ជីវិតកម្សាន្ដ

តារាសម្ដែង ស៊ីណា វ៉ាត់ត្រា រក្សាជំហរមិនបោះបង់សិល្ប:ទោះបីចាប់អាជីពថ្មី

បានផុស

៣ years មុន

នៅ

ថ្ងៃពុធ ២៦ ឧសភា ២០២១

ដោយ

លោក ស៊ីណា វ៉ាត់ត្រា ដែលធ្លាប់តែលេចមុខតាមMVបទចម្រៀងOriginals Songsមួយចំនួននោះពេលនេះបានងាកទៅធ្វើការផ្នែកទីផ្សារនៅបុរីមួយ ដែលមានទីតាំងនៅភូមិជន្លង់ សង្កាត់សាលាកំរើក(ក្រោយផ្សារលើធំថ្មី)ក្រុងសៀមរាប ខេត្តសៀមរាប ជាច្រើនខែមកហើយ។

ការចាប់អាជីពថ្មីរបស់លោកនៅពេលនេះ ក្រោយពីតារាសម្ដែងរូបនេះបានសម្រេចចិត្តលាឈប់ពីបម្រើការនៅធនាគារមួយ ដែលចំណាយពេលដល់ទៅ៨ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ចាន់ស៊ី ស៊ីណាវ៉ាត់ត្រា បានឲ្យដឹងថា ការងារផ្នែកអចលនទ្រព្យនេះ ជាជំហ៊ានថ្មីសម្រាប់លោក ហើយដោយសារការស្រលាញ់ទើបលោកតាំងចិត្តថា ត្រូវតែចាប់ឲ្យបានផ្នែកមួយនេះបន្ថែមពីលើអាជីពសម្ដែង។

លោកបន្តថា ពិតជាមានមោទនភាព ព្រោះខាងបុរីបានផ្ដល់ទំនុកចិត្ត និងឲ្យឱកាសលោកបានចូលរួមជាមួយក្រុមហ៊ុនដែលលោកបានផ្ដើមធ្វើការងារថ្មីមួយរយៈនេះ ទទួលបានបទពិសោធន៍ច្រើននិងកំពុងតែមានការរីកចម្រើនទៅមុខជាលំដាប់ផងដែរ។

ថ្វីត្បិតតែលោក ស៊ីណា វ៉ាត់ត្រា ជាប់ដៃធ្វើការផ្នែកលក់ឲ្យបុរីនេះក្ដី ប៉ុន្ដែលោកថានៅតែឆ្លៀតធ្វើការងារសិល្បៈដូចមុនដដែល ហើយនៅដើមខែមិថុនាឆ្នាំ២០២១នេះ លោកក៏ត្រៀមថតភាពយន្ដខ្នាតធំឲ្យផលិតកម្មClassic ផងដែរ។

តារាសម្ដែងដែលមានស្រុកកំណើតមកពីខេត្តបាត់ដំបងរូបនេះ បានឲ្យដឹងថា លោកប្រឹងប្រែងបន្ថែមទៀតជាមួយការងារសិល្បៈ និងអចលនទ្រព្យ គឺឲ្យដើរទន្ទឹមគ្នាតែម្ដង៕

អត្ថបទ ៖ ចាន់រ៉ា