រឿងគួរឱ្យចាប់អារម្មណ៍ទាំង៧ ពីតារាស្រី Liu Yifei តួអង្គ Mulan
Connect with us
Helistar Cambodia - Helicopter Charter Services

ជីវិតកម្សាន្ដ

រឿងគួរឱ្យចាប់អារម្មណ៍ទាំង៧ ពីតារាស្រី Liu Yifei តួអង្គ Mulan

បានផុស

នៅ

តារាស្រី Liu Yifei ជាតួសម្ដែងល្បីល្បាញក្នុងវិស័យសិល្បៈចិន និងមានឈ្មោះបោះសំឡែងក្នុងពិភពហូលីវូដផងដែរ។ នាងជាតួអង្គ Mulan ក្នុងភាពយន្តរបស់ Disney ដែលទើបចប់ការចាក់បញ្ចាំងកាលពីពេលថ្មីៗនេះ។ ក្នុងតំណែងថ្មីដែលមានការប្រកួតប្រជែងខ្ពស់នៃរឿង Mulan នាងត្រូវក្រុមហ៊ុន Disney ជ្រើសរើសចេញពីចំណោមតួ ១០០០ នាក់ក្នុងទ្វីបចំនួន ៥ ផ្សេងគ្នា ដោយសារនិយាយភាសាអង់គ្លេសបានល្អ និងជំនាញក្បាច់គុនពិតៗរបស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Liu Yifei មិនមែនលេចមុខតែក្នុងវិស័យភាពយន្តប៉ុណ្ណោះទេ ប៉ុន្តែនាងនៅមានជំនាញ និងរឿងរ៉ាងផ្សេងទៀតដែលយើងមិនទាន់ដឹងផងដែរ។

១. នាងមានឈ្មោះពិតផ្សេង

ឈ្មោះ Liu Yifei មិនមែនជាឈ្មោះកំណើតរបស់នាងទេ ដោយតារាស្រីរូបនេះត្រូវបានគេដាក់ឈ្មោះថា An Feng នៅពេលកើត។ នាងមានឪពុកឈ្មោះ Shaokang និងម្ដាយ Liu Xiaoli ។ ក្រោយមកតារាសម្តែងរូបនេះបានប្តូរនាមត្រកូលរបស់ខ្លួនទៅខាងម្តាយ បន្ទាប់ពីប៉ាម៉ាក់លែងលះគ្នា ដោយដាក់ឈ្មោះថា Liu Ximeiz វិញម្ដង។

តាមពិតឈ្មោះ Liu Yifei គ្រាន់តែជាឈ្មោះសិល្បៈប៉ុណ្ណោះ ហើយនាងមានឈ្មោះក្រៅមួយទៀតថា Crystal Liu នៅពេលនាងចូលក្នុងបណ្តាប្រទេសនិយាយភាសាអង់គ្លេស។

២. នាងនិយាយបានពីរបីភាសា

តារាសម្តែងជនជាតិចិនរូបនេះ មិនត្រឹមតែចេះនិយាយភាសាចិនកុកងឺប៉ុណ្ណោះទេ ប៉ុន្តែថែមទាំងអាចនិយាយភាសាអង់គ្លេសបានយ៉ាងស្ទាត់ ដោយសារនាងបានធំឡើងនៅញូវយ៉ក សហរដ្ឋអាមេរិក។ ក្រៅពីស្ទាត់ភាសាអង់គ្លេសនិងភាសាចិនកុកងឺ Liu Yifei ក៏អាចនិយាយភាសាកូរ៉េនិងជប៉ុនបានផងដែរ។

៣. នាងមិនមែនទើបតែបង្ហាញខ្លួនក្នុងហូលីវូដទេ

តួអង្គ Mulan មិនមែនជាការបង្ហាញខ្លួនលើកដំបូងរបស់ Liu Yifei នៅក្នុងកុនហូលីវូដទេ។ តារាសម្តែងរូបនេះធ្លាប់ដើរតួក្នុងខ្សែភាពយន្តហូលីវូដធំៗជាច្រើនរួមមាន The Forbidden Kingdom ក្នុងឆ្នាំ ២០០៨។ រឿងនេះនាងលេងជាមួយតារាសម្ដែងប្រុសជួរមុខរបស់ចិនគឺលោក  ឈិនឡុង (Jackie Chan) និងលោក លីលានជា (Jet Li) ។ នាងក៏ជាអតីតតួសម្តែងក្នុងរឿង Outcast ជាមួយតារាប្រុស Hayden Christensen និង Nicholas Cage ក្នុងឆ្នាំ ២០១៤។ រីឯក្នុងឆ្នាំ ២០១៧ នាងសម្ដែងក្នុងភាពយន្តស្នេហាដែលមានចំណងជើងថា The Widow របស់ចិនជាមួយតារាសម្តែងស្រី Emile Hirsch ។

៤. នាងជាតារាបង្ហាញម៉ូដ

តាមពិត Liu Yifei បានចាប់ផ្តើមអាជីពជាតារាបង្ហាញម៉ូដតាំងពីនាងមានអាយុ ៨ ឆ្នាំមកម្ល៉េះ។ ក្រៅពីការសម្តែង នាងក៏ជាតារាម៉ូឌែលមានកេរ្តិ៍ឈ្មោះក្នុងឧស្សាហកម្មម៉ូដផងដែរ។ ជាច្រើនឆ្នាំមកនេះ Yifei បានលេចមុខក្លាយជាឯកអគ្គរដ្ឋទូតនៃម៉ាកល្បីៗជាច្រើនរបស់ចិនដូចជា Garnier និង Pantene ។

៥. នាងមានអាជីពច្រៀង

ក្រៅពីដើរម៉ូដ និងសម្ដែង Liu Yifei ក៏អាចច្រៀងបានដែរ! នៅឆ្នាំ ២០០៥ នាងបានចុះហត្ថលេខាជាមួយផលិតកម្ម Sony Music Entertainment របស់ប្រទេសជប៉ុន ដោយកាលណោះនាងបានចេញអាល់ប៊ុមចំនួនពីរ។ បទចម្រៀងជប៉ុនដំបូងដែលនាងចេញគឺបទ “Mayanoka no Door” ។ បទនេះទទួលបានការចាប់អារម្មណ៍ខ្លាំងរហូតដល់ត្រូវបានជ្រើសរើសឱ្យក្លាយជាបទចម្រៀងសម្រាប់ខ្សែភាពយន្តគំនូរជីវចល Powerpuff Girls Z ទៀតផង។

៦. នាងទទួលបានការបណ្តុះបណ្តាលផ្នែកក្បាច់គុនពិត

Liu Yifei មានជំនាញប្រយុទ្ធដាវនិងក្បាច់គុនចិន! ដោយសារតារាស្រីរូបនេះ ធ្លាប់ដើរតួក្នុងភាពយន្ត “The Forbidden Kingdom” ក្នុងឆ្នាំ ២០០៨ ដូច្នេះនាងត្រូវហាត់រៀនក្បាច់គុណពិតៗដើម្បីឲ្យការសម្ដែងកាន់តែសក្តិសម។ នៅចុងឆ្នាំ ២០២០ នាងក៏លេចមុខក្នុងភាពយន្តបែបក្បាច់គុណជាថ្មីម្ដងទៀតដោយដើរតួជានាង Mulan ។

៧. នាងស្រឡាញ់សត្វឆ្មាបំផុត

ម្តាយនិង Liu Yifei  ឧស្សាហ៍ធ្វើការជាមួយអង្គការមិនរកប្រាក់ចំណេញ ដើម្បីយកសត្វឆ្មាដែលវង្វេងនិងជួយរកកន្លែងស្នាក់នៅថ្មីសម្រាប់ពួកវា។ ជាក់ស្ដែងផ្ទះរបស់នាងនៅរដ្ឋធានីប៉េកាំងធ្លាប់មានសត្វឆ្មាជាង ៣០ ក្បាលរស់នៅទីនោះជាមួយ។ ដោយសារតែបែបនេះ Liu Yifei   ត្រូវបានគេឲ្យឈ្មោះជា ព្រះនាងមួយរូបដែលមានចិត្តល្អចំពោះសត្វ!

ប្រែសម្រួល៖ សន្យា

ប្រភព៖ CLEO

ចុចអាន៖ មេរៀនជីវិតល្អៗពីភាពយន្តភាគ “Crash Landing On You” សម្រាប់យុវវ័យ

ចុចអាន៖ ហេតុអ្វី Jun Ji-hyun អាចក្ដោបតំណែងជាតារាស្រីជួរមុខរបស់កូរ៉េខាងត្បូង?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

អាវុធហត្ថ​រាជធានី​អរគុណ​សប្បុរសជន​ដែល​ផ្ដល់​ស្បៀង​ដល់​អាវុធហត្ថ​ក្នុង​យុទ្ធនាការ​រ​ប្រឆាំង​កូ​វីដ​-១៩​និង​សង្គ្រោះ​ពលរដ្ឋ​រងគ្រោះ​ដោយ​ទឹកជំនន់​

ព័ត៌មានជាតិ៨ ម៉ោង មុន

លោក ម៉ៅ ធនិន សន្យា​រៀប​ចំ​ប្រព័ន្ធ​លូ​បង្ហូរទឹក​កខ្វក់​នៅ​ផ្សារ​កំពង់ត្រាច ដើម្បី​បញ្ចៀស​ការ​ជន់​លិច​និង​ក្លិន​ស្អុយ

ព័ត៌មានជាតិ៩ ម៉ោង មុន

បេសកកម្ម​ក្នុង​ការ​ទប់ស្កាត់​ទឹកជំនន់​សណ្តរ​ស្ទឹង​ព្រែក​ត្នោត ទទួល​បាន​លទ្ធផល​ជោគជ័យ អភិបាល​រាជធានី ថ្លែង​ការ​អរគុណ​និង​លើកទឹកចិត្ត កម្លាំង​ដែល​ចូលរួម

ព័ត៌មានជាតិ៩ ម៉ោង មុន

សេចក្តីព្រាងច្បាប់ ដើម្បី​បង្កើត​ស្ថាប័ន​សិទ្ធិ​មនុស្សជាតិ ក្រោម​ដៃ​អង្គការ​សង្គម​ស៊ីវិល​រយៈពេល​១៥​ឆ្នាំ​អត់​ចេញ​ជា​រូបរាង

ព័ត៌មានជាតិ១០ ម៉ោង មុន

គ្រែ​ពេទ្យ​សម្រាក​ព្យាបាល​អ្នក​ជំងឺ​ចំនួន​៦គ្រឿង​ តម្លៃ​ស្មើ​ជាង​៦.០០០​ដុល្លារ​របស់​ក្រុមហ៊ុន​កាស៊ីណូ ដាយ​មិ​ន​ស៊ី​ធី ធ្វើការ​ឧបត្ថម្ភ​ដល់​អង្គភាព​អាវុធហត្ថ

Sokha Hotels

ព័ត៌មានពេញនិយម

Helistar Cambodia - Helicopter Charter Services