ណា សាឌី ចេញមកពន្យល់ក្រោយមានការវែកញែកករណីនារីរូបស្រស់ ជីហ្ស័ង​

ស្របពេលដែលថ្មីៗ ផ្ទុះការាវែកញែកជុំវិញការលេីកឡេីងរបស់នារីរូបស្រស់ឈ្មោះ ជីហ្ស័ងនោះស្រាប់តែតារាសម្តែងកូនកាត់កញ្ញា ណា សាឌី បានចេញមុខពន្យល់ថាករណីនេះ គឺមិនខុសនោះទេដោយប្អូនរស្រីរូបនោះអាចនិយាយច្រឡំពាក្យសម្តីតែប៉ុាណ្ណោះ។

កញ្ញា ណា សាឌី បានលើកឡើងថា គាត់និយាយមិនខុសទេ គ្រាន់តែកញ្ញាអត់ទាន់ចេះរៀបពាក្យនិយាយ និងយល់ថា នាងនៅក្មេង មិនគួរប្រមូលគ្នាមកជាន់នាងនោះឡើយ។ ណា សាឌី បន្តថា “សង្គមជាន់គេជាន់ឯង bully គេកាលអស់? ចុះពួកយេីងសុទ្ធតែមាន type រៀងៗខ្លួនត្រូវទេ? អត់ត្រូវ type កុំស្រលាញ់កុំយកទៅចប់រឿង”។

កញ្ញា ណា សាឌី បានលើកឡើងបន្តថា ត្រង់ចំណុចដែលគាត់និយាយថាបើស្រលាញ់គាត់ត្រូវឱ្យលុយគាត់គឺចង់សំដៅទៅលើទឹកចិត្ត ដូចជាពាក្យថាបើយើងស្រលាញ់បងប្អូនគឺយើងត្រូវជួយគាត់ ដើម្បីជាការលើកទឹកចិត្តហើយនេះអាចចាត់ទុកថាជាទាំហំទឹកចិត្តមនុស្សម្នាក់ៗប៉ុណ្ណោះ។

ជាមួយគ្នានេះ តារាសម្តែងនិងជាពិធីការិនីរូបស្រស់កញ្ញា ណា សាឌី ក៏បានស្នើចិត្តមហាជនបញ្ឈប់ការរិះនគន់និងវែកញែកជុំវិញរឿងរ៉ាវរបស់នារីរូបស្រស់ ជីហ្ស័ង​ ផងដែរ ខណ:ថ្មីៗនេះបានផ្ទុះរឿងនេះនៅលើបណ្តាញសង្គមច្រើនរួចមកហើយ៕ ដោយ : ចាន់រ៉ា