ជីវិតកម្សាន្ដ

វ៉ាន់ នីឡា សុំចិត្តមហាជនឲ្យឈប់ចែករំលែកឬសើចចំអក ករណីក្មេងស្រីម្នាក់ដែលជួបវិបត្តិ

បានផុស

៣ years មុន

នៅ

ថ្ងៃពុធ ២៦ ឧសភា ២០២១

ដោយ

តារាចម្រៀងស្រីកញ្ញា វ៉ាន់ នីឡា បានចេញមុខដោយទទូចស្នើសុំដល់មហាជននិងអ្នកប្រើប្រាស់បណ្តាញសង្គមហ្វេសប៊ុកទាំងអស់ មេត្តាបញ្ឈប់ការចែករំលែកឬសើចចំអកលើករណីក្មេងស្រីម្នាក់ដែលកំពុងជួបវិបត្តិ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា វ៉ាន់ នីឡា បានរៀបរាប់ថា មនុស្សណាដែលស៊ែររឿងរបស់ក្មេងស្រីម្នាក់ ដែលកំពុងតែមានប ញ្ហានៅពេលថ្មីៗនេះ ហើយស៊ែរដោយការសើចចំអកឬយករឿងគាត់មកសើចសប្បាយក្នុងខមិនខ្ញុំសុំប្លុកចោលទាំងអស់។ សូមឲ្យមានសុជីវធម៌ទាំងស្រីទាំងប្រុសទាំងចាស់ទាំងក្មេង ដោយយកចិត្តគេដាក់ចិត្តយើង។

សូមជម្រាបថាថ្មីៗមានការចាប់អារម្មណ៍នូវករណីក្មេងស្រីម្នាក់ព្យាយាមរត់ចូលឡាន ដើម្បីសម្លាប់ខ្លួនប៉ុន្តែមិនបានសម្រេចក៏មកអង្គុយយំក្រោមបង្គោលភ្លើងរហូតដល់សន្លប់បង្កការភ្ញាក់ផ្អើលដល់អ្នកដំណើរ ។

ហេតុការណ៍នេះបានកើតឡើងកាលពីល្ងាចថ្ងៃទី២៤ ខែឧសភា ឆ្នាំ២០២១ ស្ថិតនៅតាមបណ្តោយផ្លូវសហព័ន្ធរុស្ស៊ីស្ថិត ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។ ក្មេងស្រីរងគ្រោះមិនទាន់ត្រូវបានគេបញ្ជាក់ពីអត្តសញ្ញាណនោះឡើយ ប៉ុន្តែត្រូវបានអ្នកលេងបណ្ដាញសង្គមTIKTOKអះអាងថា ជាតារាសម្ដែងវ័យក្មេងម្នាក់។

ចំពោះមូលហេតុ ដែលបណ្ដាលឲ្យមានរឿងនេះកើតឡើង ត្រូវបានប្រភពខ្លះបញ្ជាក់ថា ដោយសារក្មេងស្រី ខឹងម្តាយស្តីបន្ទោសរឿងឲ្យបែកពីសង្សារ។ ចំណែកប្រភពខ្លះទៀតបាន អះអាងថា រឿងនេះកើតឡើងបន្ទាប់ពីនាងបានAdd Storyជាវីដេអូបែបមិនសមរម្យជាមួយសង្សារក្នុងបណ្ដាញសង្គមអ៊ីនស្ដាក្រាម៕

អត្ថបទ៖ ចាន់រ៉ា