ជីវិតកម្សាន្ដ

ទោះបីជួបវិបត្តិកូវីដ តែតារាប្រុស-ស្រី៥រូបនេះ មានលទ្ធភាពជិះរថយន្តស៊េរីទំនើបJeep

បានផុស

៣ years មុន

នៅ

ថ្ងៃចន្ទ ៣១ ឧសភា ២០២១

ដោយ

ថ្វីត្បិតតែបច្ចុប្បន្នមានពលរដ្ឋមួយចំនួនកំពុងព្រួយបារម្ភចំពោះវិបត្តិនៃជំងឺកូវីដ-១៩ ដែលធ្វើឲ្យចំណូលពួកគាត់ត្រូវបានធ្លាក់ចុះ ឬបាត់បង់ខ្លះក្តី តែងាកមកចាប់អារម្មណ៍តារាប្រុស ស្រី៥រូបនេះបែរជាសម្ញែងភាពហ៊ឺហាដោយចាយលុយខ្ទង់រាប់ម៉ឺនដុល្លារ ទិញរថយន្តស៊េរីទំនើប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំពោះអ្នកសិល្បៈទាំង៥រូបដែលមានលទ្ធភាពទិញរថយន្តស៊េរីទំនើបម៉ាក Jeepតម្លៃប្រមាណ១០ម៉ឺនដុល្លារនោះរួមមាន ១.តារាសម្ដែងអ្នកនាង គង់ ច័ន្ទស្រីមុំ បានទិញរថយន្តម៉ាកJeep ranglerស៊េរីឆ្នាំ២០២០ ពណ៌លឿងលាយខ្មៅ កាលពីដើមឆ្នាំ២០២១នេះ។ ២.តារាចម្រៀងប្រុសលោក កែវ វាសនា បានទិញរថយន្ដម៉ាកJeepពណ៌ប្រផេះស៊េរីឆ្នាំ២០២១កាលពីខែមីនាឆ្នាំ២០២១។ ៣.តារាចម្រៀងវ័យក្មេងកញ្ញា រ៉េត ស៊ូហ្សាណា ទទួលបានកាដូពិសេសពីឪពុក-ម្តាយនៅដើមឆ្នាំ២០២១នេះ គឺរថយន្តម៉ាកJeep Robiconស៊េរីឆ្នាំ២០២១ពណ៌ខ្មៅ ។ ៤.ពិធីការិនី ស៊ឹម សូលីកា ក៏បានទិញរថយន្តម៉ាក Jeepប្រភេទff roadពណ៌ក្រហម លាយខ្មៅ មួយគ្រឿងជាកាដូសម្រាប់កូនស្រីរបស់ខ្លួនឈ្មោះ ស៊ឹម សូលីណា ផងដែរ។ ៥.តារាសម្ដែងអ្នកនាង ឌី សូនីតា កាលពីថ្ងៃទី២៣ ខែឧសភា ឆ្នាំ២០២១នាងនឹងកូនស្រីបានថតបង្អូតរាងជាមួយរថយន្ដJeep ពណ៌ខ្មៅ ១គ្រឿងផងដែរ។

តាមការកត់សម្គាល់អំឡុងពេលវិបត្តិកូវីដនេះដែរ មិនមែនមានតែប្រជាពលរដ្ឋនោះទេ ដែលបាត់បង់ចំណូលនោះ គឺសិល្បករ-សិល្បការិនីខ្មែរមួយចំនួនក៏បាត់បង់ចំណូលពីអាជីពសិល្ប:ខណ:កម្មវិធីកម្សាន្ត ឬឆាកតន្ត្រីក៏ត្រូវបានផ្អាកផងនោះ៕

អត្ថបទ ៖ ចាន់រ៉ា