មណ្ឌលព្យាបាលអ្នកជំងឺ អូមីក្រុង មាននៅទីណាខ្លះក្នុងប្រទេសកម្ពុជា?
Connect with us
Helistar Cambodia - Helicopter Charter Services

កូវីដ-១៩

មណ្ឌលព្យាបាលអ្នកជំងឺ អូមីក្រុង មាននៅទីណាខ្លះក្នុងប្រទេសកម្ពុជា?

បានផុស

នៅ

ចាប់តាំងពីមានការឆ្លងជំងឺកូវីដ១៩ ប្រភេទអូមីក្រុងចូលសហគមន៍ បច្ចុប្បន្នកម្ពុជា មានមណ្ឌលព្យាបាលជំងឺប្រភេទអូមីក្រុង ទាំងនៅរាជធានីភ្នំពេញ និងតាមបណ្ដាខេត្តមួយចំនួន ពិសេសខេត្តដែលរកឃើញអ្នកជំងឺប្រភេទអូមីក្រុង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី យក់ សម្បត្តិ រដ្ឋលេខាធិការ នៃក្រសួងសុខាភិបាល មានប្រសាសន៍ថា នៅទូទាំងប្រទេសកម្ពុជាមាន មណ្ឌលកំពុងព្យាបាលជំងឺប្រភេទអូមីក្រុង នៅភ្នំពេញ មានចំនួន ៥ ទីតាំង ទាំងរបស់រដ្ឋ និងឯកជន ហើយនៅខេត្តសៀមរាប ពោធិសាត់ និងខេត្តកំពត គឺមានការព្យាបាលជំងឺប្រភេទអូមីក្រុង នៅមន្ទីរពេទ្យខេត្តនីមួយៗតែម្ដង។

លោកស្រីវេជ្ជបណ្ឌិត យក់ សម្បត្តិ មានប្រសាសន៍ឱ្យដឹងថា អ្នកជំងឺអូមីក្រុងទាំងអស់ដែលកំពុងស្នាក់នៅព្យាបាលនៅមន្ទីរពេទ្យរដ្ឋ និងឯកជន មិនមានរោគសញ្ញាអ្វីគួរឱ្យព្រួយបារម្ភទេ ដោយសារពួកគាត់បានចាក់វ៉ាក់សាំង។ អ្នកទាំងនោះបានទទួលការថែទាំយ៉ាងយកចិត្តទុកដាក់ពីក្រុមគ្រូពេទ្យដែលមានបទពិសោធន៍ជាង ២ឆ្នាំមកនេះ ព្រមទាំងមានថ្នាំថ្មីៗដើម្បីព្យាបាលពួកគាត់។

លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ មានប្រសាសន៍ថា កន្លែងព្យាបាលអ្នកជំងឺប្រភេទអូមីក្រុង មាននៅ មជ្ឈមណ្ឌលជាតិកំចាត់រោគរបេង និងហង់សិន មណ្ឌលព្យាបាលអូឡាំពិក មណ្ឌលព្យាបាលចាក់អង្រែ មន្ទីរពេទ្យមិត្តភាពខ្មែរសូវៀត មន្ទីរពេទ្យហ្លួងម៉ែ។

ប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ រូបនេះបានឱ្យដឹងថា ក្នុងចំណោមអ្នកជំងឺអូមីក្រុងទាំងនោះ អ្នកខ្លះបានចាក់វ៉ាក់សាំងកូវីដ-១៩ ដូសទី១ អ្នកខ្លះបានចាក់ដូសទី២ និងអ្នកខ្លះបានចាក់ដូសទី៣ ប៉ុន្តែអ្នកចាក់ដូសទី៣ មានភាគតិច ដោយអ្នកជំងឺភាគច្រើនបានចាក់វ៉ាក់សាំងពីក្រៅប្រទេស ព្រោះពួកគេជាអ្នកដំណើរមកពីក្រៅប្រទេស។ លោកស្រី ឱ វណ្ណឌីន អះអាងថា វ៉ាក់សាំងកូវីដ-១៩ នៅតែជាឧបករណ៍សំខាន់ សម្រាប់ការពារខ្លួនយើងពីភាពធ្ងន់ធ្ងរពីការវាយលុកពីវីរុសកូវីដ-១៩ ពិសេសប្រភេទអូមីក្រុង ដែលធ្វើឱ្យអ្នកជំងឺមិនធ្វើទុក្ខធ្ងន់ និងអាចព្យាបាលបានជាសះស្បើយ។ លោកស្រីសូមអញ្ជើញប្រជាពលរដ្ឋទៅចាក់វ៉ាក់សាំង ទាំងដូសមូលដ្ឋាន និងដូសជំរុញ ដែលមានទីតាំងនៅទូទាំង ២៥ រាជធានីខេត្ត។

គួរបញ្ជាក់ថា មកដល់ពេលនេះ កម្ពុជារកឃើញអ្នកជំងឺប្រភេទអូមីក្រុងជាង ២០០ ករណីហើយ ទាំងនាំចូល និងឆ្លងក្នុងសហគមន៍។ បើតាមសេចក្ដីជូនព័ត៌មានរបស់ក្រសួងសុខាភិបាល នៅថ្ងៃនេះបានបង្ហាញថា កម្ពុជាបានរកឃើញអ្នកជំងឺអូមីក្រុងក្នុងសហគមន៍ សរុបចំនួន ២៨ ករណី ដោយ ១២ ករណី ជាករណីថ្មី គិតត្រឹមថ្ងៃទី ១២ ខែមករានេះ។

ក្រសួងសុខាភិបាលបន្តចាត់វិធានការស្រាវជ្រាវរកអ្នកពាក់ព័ន្ធ និងយកអ្នកជំងឺទៅព្យាបាល ពង្រឹកការផ្សព្វផ្សាយឱ្យប្រជាពលរដ្ឋបន្តអនុវត្ត ៣កុំ ៣ការពារ និងចាក់វ៉ាក់សាំងបង្ការកូវីដ-១៩ ទាំងដូសមូលដ្ឋាន និងដូសជំរុញ ទន្ទឹមពេលអ្នកដំណើរចូលមកកម្ពុជាទាំងអស់ត្រូវបានរឹតបន្តឹង និងអនុវត្តវិធានការសុខាភិបាល៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៤ ម៉ោង មុន

បន្ទាន់!! និស្សិត​ច្បាប់​ម្នាក់ យក​កាំភ្លើង​អង្គរក្ស​​ឧកញ៉ាហុង ពីវ​ ​សម្លាប់ខ្លួន​ផ្អើល​ទាំង​យប់

សន្តិសុខសង្គម៤ ម៉ោង មុន

រដ្ឋបាល​ស្រុក​បាណន់ បានដាក់​ឱសានវាទ​រយៈ​ពេល​៧​ថ្ងៃ ដល់​អ្នករំលោភ​ដី​បឹង វាយរបង​ថ្ម និង​កាយ​អាចម៍ដី​ចេញ​ឲ្យ​អស់

ព័ត៌មានជាតិ៤ ម៉ោង មុន

លោក ជិន ម៉ា​លីន ត្រូវ​បានចាត់តាំង​ជា​សមាជិក​យុវជន​ថ្នាក់កណ្ដាល និង​ជា​ប្រធាន​ក្រុមការងារ​យុវជន​បក្ស​ក្រសួងយុត្តិធម៌

ចរាចរណ៍៤ ម៉ោង មុន

រថយន្ត​បី​គ្រឿង​បុក​ត​កន្ទុយ​គ្នា​ បណ្តាល​ឱ្យ​រង​ការខូចខាត

ចរាចរណ៍៤ ម៉ោង មុន

រថយន្ត​ព្រលះ​ម៉ូតូ​ពេញទំហឹង ស្លាប់​២​នាក់ រួច​បើក​រត់គេច​បាត់ស្រមោល

Sokha Hotels

ព័ត៌មានពេញនិយម

Helistar Cambodia - Helicopter Charter Services