ជីវិតកម្សាន្ដ

ម៉េង កែវពេជ្ជតា ស្នើឲ្យបញ្ឈប់បង្ហោះរូបភាពម្ហូបអាហារឆ្ងាញ់ៗសម្បូរហូហៀរព្រោះអាណិតអ្នកកំពុងជួបការលំបាក

បានផុស

៣ years មុន

នៅ

ថ្ងៃអង្គារ ២០ មេសា ២០២១

ដោយ

តារាចម្រៀងជើងចាស់សម្លេងស្រទន់អ្នកនាង ម៉េង កែវពេជ្ជតា ស្របពេលដែលប្រទេសកម្ពុជាកំពុងជួបការលំបាកដោយសារបញ្ហាជំងឺកូវីដ -១៩រីករាលដាលនោះ នាងក៏បានធ្វើការបួងសួងសុំសេចក្តីសុខជូនប្រជាពលរដ្ឋទូទាំងប្រទេសផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នាដែលប្រទេសកម្ពុជាកំពុងប្រឈមបញ្ហាជំងឺដ៏កាចសាហាវមួយនេះ ដែលធ្វើឲ្យប្រជាពលរដ្ឋមួយចំនួនជួបការលំបាកសម្រាប់ជីវភាពប្រចាំថ្ងៃនោះ អ្នកនាង ម៉េង កែវពេជ្ជតា ក៏បានអំពាវនាវនិងស្នើសុំអ្នកដែលចូលចិត្តបង្ហោះបង្អួតអាហារឆ្ងាញ់ឲ្យបញ្ឈប់ផងដែរ ពិសេសតារា តារាដែលមានជីវភាពហាយសូរតែម្តង។

អ្នកនាង ម៉េង កែវពេជ្ជតា បានលើកឡើងថា សូមតារា តារាហាយសូរទាំងឡាយ ល្មមបញ្ឈប់ការបង្ហោះរូបភាព និងសម្តីបង្ហាញពីម្ហូបអាហារBrand សម្បូរហូរហៀរទៀតទៅ អាណិតគ្នាអ្នកអត់អីហូបផង កុំខ្លាចគេមិនដឹងថាខ្លួនអ្នកមាននោះ។

តារាចម្រៀង ម៉េង កែវពេជ្ជតា ក៏បានអំពាវនាវដែរថា សូមបងប្អូនចូលរួមការពារ និងកម្ចាត់មេរោគកូវីដ-១៩កុំឲ្យបន្តមានលើផែនដីរបស់យើងទៀតឡើយ ដោយអនុវត្តវិធានការ ៣កុំ ៣ការពារព្រមទាំងចូលរួមទទួលការវ៉ាក់សាំងទាំងអស់គ្នា៕

អត្ថបទ ៖ ចាន់រ៉ា