយកទៅធ្វើតេស្ត ក៏រកឃើញមានវិជ្ជមានកូវីដ-១៩ ប្រភេទអូមីក្រុង។ អាណាព្យាបាលសិស្សក៏បានជូនដំណឹងមកសាលា ហើយសាលាបានធ្វើតេស្តវីរុសកូវីដ-១៩ ដល់គ្រូ និងសិស្សដែលបានមកបង្រៀន និងរៀនទាំងអស់ចំនួន ១៩៧ នាក់ ក្នុងនោះមានស្តី ៩៥នាក់ ដោយសិស្សមានចំនួន ១៨៥ នាក់ ស្រីមានចំនួន ៩១ នាក់។

ប្រធានមន្ទីរអប់រំ យុវជន និងកីឡា រាជធានីភ្នំពេញ ខាងលើ បានបន្តថា ជាលទ្ធផល បានរកឃើញ លោកគ្រូម្នាក់ និង សិស្ស ៧ នាក់ ក្នុងនោះមានស្រី ២ នាក់ វិជ្ជមានកូវីដ-១៩ បន្ថែមទៀត ប៉ុន្តែមិនមែនជាប្រភេទអូមីក្រុងទេ។

លោក ហែម ស៊ីណារ៉េត បញ្ជាក់ថា បច្ចុប្បន្ន សិស្សដែលមានវិជ្ជមានវីរុសកូវីដ-១៩ បំប្លែងថ្មីអូមីក្រុង កំពុងសម្រាកព្យាបាលនៅ ស្ដាតអូឡាំពិក ដោយមានស្ថានភាពសុខភាពធម្មតា មិនមានអាការៈអ្វីធ្ងន់ធ្ងរ ឬគួរឱ្យកត់សម្គាល់ទេ។
ទាក់ទងទៅនឹងប្រភពនៃការចម្លងជំងឺកូវីដ-១៩ បំប្លែងថ្មី អូមីក្រុម មកកាន់សិស្សខាងលើ លោកប្រធានមន្ទីរអប់រំ មិនទាន់ទទួលបាននៅឡើយទេ ដោយក្រុមការងារកំពុងស្រាវជ្រាវបន្ត។

លោក ហែម ស៊ីណារ៉េត មានប្រសាសន៍បន្ថែមថា បន្ទាប់ពីរកឃើញគ្រូ និងសិស្សមានវិជ្ជមានកូវីដ-១៩ សាលាបានសម្រេចឱ្យគ្រូ និងសិស្សសម្រាកព្យាបាល និងរៀនតាមអនឡាញរហូតដល់ជាសះស្បើយ ហើយថ្នាក់ដែលសិស្សមានវីរុសកូវីដ-១៩ ទាំងអស់ ត្រូវប្ដូរមករៀនតាមប្រព័ន្ធអេឡិចត្រូនិកវិញរយៈពេល ២ សប្ដាហ៍។

គួរបញ្ជាក់ថា មកដល់ពេលនេះ កម្ពុជារកឃើញអូមីក្រុងជាង ២០០ ករណីហើយ ទាំងនាំចូល និងឆ្លងក្នុងសហគមន៍។ បើតាមសេចក្ដីជូនព័ត៌មានរបស់ក្រសួងសុខាភិបាល ចេញមុននេះបានបង្ហាញថា កម្ពុជាបានរកឃើញអ្នកជំងឺអូមីក្រុងក្នុងសហគមន៍ សរុបចំនួន ២៨ ករណី ដោយ ១២ ករណី ជាករណីថ្មីទើបរកឃើញចុងក្រោយ គិតត្រឹមថ្ងៃទី ១២ ខែមករានេះ៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៨ នាទី មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ១៥ នាទី មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជន​សង្ស័យអាយុ ១៥ ឆ្នាំយកដុំថ្មវាយបែកក្បាល

ព័ត៌មានជាតិ១៦ នាទី មុន

ជាង ៣០ ឆ្នាំ KOICA ផ្តល់ជំនួយជាង ៣៦០ លានដុល្លារដល់កម្ពុជា អភិវឌ្ឍន៍ ៤ វិស័យ

សន្តិសុខសង្គម២៣ នាទី មុន

រដ្ឋបាលជលផល​ហាមលែងត្រី​មានប្រភពមកពីក្រៅប្រទេសចូលក្នុងដែនទឹកកម្ពុជា​

សន្តិសុខសង្គម៣៦ នាទី មុន

ដើមឆ្នាំ២០២៤ ករណីគ្រោះថ្នាក់ចរាចរណ៍នៅរាជធានីភ្នំពេញ កើតឡើងជាង៩០លើក បណ្ដាលឲ្យមានមនុស្សស្លាប់៣៣នាក់

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម