Connect with us

ជីវិតកម្សាន្ដ

តារា​សម្តែង​កញ្ញា ៨០​គីឡូ ធ្លាក់ខ្លួន​ឈឺ​ជំងឺ​ទឹក​នោម​ផ្អែម​និង​ចេញ​ដំបៅ​សុះ​ពេញ​ខ្លួន

បានផុស

នៅ

ភ្នំពេញ​ ៖ តារា​សម្តែង​កញ្ញា ៨០​គីឡូ​(​ប៉ែតសិប​គីឡូ​) ដែល​មហាជន​និង​គាំទ្រ​ភាគច្រើន​ស្គាល់​តាមរយ​: ការ​ការសម្តែង​និង​កំប្លុកកំប្លែង​បង្ក​សំណើច​សើច ក្តា​ក់ក្អាយ​ជាច្រើន​នោះ​ឥឡូវ​បាន​ធ្លាក់ខ្លួន​ឈឺ​ជំងឺ​ច្រើន​មុខគួរ​ឲ្យ​សង្វេគ​ណាស់​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​តាម​ការបញ្ជាក់​ពី​មិត្តភក្តិ​សិល្បៈ​រួម​អាជីព​សិល្បៈ​ បាន​បង្ហោះ​ភ្ជាប់​រូបភាព​ថា ​ពិតជា​ស្លុតចិត្ត​ណាស់ដែល​ឃើញ៨០​គីឡូ ដេក​ឈឺ​ទ្រ​ហ៊ោ​យំ​គ្មាន​លុយ​ព្យាបាល​ជំងឺ​ទឹកនោមផ្អែម ឡើង​ជាតិ​អាស៊ីត​និង​ដំបៅ​សុះ​ពេញ​លើ​ដងខ្លួន​ទាំង​អស់​។​ សូម​បងប្អូន​ជួយ​ចែករំលែក​ដើម្បីអោយ​សប្បុរសធម៌​ជួយ​នាង​គ្រាន់​បាន​លុយ​ទិញ​ថ្នាំ​ផង​។​ ប្រភព​បន្ត​ថា ​នាង​រកលុយ​មិនបាន​ណា​ឈឺ​ផង​ទើប​មិនអាច​ចេញ​ថត​កើត។​

​ប្រាប់​កម្ពុជា​ថ្មី​តាម​ទូរសព្ទ​នា​រសៀល​ថ្ងៃនេះ​តារា​ភេទ​ទី​៣​កញ្ញា ៨០​គីឡូ បាន​ឲ្យ​ដឹង​ថា​ ខ្លួន​ពិតជា​មាន​ជំងឺ​ទឹកនោមផ្អែម​រយៈពេល​ជិត​២​ឆ្នាំ​ហើយ​ ដែល​តម្រូ​វ​ទិញ​ថ្នាំ​មក​លេប​ជាប្រចាំ​។ ​ប៉ុន្តែ​ដោយសារ​មួយ​រយៈ​នេះ​ជួប​ការ​ខ្វះខាត​ទើប​គ្មាន​លុយ​ទិញ​ថ្នាំ​ក៏​បណ្តា​ល​ឲ្យ​ជំងឺ​ធ្វើទុក្ខ​និង​ចេញ​ដំបៅ​ពេញ​ខ្លួន​បែបនេះ​។​

៨០​គីឡូ បាន​បន្ត​ថា​ មូលហេតុ​ដែល​នាង​ជួប​ការ​ខ្វះខាត​នោះ​ក៏​ព្រោះតែ​ចំណូល​សិល្បៈ ​ត្រូវ​បាន​បាត់​បង់​ទាំងស្រុង​អំឡុង​ពេល​ផ្ទុះ​ជំងឺ​កូ​វីដ​-១៩​ ដែល​ធ្វើ​ឲ្យ​ការងារ​សិល្បៈ​មួយចំនួន​ត្រូវ​បាន​ពន្យា​រនិង​លុប​ចោល​វិញ​។ ​នាង​បន្ថែម​ថា​ មកទល់​ពេល​នេះ​ជំងឺ​(​ដំបៅ​) របស់​នាង​ទើបតែ​បាន​ធូរ​ស្រាល​បន្តិច​ពោល​គឺ​ប្រមាណ​២០​ភាគរយ​៕

ដោយ ៖ ចាន់​រ៉ា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម